« មេរៀនទី ២០ ឯកសារគ្រូបង្រៀន ៖ ការស្វែងរកកន្លែងរបស់ខ្ញុំនៅក្នុងហ្វូងចៀមរបស់អ្នកគង្វាលល្អ » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់( ឆ្នាំ ២០២៣ )
« មេរៀនទី ២០ ឯកសារគ្រូបង្រៀន » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់
មេរៀនទី ២០ ឯកសារគ្រូបង្រៀន
ការស្វែងរកកន្លែងរបស់ខ្ញុំនៅក្នុងហ្វូងចៀមរបស់អ្នកគង្វាលល្អ
អែលឌើរ ជែរីត ដ័បុលយូ ហ្កង បានបង្រៀនថា អ្នកគង្វាលល្អ « ស្វែងរក ហើយប្រមូលផ្ដុំយើង » ហើយ « ទ្រង់បង្រៀនយើងអំពីរបៀបផ្ដល់ការងារបម្រើដោយក្ដីស្រឡាញ់ » ( «Good Shepherd, Lamb of God » Liahona ខែ ឧសភា ឆ្នាំ ២០១៩ ទំព័រ ៩៧ ) ។ នៅក្នុងមេរៀននេះ សិស្សនឹងពិភាក្សាអំពីសារៈសំខាន់នៃការដឹងថា អ្នកគង្វាលល្អយកចិត្តទុកដាក់ចំពោះមនុស្សទាំងអស់ ។ សិស្សក៏នឹងរៀនពីសារៈសំខាន់នៃការអភិវឌ្ឍដួងចិត្តជាអ្នកគង្វាល ដើម្បីពួកគេអាចស្វែងរក និងជួយនាំចៀមដែលបាត់របស់ព្រះអម្ចាស់មកវិញ ។
យោបល់សម្រាប់ការបង្រៀន
ព្រះយេស៊ូវគ្រីស្ទគឺជាអ្នកគង្វាលល្អ ។
អ្នកអាចចាប់ផ្ដើមថ្នាក់ដោយបង្ហាញរូបអ្នកគង្វាល និងចៀមដែលអមមកជាមួយគ្នា ។
សូមពិភាក្សាដោយសង្ខេបៗអំពីភាពខុសគ្នារវាងអ្នកគង្វាលនិងអ្នកស៊ីឈ្នួល ( សូមមើល ផ្នែកទី ១ នៃឯកសាររៀបចំ នេះ ) ។ ឬអ្នកអាចមើលវីដេអូ និងពិភាក្សាក្នុង « Lesson 16: New Testament Customs—Shepherd and Sheepfold » ( ១:២០ ) ។
វាអាចមានប្រយោជន៍ផងដែរក្នុងការបង្ហាញ រូបភាពរបស់ព្រះយេស៊ូវគ្រីស្ទដែលបានពិពណ៌នាថាជាអ្នកគង្វាលល្អ ចាប់តាំងពីការចាប់ផ្តើមឯកសាររៀបចំថ្នាក់ និងសរសេរនៅលើក្ដារខៀននូវសេចក្ដីថ្លែងការណ៍មិនពេញលេញដូចខាងក្រោម ៖ អ្នកគង្វាលល្អ …
