Koroboki Aika Tabu
Aramwa 46


Mwakoro 46

Amarakaai e karaoa ana anga ni kamwane bwa e aonga n riki n uea—Moronaai e tabeka rake te buraeki n inaomata—E kaungaia aomata bwa a na kawakina aia aro—Taan onimaki ni koaua a aranaki bwa Kiritian—Nikiraia ana kariki Iotebwa a na kawakinaki—Amarakaai ma tabemwaang taan kan biri nako a nakon te aba are Nibwaai—Naake a rawa ni boutokaa te aro n inaomata a tiringaki. Uakaan ma 73–72 I.K.

1 Ao e koro bukina bwa te mwaiti ake a rawa n ongo n ana taeka Ereman ma tarina a ikotaki ni kaaitaraia tariia.

2 Ao nooria, a bon rianako uniia, n te aro ae korakora nanoia ni kan tiringia.

3 Ngkai aia mataniwi naake a korakora uniia ni kaaitaraia tariia bon te aomata ae abwaabwaki ma ni korakora; ao arana bon Amarakaai.

4 Ao Amarakaai e bon tangiria ni kan riki n uea; ao naake a korakora uniia a bon tangiria bwa e na riki naba bwa te uea; ao a bon mwaiti riki ataan moti mai nanon te aba, ao a ukoukora te kan tautaeka.

5 Ao a bon kairaki nako n ana waaki ni mwaamwana te aba Amarakaai, are ngkana a boutokaaia ma ni karikiia bwa aia uea ao e na karikiia bwa taan tautaeka i aoia aomata.

6 Ngaia are a kairaki nako iroun Amarakaai nakon te kaiangatoa, n aki kan tabe ma ana kabwarabwara Ereman ma tarina, eng, n aki kan tabe ma korakoran tabeia n te ekaretia, bwa bon ibonga aika rietata ngaia n te ekaretia.

7 Ao a mwaiti kaain te ekaretia ake a kakoaua ana taeka ni amwaamwana te aba Amarakaai, ngaia are a kitana naba te ekaretia; ngaia are aia waaki ana aomata Nibwaai a karuarua ma ni kakamaku, n aki kan tabe ma korakoran tokanikaia i aoia Reimwanaite, ao e korakora te kukurei are a karekea ibukin kainaomatakia ni bain te Uea.

8 Ao ikai are ti a noora iai awaekoaia natia aomata ni mwaninga taekan te Uea ae Atuaia, eng, waekoaia ni karaoa te bure, ao ni kairaki nako iroun te teuare e buakaka.

9 Eng, ao ti noora naba korakoran te abuakaka are te mwaane temanna ae e korakora n te buakaka e kona ni karekea angana bwa e na riki i buakoia natia aomata.

10 Eng, ti nooria bwa Amarakaai, ibukina bwa te aomata ae bwati ni kamwane ao te aomata ae bati ana taeka ni mwaamwana te aba, ao e kaira nako nanoia aika a mwaiti bwa a na karaoa ae buakaka; eng, bwa a na kamauna ana ekaretia te Atua, ma ni kamauna aan te ainaomata are e a tia n anganiia te Atua, ke te kakabwaia are e karokoa te Atua iaon te aba ibukin te braoiroi.

11 Ao ngkai e koro bukina bwa ngke Moronaai, are amataniwia taan kairiri n aia taanga ni buaka Nibwaite, e ongo aron kaiangatoa aikai, ao e bon un iroun Amarakaai.

12 Ao e koro bukina bwa e raeua ana kabaraaki; man anaa mwakorona, ma ni korea iaona—aKauringan Atuara, ara aro, ma inaomatara, ma ara rau, buura, ma natira—ao e kabaea i tabon te kai.

13 Ao e kabaea otangan atuuna, ma otangan bwabwana, ma ana ootanga, ma ni kabaea ana kunnikain ni buaka iaon koreana; ao e ana te kai, are iai itabona kunnikaina are e raeuaia, (ao e aranna bwa te buraeki n inaomata) ao e bobaraaki nako aontano man tataro ma korakorana nakon Atuana bwa e na mena i aoia tarina kakabwaian te inaomata, ngkana arona bwa iai Kiritian tabemwaang ake a na tiku ni bwaina te aba—

14 Bwa ngaia are taan onimaki ni koaua iroun Kristo, ake kaain ana ekaretia te Atua, a weteaki n te ara aei irouia ake tiaki kaain te ekaretia.

