« ឧបសម្ព័ន្ធ ៖ សំណៅចែក » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ( ២០២៣ )
« ឧបសម្ព័ន្ធ » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់
ឧបសម្ព័ន្ធ
សំណៅចែក
មេរៀនទី ២
សារលិខិតសម្រាប់ជំនាន់យើងនៅក្នុង « ព្រះគ្រីស្ទដ៏មានព្រះជន្មរស់ »
មេរៀនទី ២
ការនិយាយបន្ថែមទៀតអំពីព្រះយេស៊ូវគ្រីស្ទ
ការនិយាយបន្ថែមទៀតអំពីព្រះយេស៊ូវគ្រីស្ទ
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២
អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់បានមានប្រសាសន៍ ៖
រូបភាពអែលឌើរ នែល អិល អាន់ឌើរសិនកាលដែលលោកិយមិនសូវនិយាយអំពីព្រះយេស៊ូវគ្រីស្ទ ចូរយើងនិយាយអំពីទ្រង់ឲ្យបានកាន់តែច្រើនឡើង ។ នៅពេលបុគ្គលិកលក្ខណៈពិតរបស់យើងក្នុងនាមជាសិស្សរបស់ទ្រង់ត្រូវបានបង្ហាញ នោះមនុស្សជាច្រើននៅជុំវិញយើងនឹងត្រៀមខ្លួនស្តាប់ ។ ( « We Talk of Christ » Liahona ខែ វិច្ឆិកា ឆ្នាំ ២០២០ ទំព័រ ៩០ )
សូមពិនិត្យមើលឡើងវិញក្នុង « ព្រះគ្រីស្ទដ៏មានព្រះជន្មរស់ » សម្រាប់សារលិខិតដែលអ្នកមានអារម្មណ៍ថាមានសារៈសំខាន់ខ្លាំងដើម្បីចែកចាយនៅក្នុងពិភពលោកដែលមិនសូវនិយាយអំពីព្រះយេស៊ូវគ្រីស្ទ ។ សូមត្រៀមខ្លនដើម្បីចែកចាយអ្វីដែលអ្នករកឃើញជាមួយដៃគូសិក្សារបស់អ្នក ។
© 2023 by Intellectual Reserve, Inc. All rights reserved.
មេរៀនទី ៤
ម៉ូសេរៀនសេចក្ដីពិតដ៏សំខាន់ៗអំពីការបង្កបង្កើត
ម៉ូសេរៀនសេចក្ដីពិតដ៏សំខាន់ៗអំពីការបង្កបង្កើត
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ៤
សូមអានសាច់រឿងដូចតទៅនេះ ៖
-
ក្រិតឆិន ចូលចិត្តវិទ្យាសាស្ត្រ ។ ពីការសិក្សារបស់នាង នាងបានរៀនច្រើនអំពី របៀប ដែលពិភពធម្មជាតិដំណើរការ ប៉ុន្តែនាងមិនបានរកឃើញចម្លើយដែលពេញចិត្តចំពោះ មូលហេតុ ដែលពិភពលោកកើតមាននោះទេ ។ នាងមានសំណួរជាច្រើនអំពីគោលបំណងសម្រាប់ផែនដី និងជីវិតរបស់យើង ។
-
តើនរណាម្នាក់អាចប្រឈមមុខនឹងបញ្ហាអ្វីខ្លះ ប្រសិនបើពួកគេមិនយល់ពី មូលហេតុ ដែលផែនដីត្រូវបានបង្កើតឡើង ?
សូមអានជាមួយគ្នាក្នុង ម៉ូសាយ ១:២៧–៣៩ ហើយរកមើលសេចក្ដីពិតដែលអាចបង្កើនទស្សនៈរបស់ក្រិតឆិន អំពីការបង្កបង្កើត ។ បន្ទាប់មក សុំឲ្យសមាជិកក្រុមនីមួយៗជ្រើសរើសចំណុចមួយខាងក្រោម ហើយចំណាយពេលពីរបីនាទីដើម្បីរៀបចំចម្លើយ ។ បន្ទាប់មក សិស្សម្នាក់ៗអាចចែកចាយគំនិតរបស់ពួកគេជាមួយនឹងក្រុម ។
-
តើអ្នករៀនអ្វីខ្លះអំពីលក្ខណៈរបស់ព្រះដ៏បង្កបង្កើត ចេញពីការបង្កបង្កើត ? តើសេចក្ដីជំនឿរបស់អ្នកទៅលើព្រះយេស៊ូវគ្រីស្ទមានឥទ្ធិពលយ៉ាងណា ដោយដឹងថាទ្រង់បានបង្កើតវត្ថុសព្វសារពើនោះ ?
