1 Ao e koro bukina bwa Nibwaite ake aki ^atiringaki n taian bwai ni buaka, i mwin taunakiia ake a tia n tiringaki—ngkai mwaitia ake a tiringaki e aki warekaki, ibukin korakoran mwaitia—i mwin taunakiia aia mate a bane n okira abaia, ao bataia, ao buuia aine, ao natiia.

2 Ngkai a mwaiti aine ao ataei ake a tia n tiringaki n te kabaang, ao ai aroia naba aia nanai ni man aika a mwaiti; ao mwaitin naba aia marae ni wiita a bon uruakaki bwa a bon toutouaki irouia aomata aika a mwaiti.

3 Ao ngkai a bon mwaiti Reimwanaite ao Ameritinaite ake a tia n tiringaki iaon rarikin te karaanga are Tiitan ake a karenakoaki i nanon marawan te ^akaranga are Tiitan; ao nooria riia are mena i kabin ^btaari ao a bon mwaiti.

4 Ao ^aAmeritinaite a kaokoro ma Nibwaite, bwa a bon tia ni ^bkanikinaeia ma te uraura iaon ramwaia n ai aroia Reimwanaite; ma e ngae n anne a bon tuai n imanii atuuia n ai aroia Reimwanaite.

5 Ngkai atuuia Reimwanaite a bon imanaki; ao a bon ^abebeekan, ma ti iai kunin te man are a kabaea i nukaia, ao aia kunikai naba ni kamanoia man te buaka, are e kabaeaki iaoia, ao aia katebe, ao aia kai ni katebe, ao aia atibu, ao aia bana, ao aekaia nako.

6 Ao kuniia Reimwanaite a bon bwatabwata, ni kaineti ma te kanikina are e katukaki iaoia aia bakatibu, are bon te ^amaraia iaoia ibukin riaoan te tua irouia ma aia kaitara nakon tariia, are Nibwaai, Iakobwa, ao Iotebwa, ao Taam are bon mwaane aika a raoiroi ma ni mimitong.

7 Ao tariia a bon ukoukora tiringakia, ngaia are a bon maraia; ao te Uea ae te Atua e katuka iaoia te ^akanikina, eng, iaon Reimwan ma Remuera, ao iaon naba natin Itimaera ake mwaane, ma kaain ana utu Itimaera aika aine.

8 Ao aio e karaoaki bwa e aonga n ae a kaokoroaki kanoaia ma kanoaia tariia, ao n te aro aei te Uea ae te Atua e na kona ni kawakinia ana aomata bwa a aonga n aki ^airengan ao man aki kakoauai ^bkatei aika a kairua are e na kona n riki bwa kamaunakia.

9 Ao e koro bukina bwa ane e iein kanoana ma Reimwanaite e bon karokoa naba te maraia arei iaoia kanoana.

10 Ngaia, ae ane e kariaia bwa e na kairaki nako irouia Reimwanaite ao e aranaki n te ara ae Reimwanaite, ao bon iai te kanikina ae katokaki iaona.

11 Ao e koro bukina bwa ane e aki kakoaua ^akateia Reimwanaite, ma e kakoauai rongorongo ake a uotaki ma i Ierutarem, ao kateia aia bakatibu, ake a eti, ao naake a kakoauai ana tua te Atua man kawakini, a bon aranaki bwa ana aomata Nibwaai, ni moa man te tai arei.

12 Ao bon ngaia are a bon tia ni kaawakin rongorongo aika ^akoaua ibukiia aia aomata, ao ibukiia aomata ake Reimwanaite.

13 Ngkai ti na manga okiria Ameritinaite, bwa iai naba te ^akanikina are e mena iaoia; eng, bon ngaia ae a katoka te kanikina iaoia, eng, ae bon te kanikina ae uraura iaon ramwaia.

14 Ngaia are e a kakoroaki bukin ana taeka te Atua, bwa aikai taeka ake e taekin nakon Nibwaai: Nooria, I a tia ni kamaraiaia Reimwanaite, ao N na katoka te kanikina iaoia bwa ngaia ma kanoaia a na bon kamaenakoaki mai iroum ao kanoam, ni moa man te tai aio ao n aki toki, ma ti ngkana a rairinanoia man aia buakaka man ^arairaki nakoiu bwa I aonga n nanoangaia.

15 Ao teuana riki: N na katoka te kanikina iaon are e iein kanoana ma kanoaia tarim, bwa a aonga ni maraia naba.

16 Ao N na manga: katoka riki te kanikina iaon are e kaaitarako n un ma kanoam.

17 Ao N na manga kangai, ane e kitaniko, e na bon aki manga aranaki bwa kanoam; ao N na kakabwaiako, ma ane a aranaki bwa kanoam, ma ngkai ao n aki toki; ao aikai ana berita te Uea nakon Nibwaai ma kanoana.

18 Ngkai Ameritinaite aki ataia ae a bon kakoroa nanon ana taeka te Atua ngke a waaki ni kanikinaea ramwaia ma e ngae n anne a bon tia n teirake i matan te botanaomata ni ^akaitaraa te Atua; ngaia ae e bon riai bwa e na bwakaria te maraia.

19 Ngkai I tangiria bwa kam na nooria bwa a bon uota te ^amaraia nako aoia; ao ni kabane te aomata are e maraia e bon karokoa iaona oin kabuakakakina.

20 Ao ngkai e koro bukina bwa e aki mwaiti te bong i mwin te buaka are e bo n te aba are Taraemera, irouia Reimwanaite ao Ameritinaite, bwa e a manga roko riki teuana aia taanga ni buaka Reimwanaite nakoia ana aomata Nibwaai, n te tabo ^anaba are aia moan taanga Reimwanaite a kaitibo ma Ameritinaite.

21 Ao e koro bukina bwa bon iai te taanga ni buaka are e kanakoaki bwa e na kakionakoia man te aba.

22 Ngkai Aramwa e bon kainnano n ^aikoakina e aki nako ni buaka n te tai aio ni kaaitaraia Reimwanaite.

23 Ma e kanakoa te taanga ni buaka ae mwaiti kaaina ni kaaitaraia; ao a nako man tiringia Reimwanaite aika a mwaiti, ma ni kakionakoia nikiraia nako tinanikun tian abaia.

24 Ao ngkanne a manga oki ao a waaki ni katea te rau, ao aki manga kakiriweaki n te tai ae maan irouia aia kairiribai.

25 Ngkai bwai aikai ni kabane a bon tia, eng, ni kabane buaka ma itabaraara a waaki ao a toki naba n aia kanimaua n ririki n tautaeka taan moti.

26 Ao i nanon teuana te ririki, ngaa ma irabwi te ngaa aomata ake a nako n te aonaba are akea tokina, bwa a na karekea ^akanuangaia ni kaineti ma aia mwakuri, bwa tao a raoiroi ke tao a buakaka, bwa ana karekea te kukurei are akea tokina ke te nanokawaki are akea tokina n aron nanon te tamnei are a motikia bwa a na ongo irouna, bwa tao te tamnei ae raoiroi ke te tamnei ae buakaka.

27 Bwa ni kabane te aomata e karekea ^akanuangana mai iroun are e motikia bwa e na ^bongo irouna, ao aio e kaineti ma ana taeka tamnein te taeka ni burabeti; ngaia ae ke e riki are e na riki ni kaineti ma te koaua. Ao e a toki aia kanimaua n ririki n tautaeka taan moti.