15 Ao naake kaain te ekaretia a bon kakaonimaki; eng, ni kabane taan onimaki iroun Kristo ni koaua a katokaa i aoia, ma te kukurei aaran Kristo, ke bKiritian n aron are a weteaki iai, ibukin aia koaua iroun Kristo are e na roko.

16 Ao ngaia are, n te tai aei, ao Moronaai e tataro bwa aia waaki Kiritian, ma inaomatan te aba e na mwannanoaki.

17 Ao e koro bukina bwa ngke e a tia ni babane nanona nakon te Atua, e araniia aaba ni kabane ake i maiakin te aba are aKamaroa, eng, ao ni kakimototoa, aaba ni kabane, ake i meang ao i maiaki—Te aba ae rine, ao aban te inaomata.

18 Ao e taku: E koaua bwa te Atua e na bon aki kariaia bwa ngaira, ake ti ribaki ibukina bwa ti katokaa aran Kristo iaora, ti na toubekaki inano ma ni kamaunaki, ma ti ngkana ti bon karekea aio nakoira man riaoan te tua iroura.

19 Ao ngke e a tia Moronaai n taekin taeka aikai, e waaki nako i buakoia aomata, ma ni katiotioa tabon ana akunnikai are e raeuaki i karawa, bwa a na bane te koraki n noora te koroboki are e koreaki iaon are e raeuakaki, man takarua n te bwanaa ae baibati, ni kangai:

20 Nooria, ane e na kateimatoa te buraeki aei iaon te aba, ke e waaki n nako mai ni korakoran te Uea, ma ni karaoa te berita ae tabu bwa a na taua inaomataia, ma aia aro, bwa e aonga ni kakabwaiaia te Uea ae te Atua.

21 Ao e koro bukina bwa ngke e a tia Moronaai n taekin taeka aikai, nooria a biri aomata n ikotaki ma aia kunnikai ni buaka ake a katokai iaon koreaia, man raeuai aia kunnikai bwa te kanuring, ke bwa te berita ae tabu, bwa a na aki mwanuokina aia Uea ae Atuaia; ke, n taeka riki tabeua, ngkana a riaon ana tua te Atua, ke ni bwaka n riaoan te tua, ao a amaamaa ni katoka i aoia aran Kristo, ao te Uea e na raeuaia n aron are a tia n raeuai aia kunnikai.

22 Ngkai bon aio te berita ae tabu are a karaoi, ao a tewea nako aia kunnikai i waen Moronaai, ni kangai: Ti berita n ae tabu ma Atuara, bwa ti na tiringaki, n aroia tarira ake n te aba nako meang, ngkana ti bwaka n riaoan te tua; eng, e na teweira nako i waeia ara kairiribai, n aron are ti tewenakoi ara kunnikai i waem bwa ana toubekaki i aan waem, ngkana ti bwaka n riaoan te tua.

23 Moronaai e taku nakoia: Nooria, ngaira bon nikiraia ana kariki Iakobwa; eng, ngaira nikiraia ana akariki bIotebwa, are e raeuakaki ana ckunnikai nakon mwakorokoro aika a mwaiti irouia tarina; eng, ao ngkai nooria, ti na uringnga bwa ti na kaawakin ana tua te Atua, bwa mwiina a raeuakaki ara kunnikai irouia tarira, ao ti tewenakoaki nakon te karabuti, ke ti kabooaki nako, ke ti tiringaki.

24 Eng, ti na kawakina inaomatara ngkai ngaira anikiraia ana kariki Iotebwa; eng, ti na uringa ana taeka Iakobwa, i mwaain matena, bwa nooria e noora mwakoron ana kunnikai Iotebwa bwa e kawakinaki ao e aki mka. Ao e taku—N aron nikiran ana kunnikai natiu aio ae kawakinaki, ao aiaron naba bnikiran ana kariki natiu bwa a na kawakinaki ni bain te Atua, man anaaki i bon irouna, ao are te nikira man ana kariki Iotebwa a na mate, n aron nikiran te kunnikai aei.

25 Ngkai nooria, e nanokawaki nanou n aei; ma e ngae n anne, ao tamneiu iai kukureina iroun natiu, ibukina bwa iai mai buakon ana kariki are a na uotaki nakon te Atua.

26 Ngkai nooria, aio bon ana taetae ni kawai Iakobwa.

27 Ao ngkai antai ae e ataia bwa nikiraia ana kariki Iotebwa, are a na mate n aron ana kunnikai, bon naake a biri nako mai iroura? Eng, ao e na bon ngaira naba ngkana ti aki teimatoa n te onimaki iroun Kristo.