-
តើអ្នកមានគំនិត ឬអារម្មណ៍បែបណា ពេលអ្នកពិចារណាថា « យើងជាមូលហេតុដែល [ ព្រះ ] បានបង្កើតសកលលោកនេះ » ? ( អ្នកអាចរំឭកឡើងវិញនូវ សេចក្ដីថ្លែងការណ៍ដោយប្រធាន ឌៀថើរ អេស្វ អុជដូហ្វ នៅក្នុងផ្នែកទី ១ នៃឯកសាររៀបចំនេះ ) ។
-
តើសកម្មភាពអ្វីខ្លះដែលអ្នកបានធ្វើ ឬអ្នកអាចធ្វើ ដើម្បីជួយអ្នកដទៃឲ្យឈានដល់សក្តានុពលរបស់ពួកគេ ក្នុងនាមជាបុត្រាបុត្រីរបស់ព្រះវរបិតាសួគ៌ ? ( អ្នកអាចអញ្ជើញសមាជិកក្រុមឲ្យកត់ត្រាអ្វី ដែលពួកគេអាចនឹងមានអារម្មណ៍បំផុសគំនិតឲ្យធ្វើ សម្រាប់នរណាម្នាក់ដែលពួកគេស្គាល់ ) ។
-
តើចំណេះដឹងប្រភេទណាដែលយើងអាចទទួលបានពីវិទ្យាសាស្ត្រ ? តើចំណេះដឹងប្រភេទណាដែលយើងអាចទទួលបានពីព្រះគម្ពីរ ? ហេតុអ្វីបានជាយើងត្រូវការចំណេះដឹងទាំងពីរទម្រង់ ? ( អ្នកអាចរំឭកឡើងវិញនូវសេចក្ដីថ្លែងការណ៍របស់ ប្រធាន រ័សុល អិម ណិលសុន និង ប្រធាន ដាល្លិន អេក អូក នៅក្នុងផ្នែកទី ៣ នៃឯកសាររៀបចំនេះ ) ។
© 2023 by Intellectual Reserve, Inc. All rights reserved.
មេរៀនទី ៧
សេចក្ដីយុត្តិធម៌ និងសេចក្តីស្រឡាញ់នៃព្រះ
សេចក្ដីយុត្តិធម៌ និងសេចក្តីស្រឡាញ់នៃព្រះ
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ៧
ពីមុនអ្នកចាប់ផ្ដើមការពិភាក្សាជាក្រុម សូមអានជាមួយគ្នានូវគន្លឹះការពិភាក្សាដូចខាងក្រោម ៖
ការកែលម្អការពិភាក្សាជាក្រុមរបស់យើង
សូមខិតខំឲ្យមានការចូលរួមប្រកបដោយតុល្យភាព ។ យើងរៀនបានប្រសើរបំផុត នៅពេលយើងឮពីសមាជិកក្រុមទាំងអស់ មិនមែនត្រឹមតែម្នាក់ឬពីរនាក់នោះទេ ។ ប្រសិនបើអ្នកជាមនុស្សរួសរាយ និងពូកែវរហា សូមប្រយ័ត្ន កុំនិយាយតែឯង រំខាន ឬនិយាយច្រើនជាងអ្នកដទៃ ។ ប្រសិនបើអ្នកជាមនុស្សស្ងាត់ស្ងៀម និងមិនសូវមាត់ក សូមក្លាហាន ហើយនិយាយស្ដីឡើង ដើម្បីឲ្យអ្នកដទៃអាចរៀនពីអ្នក ។ សូមបោះបង់ចោលគំនិតដែលគិតថា គំនិតរបស់អ្នកមិនសំខាន់ ។
សូមអានសាច់រឿងខាងក្រោមរួមគ្នាឲ្យឮៗ ៖
