Koroboki Aika Tabu
Aramwa 15


Mwakoro 15

Aramwa ma Amureki a nako Titom ma ni katea te ekaretia—Aramwa e kamaiua Teeterom, are e a kaaina te Ekaretia—A mwaiti ake a bwabetitoaki, ao te Ekaretia e rikirake—Aramwa ma Amureki a nako Taraemera. Uakaan ma 81 I.K.

1 Ao e koro bukina bwa Aramwa ma Amureki a tuangaki bwa a na kitana te kaawa anne; ao a kitanna, ma n otinako nakon te aba are Titom; ao nooria, a kuneia ni kabane aomata ake a tia n otinako man te aba are aAmonia, ake a bon tia n bteweaki nako ma ni karebanaki n te atibu, ibukina bwa a kakoaua ana taeka Aramwa.

2 Ao a kaongoraia taekan bwaai ni kabane ake a tia n riki nakoia abuuiia ma natia, ao ni kaineti naba nakoia, ma bmwaakaia ni kainaomataki.

3 Ao Teeterom naba e wene naba n aoraki i Titom, ma te kabuebue ae rang korakora, are e a riki ibukin korakoran karawawatan ana iango ibukin abuakakana bwa e kataua i nanona bwa Aramwa ma Amureki a mate ao e kataua bwa a tia n tiringaki ibukina bwa e korakora buakakana. Ao ana bure ae korakora aio, ma ana bure riki aikai a rang mwaiti, a katabetabea ana iango ni karokoa ae e a rang taonaki n te rawawata, bwa akea te anga are e na kainaomataki iai; mangaia ae e a taonaki n te kabuebue ae rang korakora.

4 Ngaia, ngke e ongo bwa Aramwa ma Amureki a mena n te aba are Titom, e a moanna n ninikoria i nanona, ao e kanakoa te rongorongo n te tai ae waekoa nakoia, n tangiriia bwa a na nakoina.

5 Ao e koro bukina bwa a mwananga n te tai ae waekoa, n ongeaba n te rongorongo are e a tia n anganiia; ao a nakon mwengan Teeterom; ao a kunea ni wene iaon ana kainiwene, n aoraki, ni mamaara ma te kabuebue ae korakora; ao ana iango naba e taonaki n te rawawata ibukin ana bure; ao ngke e nooria e arora baina, ao e bubutia bwa a na katoka aorakina.

6 Ao e koro bukina bwa Aramwa e taetae nakoina, ma n taua baina: Ko akakoaua mwaakan Kristo nakon te kamaiuaki?

7 Ao e kaeka ma n taku: Eng, I kakoauai taeka ni kabane ake ko a tia n reirei.

8 Ao Aramwa e taku: Ngkana ko kakoaua ana kabomwi Kristo ko kona ni akamaiuaki.

9 Ao e taku: Eng, I kakoaua n aron am taeka.

10 Ao ngkanne Aramwa e tang nakon te Uea, ni kangai: O te Uea ae Atuara, nanoanga te mwaane aio, ao akamaiua n aron ana onimaki are e mena iroun Kristo.

11 Ao ngke Aramwa e tia n taekin taeka aikai, Teeterom e akibarake iaon waena, ao e waaki n nakonako; ao aio are e karaoaki ao e karika te kamimi ae korakora nakoia aomata ni kabane; ao ataakin aio are e a buta nako ni kabuta aban Titom.

12 Ao Aramwa e bwabetitoa Teeterom nakon te Uea; ao e a waaki man te tai anne ni kabwarabwara nakoia aomata.

13 Ao Aramwa e katea te ekaretia n te aba are Titom, ao e katabuia ibonga ma taan reirei n te aba, bwa a na bwabetitoaki nakon te Uea ake iai nanoia ni kan bwabetitoaki.

14 Ao e koro bukina bwa a bon mwaiti; ao a uarurung man taabo ni kabane ake a uakaan ma Titom, ao a bon bwabetitoaki.

15 Ma aomata ni kabane ake a mena i Amonia, a bon tiku ni matoatoa nanoia ma ni bonotaninga; ao a bon aki rairinanoia man aia bure, ma n taku bwa mwaakaia Aramwa ma Amureki e bon roko mai iroun te riaboro; bwa a bon ira ana waaki aNeooa, ao a bon aki kakoaua te rairannano man te bure.

16 Ao e koro bukina bwa Aramwa ao Amureki, bwa Amureki e a bon tia ni akitana ana koora, ma tirewa, ao ana bwai ake a kakawaki ake a bon mena n te aba are Amonia, ibukin ana taeka te Atua, ao e a tia n bribaki irouia ake bon raoraona ngkoa ao iroun naba tamana ma ana koraki.

17 Mangaia are Aramwa ngke e a tia ni katea te ekaretia i Titom, e nooria bwa e karina ni iai te akaraurau, eng, e nooria bwa aomata e a toki kainikatongan nanoia, ao a moanna n bnanorinano i matan te Atua, ao a waaki n ikoikotaki ni botaki n aia tabo aika a tabu n ctaromauria te Atua i matan te baon karea, n dtaratara ma n tataro n aki toki bwa a na kainaomataki mai iroun Tatan, ao man te emate, ao te kamaunaki—

18 N aron are I a tia n taekinna, Aramwa ngke e a tia n noori bwai aikai ni kabane, ngaia are e a kaira Amureki ao e a roko n te aba are Taraemera, ao e kairia nakon oin ana auti, ao e buokiia ni kainnanona n ana kaangaanga, ao e kamatoatoa i nanon te Uea.

19 Ao ikai are e bane aia katebwina n ririki n tautaeka taan moti iaoia ana aomata Nibwaai.