28 Ao ngkai e koro bukina bwa ngke e a tia Moronaai n taekin taeka aikai ao e waaki nako, ao e kananako naba ni mwakoron te aba ni kabane ake iai iai ake a biri nako mai irouia, man ikotiia ni kabane aomata ake iai nanoia ni kan kawakina inaomataia, bwa a na teirake ni kaitaraa Amarakaai ao naake a biri nako mai irouia ake a bon aranaki bwa Amwarakaite.

29 Ao e koro bukina bwa ngke Amarakaai e nooria bwa ana aomata Moronaai e mwaiti riki nakoia Amarakaaite—ao e nooria naba bwa ana aomata a nanououa ni kaineti ma motiraoin te waaki are a tia ni waakinna—ngaia are, ibukin maakan ae e na aki reke are e tangiria, ao e anaia ana aomata ake a kan iria ma ni kitana te aba are Nibwaai.

30 Ngkai Moronaai e taku bwa e aki riai bwa e na manga reke riki korakoraia Reimwanaite; ngaia are e kataua bwa e na katokia ana aomata Amarakaai, ke e na uotia ma ni kaokia, man tiringa Amarakaai; eng, bwa e ataia bwa e na kakiriwei nanoia Reimwanaite bwa a na un ni kaaitaraia; ao e ataia bwa e na karaoa aio Amarakaai bwa e aonga n reke are e tangiria.

31 Ngaia are Moronaai e taku bwa e riai bwa e na kaira ana taanga ni buaka, ake a tia n ikotaki, ma ni katokai aia bwaai ni buaka, ma ni karaoa te berita ae tabu bwa a na kawakina te rau—ao e koro bukina bwa e uota ana taanga ni buaka ma ni mwananga nako ma ana umwanrianna nakon te rereua bwa e na tuka kawaia Amarakaai n te rereua.

32 Ao e koro bukina bwa e karaoa nanon are e tangiria, ma ni mwananga nakon te rereua ma ana aomata tabeman, man rimoaia ana taanga ni buaka Amarakaai.

33 Ao e koro bukina bwa e biri nako Amarakaai ma ana aomata tabeman, ao nikiraia a bon mena i nanon bain Moronaai man uotaki n oki nakon te aba are Taraemera.

34 Ngkai, Moronaai bon te mwaane are e a tia n arineaki iroun mataniwia taan moti ao bwaanaia aomata, ngaia are iai mwaakana n aron nanona ma aia taanga ni buaka Nibwaite, bwa e na katea ma ni kamwakura te kariaiakaki i aoia.

35 Ao e koro bukina bwa Amarakaaite ake a rawa ni karaoa te berita ae tabu ni boutokaa waakin te inaomata, bwa e aonga n teimatoa te tautaeka ae inaomata, e bon tua bwa a na tiringaki; ao bon ti tabeman ake a kaakea te berita ae tabu ibukin te inaomata.

36 Ao e koro bukina naba, bwa e tua bwa te buraeki ibukin te inaomata e na irakeaki iaon taian taua ni kabane ake a mena n aaba nako, ake a bwainaki irouia Nibwaite; ao ikai are Moronaai e unika buraekin te inaomata i buakoia Nibwaite.

37 Ao e a manga reke irouia te rau n te aba; ao ngaia are e teimatoa te rau n te aba ni karokoa are e a kan bane aia katebwi ma ruaiwa n ririki n tautaeka taan moti.

38 Ao Ereman ma aibonga aika rietata a bon kateimatoa waakin te ekaretia, eng, i nanon te maan ae aua te ririki ao e bon reke irouia te rau ao te kimwareirei ae bati i nanon te ekaretia.

39 Ao e koro bukina bwa a mwaiti ake a mate, ma ni matoatoa ni akakoaua bwa e kaboaki tamneia iroun te Uea ae Iesu Kristo; ngaia are a kitana te aonaba aei ma te kimwareirei.

40 Ao bon iai ake a mate n taian aoraki, ake a roroko korakoraia n namwakaina tabeua n te ririki—ma e bon aki mwaiti ae mate ibukin taian aoraki, ibukina bwa a rokoraoi ataian aroka ma wakaa ake e a tia te Atua ni katauraoi ibukin katokan te aoraki, are e rereke nakoia aomata man waakin kanoan te bong—

41 Ma a bon mwaiti ake a mate bwa a kara; ao ake a mate i nanon te onimaki iroun Kristo a bon akukurei irouna, n aron are ti bon kantaningaia.