ហ្សេន មានអារម្មណ៍តានតឹងដោយសារក្រឹត្យវិន័យ និងបទបញ្ញត្តិរបស់ព្រះ ។ ជាយូរមកហើយ គាត់មានអារម្មណ៍ថាគាត់មិនល្អគ្រប់គ្រាន់ ហើយតែងតែធ្វើខុស ។ ដោយបាក់ទឹកចិត្តព្រោះតែកង្វះ « ភាពរីកចម្រើន » របស់គាត់ ថ្មីៗនេះគាត់បានធ្លាក់ចូលទៅក្នុងអំពើរំលងដ៏ធ្ងន់ធ្ងរមួយ ។ គាត់បាត់បង់អារម្មណ៍នៃព្រះវិញ្ញាណបរិសុទ្ធ ។ គាត់លែងស័ក្តិសមនឹងកាន់ប័ណ្ណចូលព្រះវិហារបរិសុទ្ធទៀតហើយ ។ គាត់ឆ្ងល់ថា តើព្រះនៅតែស្រឡាញ់គាត់ឬអត់ ដោយសារតែការជ្រើសរើសមិនល្អរបស់គាត់នោះ ។ ថ្មីៗនេះ គាត់បាននិយាយជាមួយនឹងមិត្តគាត់ដែលមានឈ្មោះ ម៉ៃយ៉ា ថា « ជីវិតរបស់ខ្ញុំគ្មានតម្លៃសោះ ។ ខ្ញុំប្រាកដណាស់ថា ព្រះបានបោះបង់ខ្ញុំហើយ » ។ ម៉ៃយ៉ាបានតបថា ៖ « កុំបារម្ភអី ។ ព្រះស្រឡាញ់យើងដោយគ្មានលក្ខខណ្ឌ ហើយទ្រង់នឹងសង្គ្រោះឯង មិនថាឯងបានធ្វើអ្វីឡើយ ។ នេះជាមូលហេតុដែលមានដង្វាយធួនរបស់ព្រះយេស៊ូវគ្រីស្ទ » ។
សូមរំឭកឡើងវិញដោយសង្ខេបអំពីលក្ខខណ្ឌដែលមានមុនទឹកជំនន់ ។ បន្ទាប់មកសូមមើលនៅក្នុង ម៉ូសេ ៧:២៨–២៩, ៣២–៣៣, ៣៧ ហើយរកមើលអ្វីដែលហេណុកបានរៀនអំពីនិស្ស័យនៃព្រះ ចេញពីការដែលទ្រង់ទតឃើញរាស្ត្រដែលមិនស្ដាប់បង្គាប់របស់ទ្រង់រងទុក្ខ ។ បន្ទាប់មក សូមពិភាក្សាសំណួរដូចខាងក្រោមនេះ ៖
-
តើសេចក្ដីពិតអ្វីខ្លះនៅក្នុងខគម្ពីរទាំងនេះដែលអាចជួយហ្សេនដឹងថា ព្រះវរបិតាសួគ៌ស្រឡាញ់គាត់ ទោះបីជាគាត់ធ្វើខុសបញ្ញត្តិក៏ដោយ ? តើចំណេះដឹងនេះអាចជួយហ្សេន ពង្រឹងទំនាក់ទំនងជាមួយនឹងព្រះវរបិតាសួគ៌ដោយរបៀបណា ? ( អ្នកអាចអាន សេចក្ដីថ្លែងការណ៍របស់អែលឌើរ ជែហ្វ្រី អ័រ ហូឡិន នៅក្នុងផ្នែកទី ១ នៃឯកសាររៀបចំ ដែលជាផ្នែកមួយនៃការពិភាក្សានេះ ) ។
-
តើសេចក្ដីយុត្តិធម៌របស់ព្រះជួនកាលបង្ហាញដោយកំហឹង ឬភាពក្រេវក្រោធរបស់ទ្រង់ ជាភស្តុតាងនៃសេចក្តីស្រឡាញ់របស់ទ្រង់តាមរបៀបណា ? ( សូមពិចារណាអានជាមួយគ្នានូវ សេចក្ដីថ្លែងការណ៍ដោយ ប្រធានដាល្លិន អេក អូក នៅក្នុងផ្នែកទី ១ នៃឯកសាររៀបចំនេះ ) ។ ប្រសិនបើព្រះមិនយុត្តិធម៍ទេ តើវាអាចធ្វើឲ្យជំនឿរបស់យើងលើទ្រង់ចុះខ្សោយយ៉ាងដូចម្តេច ?
-
តើអ្វីអាចជាការយល់ខុសអំពីទស្សនៈរបស់ម៉ៃយ៉ាចំពោះសេចក្ដីស្រឡាញ់របស់ព្រះ ? ( វាអាចមានប្រយោជន៍ដើម្បីអាន សេចក្ដីថ្លែងការណ៍របស់អែលឌើរ ឌី ថត គ្រីស្ដូហ្វឺសិន នៅក្នុងផ្នែកទី ១ ) ។ តើអ្វីទៅជាវិធីល្អជាងនេះ ដើម្បីពណ៌នាអំពីសេចក្ដីស្រឡាញ់របស់ព្រះ ? តើអ្នកបានដកពិសោធន៍សេចក្ដីស្រឡាញ់របស់ព្រះតាមរបៀបណាខ្លះ ?
© 2023 by Intellectual Reserve, Inc. All rights reserved.
មេរៀនទី ៩
ការយាងចុះមកនៃព្រះ
ការយាងចុះមកនៃព្រះ
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ៩
សូមបែងចែកការអាននៅក្នុងក្រុមរបស់អ្នក ។ នៅពេលអ្នកអាន សូមរកមើលរបៀបដែលព្រះអម្ចាស់បានយាងចុះមកដោយស្ម័គ្រព្រះទ័យពីតំណែងដ៏ខ្ពស់មកស្ថានភាពទន់ទាប ។
-
សេចក្ដីថ្លែងការណ៍ដោយ ប្រធាន ថាត អរ ខាលីស្ទើរ និង អែលឌើរ ឌី ថត គ្រីស្តូហ្វឺសិន នៅក្នុងផ្នែកទី ២ នៃឯកសាររៀបចំនេះ និងសេចក្ដីថ្លែងការណ៍ខាងក្រោមដោយស៊ីស្ទើរ វិនឌី អាល់រីច អតីតសមាជិកនៃក្រុមប្រឹក្សាផ្ដល់យោបល់ទូទៅរបស់សមាគមសង្គ្រោះ ៖
[ ព្រះអង្គសង្គ្រោះ ] បានប្រសូតជាទារកដែលគ្មានទីពឹងនៅក្នុងរូបកាយរមែងស្លាប់ ហើយត្រូវបានចិញ្ចឹមដោយ [ ឪពុកម្តាយ ] មិនល្អឥតខ្ចោះ ។ ទ្រង់ត្រូវរៀនពីរបៀបដើរ និយាយ ធ្វើការ និងចុះសម្រុងជាមួយអ្នកដទៃ ។ ទ្រង់ឃ្លាន និងនឿយហត់ មានអារម្មណ៍ដូចមនុស្ស ហើយអាចមានជំងឺ រងទុក្ខ ហូរលោហិត និងសុគត ។ ( « It Isn’t a Sin to Be Weak » Ensign ខែមេសា ឆ្នាំ២០១៥ ទំព័រ ៣៣ )
បន្ទាប់មក សូមពិភាក្សាសំណួរខាងក្រោមរួមគ្នា ៖
-
តើការអានទាំងនេះបង្រៀនយើងអ្វីខ្លះអំពីការយាងចុះមករបស់ព្រះយេស៊ូវគ្រីស្ទ ?
-
តើការយាងចុះមករបស់ព្រះយេស៊ូវគ្រីស្ទបង្រៀនយើងអ្វីខ្លះអំពីសេចក្តីស្រឡាញ់់របស់ព្រះអង្គសង្គ្រោះ និងព្រះវរបិតាសួគ៌ចំពោះយើង ? តើសេចក្ដីស្រឡាញ់របស់ទ្រង់ចំពោះអ្នកជះឥទ្ធិពលដល់សេចក្ដីស្រឡាញ់របស់អ្នកចំពោះទ្រង់ទាំងទ្វេដោយរបៀបណា ?
© 2023 by Intellectual Reserve, Inc. All rights reserved.
មេរៀនទី ១០
ទុកឲ្យព្រះឈ្នះ
ទុកឲ្យព្រះឈ្នះ
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ១០
សូមចំណាយពេលពីរបីនាទីទៀតដើម្បីរៀបចំគំនិតខ្លីៗអំពីការចុះចូលតាមព្រះហឫទ័យរបស់ព្រះ ។ គំនិតរបស់អ្នកគួរតែរួមបញ្ចូលនូវឧទាហរណ៍មួយនៃការងាយប្រដៅមកពីព្រះគម្ពីរ ឬចេញពីជីវិតរបស់អ្នក ឬជីវិតរបស់នរណាម្នាក់ដែលអ្នកស្គាល់ ។ វាក៏អាចរួមបញ្ចូលនូវរបៀបដែលយើងអាចអនុវត្តឧទាហរណ៍នោះនៅក្នុងជីវិតរបស់យើងផងដែរ ។ សូមពិចារណាប្រើប្រាស់ធនធានមួយដូចតទៅនេះកាលដែលអ្នករៀបចំ ៖
-
ផ្នែកទី ២ នៃឯកសាររៀបចំ ដែលពិភាក្សាគ្នាពីការធ្វើ និងការរក្សាសេចក្តីសញ្ញា ។
-
ដំណើររឿងមួយចេញពីព្រះគម្ពីរ ( រឿងរបស់ណាម៉ាន់ ម៉ារា ឬហេណុក ) ដែលមាននៅផ្នែកទី ៣ នៃឯកសាររៀបចំនេះ ។
© 2023 by Intellectual Reserve, Inc. All rights reserved.
មេរៀនទី ១៦
ព្រះយេស៊ូវគ្រីស្ទ បានរងទុក្ខដើម្បីសង្គ្រោះយើង
ព្រះយេស៊ូវគ្រីស្ទ បានរងទុក្ខដើម្បីសង្គ្រោះយើង
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ១៦
សូមអានសំណួរខាងក្រោម ហើយផ្តោតលើអ្វីដែលក្រុមរបស់អ្នកចង់ពិភាក្សាបំផុត ។
-
តើអ្នកមានគំនិត ឬ អារម្មណ៍បែបណាចំពោះព្រះអង្គសង្រ្គោះ នៅពេលអ្នកសញ្ជឹងគិតអំពីការរងទុក្ខរបស់ទ្រង់ជំនួសអ្នក ? តើការស្ម័គ្រព្រះទ័យក្នុងការរងទុក្ខរបស់ទ្រង់ បង្រៀនអ្វីខ្លះដល់យើងអំពីទ្រង់ ? ( សូមពិចារណាអាននីហ្វៃទី២ ១៩:៩ ) ។
-
ហេតុអ្វីបានជាព្រះវរបិតាសួគ៌ដកព្រះវិញ្ញាណរបស់ទ្រង់ចេញ នៅពេលដែលព្រះអង្គសង្គ្រោះរងទុក្ខនៅលើឈើឆ្កាង ? ( សូមពិចារណារំឭកឡើងវិញក្នុង ម៉ាកុស ១៥:៣៤ និងក្នុងសេចក្ដីថ្លែងការណ៍ដោយអែលឌើរ ជែហ្វ្រី អ័រ ហូឡិន នៅក្នុងផ្នែកទី ២ នៃឯកសាររៀបចំនេះ ) ។ តើវាអាចជួយយើងឲ្យចងចាំបទពិសោធន៍របស់ព្រះអម្ចាស់នៅលើឈើឆ្កាង នៅពេលយើងមានអារម្មណ៍ឯកោ គ្មានអ្នកនឹករលឹក ឬត្រូវបានគេបោះបង់ចោលដោយរបៀបណា ?
-
តើទីបន្ទាល់អំពីដង្វាយរបស់ព្រះអម្ចាស់ជួយយើងនៅពេលយើងសង្ស័យពីតម្លៃផ្ទាល់ខ្លួនរបស់យើងរបៀបណា ? ( អ្នកអាចរំឭក គោលលទ្ធិ និង សេចក្ដីសញ្ញា ១៨:១០–១១ ) ។ តើការផ្ដោតលើព្រះយេស៊ូវគ្រីស្ទ និង ដង្វាយធួនរបស់ទ្រង់មានឥទ្ធិពលលើរបៀបដែលយើងមើលឃើញពីសក្តានុពល និងអនាគតរបស់យើងដោយរបៀបណា ?
-
តើសារអ្វីដែលយើងផ្ញើទៅខ្លួនយើង និងព្រះអង្គសង្គ្រោះ នៅពេលយើងជ្រើសរើសដើម្បីប្រែចិត្ត ? ហេតុអ្វីបានជាព្រះអម្ចាស់មានព្រះទ័យរីករាយ នៅពេលយើងប្រែចិត្ត ? ( សូមមើល គោលលទ្ធិ និង សេចក្ដីសញ្ញា ១៨:១៣ ) ។
-
ប្រសិនបើនរណាម្នាក់មានអារម្មណ៍មិនច្បាស់លាស់អំពីភាពពិតនៃដង្វាយធួនរបស់ព្រះអម្ចាស់ តើពួកគាត់អាចធ្វើអ្វីខ្លះ ដើម្បីទទួលបានទីបន្ទាល់ ?
© 2023 by Intellectual Reserve, Inc. All rights reserved.
មេរៀនទី ២១
ស្តាប់ទ្រង់
ស្តាប់ទ្រង់ !
ឯកសារគ្រូបង្រៀនព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២១
សូមស្រមៃថាអ្នកបានទទួលឱកាសឲ្យបង្កើតវីដេអូខ្លីមួយដែលបង្ហាញពីរបៀបដែលអ្នកស្តាប់ព្រះសូរសៀងរបស់ព្រះអង្គសង្គ្រោះ ។ សូមសរសេរគម្រោងដោយសង្ខេបអំពីអ្វីដែលអ្នកនឹងចែកចាយក្នុងការឆ្លើយតបនឹងការបំផុសគំនិតថា « របៀបដែលខ្ញុំស្តាប់ទ្រង់ » ។ សំណួរខាងក្រោមអាចជួយអ្នកបង្កើតគម្រោងរបស់អ្នក ៖
-
តើបទពិសោធន៍អ្វីខ្លះដែលបានជួយអ្នកឲ្យយល់កាន់តែច្បាស់អំពីរបៀបដែលព្រះអម្ចាស់មានព្រះបន្ទូលទៅកាន់អ្នក ?
-
តើ គំនិតអ្វីខ្លះដែលអ្នកអាចដាក់បញ្ចូល ចេញពីដកស្រង់ពីសេចក្តីថ្លែងការណ៍ដោយប្រធាន រ័សុល អិម ណិលសុន និង ស៊ីស្ទើរ មីឆែល ឌី ក្រេហ្គ នៅក្នុងផ្នែកទី ២ នៃឯកសាររៀបចំនេះ ?
-
តើអ្នកអាចចែកចាយគំនិត និងអារម្មណ៍របស់អ្នកតាមរបៀបណាខ្លះដែលអាចជួយឲ្យអ្នកដទៃងាយយល់ ?
ចេញមកពីគម្រោងរបស់អ្នក សូមបង្កើតសារលិខិតខ្លីមួយ ( ពីមួយទៅពីរកថាខណ្ឌ ) ដែលអ្នកអាចចែករំលែកជាមួយថ្នាក់ ។
បើអ្នកពេញចិត្ត អ្នកអាចពិចារណាហើយកត់ត្រានូវអ្វីដែលអ្នកចង់ធ្វើ ដើម្បីបង្កើនសមត្ថភាពរបស់អ្នកដើម្បីស្តាប់ព្រះសូរសៀងរបស់ព្រះអង្គសង្គ្រោះជំនួសវិញ ។
© 2023 by Intellectual Reserve, Inc. All rights reserved.
មេរៀនទី ២៣
ស្ត្រីព្រហ្មចារីល្ងង់
ស្ត្រីព្រហ្មចារីល្ងង់
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២៣
-
សូមពិភាក្សាសំណួរដូចតទៅនេះជាមួយគ្នា ៖
-
តើចង្កៀង និងប្រេងអាចតំណាងឲ្យអ្វីនៅក្នុងរឿងប្រៀបប្រដូចនេះ ? ( អ្នកអាចពិនិត្យមើល គោលលទ្ធិ និង សេចក្ដីសញ្ញា ៤៥:៥៦–៥៧ និង សេចក្ដីថ្លែងការណ៍ដោយប្រធាន រ័សុល អិម ណិលសុន ក្នុងផ្នែកទី ២ នៃឯកសាររៀបចំនេះ ) ។
-
តើអត្ថន័យសំខាន់ក្នុងឃ្លា « តែដោយព្រោះប្តីក្រមកពេក » ( ម៉ាថាយ ២៥:៥ ) និង « លុះដល់កណ្តាលអធ្រាត្រ ស្រាប់តែឮសូរសម្រែកថា » ( ខទី ៦ ) ជាអ្វីទៅ ?
-
ហេតុអ្វីស្ត្រីព្រហ្មចារីប្រាំនាក់ត្រូវបានពិពណ៌នាថាជាស្ត្រីល្ងង់ ? ( អ្នកអាចពិភាក្សាថាតើឃ្លា « ខ្ញុំមិនស្គាល់នាងទេ » [ ខទី ១២ ] និង « អ្នក មិនស្គាល់ ខ្ញុំ ទេ » ( ការបកប្រែដោយយ៉ូសែប ស៊្មីធ, ម៉ាថាយ ២៥:១១ បង្រៀនយើងអំពីការរៀបចំរបស់ព្រហ្មចារីទាំងនេះ ) ។
-
-
សូមរកមើលឧទាហរណ៍ទូទៅមួយ ឬពីរអំពីរបៀបដែលយើង ក្នុងនាមជាសមាជិកនៃសាសនាចក្រជ្រើសរើសធ្វើដូចជាស្រ្តីព្រហ្មចារីល្ងង់ ។ សូមរៀបចំខ្លួនដើម្បីចែកចាយឧទាហរណ៍របស់អ្នកជាមួយនឹងក្រុមមួយ ដែលពិភាក្សាអំពីស្រ្តីព្រហ្មចារីមានគំនិត ។
© 2023 by Intellectual Reserve, Inc. All rights reserved.
មេរៀនទី ២៣
ស្ត្រីព្រហ្មចារីមានគំនិត
ស្ត្រីព្រហ្មចារីមានគំនិត
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២៣
-
សូមពិភាក្សាសំណួរដូចតទៅនេះជាមួយគ្នា ៖
-
តើចង្កៀង និងប្រេងអាចតំណាងឲ្យអ្វីនៅក្នុងរឿងប្រៀបប្រដូចនេះ ? ( អ្នកអាចពិនិត្យមើល គោលលទ្ធិ និង សេចក្ដីសញ្ញា ៤៥:៥៦–៥៧ និង សេចក្ដីថ្លែងការណ៍ដោយប្រធាន រ័សុល អិម ណិលសុន នៅក្នុងផ្នែកទី ២ នៃឯកសាររៀបចំនេះ ) ។
-
ហេតុអ្វីស្ត្រីព្រហ្មចារីប្រាំនាក់ត្រូវបានពិពណ៌នាថាជាស្ត្រីមានគំនិត ?
-
ហេតុអ្វីបានជាស្ត្រីព្រហ្មចារីមានគំនិតមិនអាចចែករំលែកប្រេងរបស់នាងជាមួយនឹងស្ត្រីព្រហ្មចារីល្ងង់បាន ?
-
-
សូមរកមើលឧទាហរណ៍ទូទៅមួយ ឬពីរអំពីរបៀបដែលយើង ក្នុងនាមជាសមាជិកនៃសាសនាចក្រជ្រើសរើសធ្វើដូចជាស្រ្តីព្រហ្មចារីមានគំនិត កាលដែលយើងរៀបចំខ្លួនសម្រាប់ការយាងមកជាលើកទីពីរ ។ សូមរៀបចំខ្លួនដើម្បីចែកចាយឧទាហរណ៍របស់អ្នកជាមួយនឹងក្រុមមួយ ដែលពិភាក្សាអំពីស្រ្តីព្រហ្មចារីល្ងង់ ។
© 2023 by Intellectual Reserve, Inc. All rights reserved.
មេរៀនទី ២៤
ព្រះយេស៊ូវគ្រីស្ទគឺជា « ចៅក្រមសុចរិត » ( ធីម៉ូថេ ទី២ ៤:៨ )
ព្រះយេស៊ូវគ្រីស្ទគឺជា « ចៅក្រមសុចរិត » ( ធីម៉ូថេ ទី២ ៤:៨ )
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២៤
អានឮៗ ទំនុកដំកើង ៩:៨ និង ៩៦:១១–១៣ ។ បន្ទាប់មកអញ្ជើញសមាជិកម្នាក់ៗក្នុងក្រុម ឲ្យចែកចាយគុណលក្ខណៈមួយមកពីព្រះជន្មរបស់ព្រះអង្គសង្គ្រោះ ដែលបង្ហាញថា ព្រះយេស៊ូវគ្រីស្ទកាត់សេចក្ដីមនុស្សទាំងអស់ដោយសុចរិតភាព ។ កាលដែលអ្នកចែកចាយគុណលក្ខណៈទាំងនោះ អ្នកអាចចង់ពិភាក្សានូវសំណួរដូចខាងក្រោម ៖
-
តើគុណលក្ខណៈនេះអាចនឹងជះឥទ្ធិពលដល់របៀបដែលព្រះយេស៊ូវគ្រីស្ទកាត់សេចក្ដីយើងតាមរបៀបណា ?
-
តើគុណលក្ខណៈនេះអាចបង្កើនទីទុកចិត្តរបស់អ្នកលើភាពសមស្របរបស់ព្រះអង្គសង្គ្រោះ ដើម្បីធ្វើជាចៅក្រមរបស់អ្នកដោយរបៀបណា ?
បន្ទាប់ពីរកឃើញគុណលក្ខណៈជាក់លាក់នានាហើយ សូមពិភាក្សាពីរបៀបដែលព្រះយេស៊ូវគ្រីស្ទខុសពីចៅក្រមដែលជាមនុស្សលោកទាំងអស់ ។ ( សូមពិចារណារំឭកពីសេចក្ដីថ្លែងការណ៍ដោយ ប្រធាន ដាល្លិន អេក អូក និង អែលឌើរ រីឆាដ ជី ស្កត នៅក្នុងផ្នែកទី ១ នៃឯកសាររៀបចំនេះ ) ។ អ្នកក៏អាចពិភាក្សាពីមូលហេតុ ដែលវាសំខាន់ដែលព្រះអង្គសង្គ្រោះមាននូវគុណលក្ខណៈទាំងនេះក្នុងនាមជាចៅក្រមរបស់យើង ។
© 2023 by Intellectual Reserve, Inc. All rights reserved.
មេរៀនទី ២៥
ស្វ័យវាយតម្លៃភាពជាសិស្ស
ស្វ័យវាយតម្លៃភាពជាសិស្ស
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២៥
សូមពិចារណាសេចក្តីថ្លែងការណ៍នីមួយៗ ហើយដាក់ពិន្ទុខ្លួនឯងដោយប្រើមាត្រដ្ឋានខាងក្រោម ៖ ១ = មិនយល់ស្របសោះឡើយ ២ = មិនសូវយល់ស្រប ៣ = អព្យាក្រឹត ៤ = យល់ស្របខ្លះៗ និង ៥ = យល់ស្របយ៉ាងខ្លាំង ។
-
ខ្ញុំខិតខំធ្វើជាសិស្សរបស់ព្រះយេស៊ូវគ្រីស្ទដោយស្មោះ ។
-
ខ្ញុំព្យាយាមកាន់តាមព្រះបញ្ញត្តិរបស់ព្រះអង្គសង្គ្រោះជារៀងរាល់ថ្ងៃ ។
-
ខ្ញុំព្យាយាមស្រឡាញ់ និងបម្រើមនុស្សនៅជុំវិញខ្លួនខ្ញុំ ដូចជាព្រះយេស៊ូវគ្រីស្ទនឹងធ្វើដែរ ។
-
ខ្ញុំខិតខំលះបង់បំណងប្រាថ្នាខាងលោកិយ ដើម្បីធ្វើតាមព្រះអង្គសង្គ្រោះ ។
© 2023 by Intellectual Reserve, Inc. All rights reserved.