សូមអញ្ជើញសិស្សឲ្យរំព្ញកឡើងវិញជាមួយដៃគូ ឬជាក្រុមតូចៗ យ៉ូហាន ១០:១១,១៤–១៦; ទំនុកដំកើង ២៣:១–៤; នីហ្វៃទី ៣ ១៨:២៨–៣១ ហើយរកមើលរបៀបដើម្បីបំពេញសេចក្ដីថ្លែងការណ៍នេះនៅលើក្តារខៀន ។ បន្ទាប់ពីទុកពេលសម្រាប់ការពិភាក្សាជាក្រុមតូចៗរួចហើយ នោះអ្នកអាចឲ្យសិស្សមួយចំនួនសរសេរសេចក្ដីថ្លែងការណ៍ដែលបានបំពេញហើយរបស់ពួកគេនៅលើក្ដារខៀន ។ សេចក្តីថ្លែងការណ៍របស់ពួកគេអាចរួមបញ្ចូលសេចក្ដីពិតដែលស្រដៀងគ្នាដូចខាងក្រោមនេះ ៖ អ្នកគង្វាលល្អ បានលះបង់ជីវិតរបស់ទ្រង់សម្រាប់ចៀមរបស់ទ្រង់ ។ អ្នកគង្វាលល្អស្គាល់ និងដឹងចំនួនចៀមរបស់ទ្រង់ ។ អ្នកគង្វាលល្អចិញ្ចឹមបីបាច់ ដឹកនាំ និងការពារចៀមរបស់ទ្រង់ ។
កាលសិស្សស្វែងរកសេចក្តីពិតអំពីអ្នកគង្វាលល្អ សូមពិចារណាថាតើសំណួរខាងក្រោមមួយណាដែលអ្នកប្រហែលជាសួរ ដើម្បីជួយធ្វើឲ្យសេចក្តីស្រឡាញ់ និងការដឹងគុណរបស់ពួកគេកាន់តែជ្រាលជ្រៅចំពោះទ្រង់ ៖
-
ហេតុអ្វីបានវាជារឿងសំខាន់ក្នុងការយល់ដឹងថា ព្រះអង្គសង្គ្រោះស្គាល់និងរាប់ចំនួនអ្នកដើរតាមទ្រង់ទាំងអស់ ? តើអ្នកមានគំនិត និងអារម្មណ៍បែបណាក្នុងគំនិតអ្នក នៅពេលអ្នកបានសញ្ជឹងពីអ្វីដែលអ្នកគង្វាលល្អបានលះបង់ជីវិតរបស់ទ្រង់សម្រាប់យើងម្នាក់ៗ ?
អ្នកអាចឲ្យសិស្សជ្រើសរើសឃ្លាមួយនៅក្នុង ទំនុកដំកើង ២៣:១–៤ ( ដូចជាឃ្លា « ស្មៅខៀវខ្ចី » « ក្បែមាត់ទឹក » « ទ្រង់កែព្រលឹងខ្ញុំឡើងវិញ » « តាមផ្លូវសុចរិត » ឬ « ព្រនង់ហើយនឹងដំបងរបស់ទ្រង់កំសាន្តចិត្តទូលបង្គំ »ហើយអញ្ជើញពួកគេឲ្យចែកចាយអ្វីដែលឃ្លាទាំងនេះអាចបង្រៀនយើងអំពីអ្នកគង្វាលល្អ ។
-
តើមានវិធីណាខ្លះដែលអ្នកទទួលអារម្មណ៍នៃសេចក្តីស្រឡាញ់ និងការព្រួយបារម្ភពីអ្នកគង្វាលល្អចំពោះអ្នក ? តើទ្រង់បានជួយអ្នកឆ្លងកាត់គ្រាលំបាកដោយរបៀបណា ?
អ្នកអាចអាន ច្រៀង ឬ ស្តាប់កំណែបោះពុម្ពនៃ ទំនុកតម្កើង« ឱ! ព្រះទ្រង់ឃ្វាលខ្ញុំពិត » ទំនុកតម្កើង ល.រ. ៥៥ ) ។ ( ពិចារណាបង្ហាញពាក្យពេចន៍ទាំងនោះ ) ។ សូមអញ្ជើញសិស្សឲ្យគិតអំពីពេល ដែលព្រះអម្ចាស់បានទតមើលពួកគេ ។
អ្នកគង្វាលល្អបានអញ្ជើញមនុស្សគ្រប់រូបឲ្យមកក្នុងហ្វូងរបស់ទ្រង់ ។
សូមពិចារណាដាក់បង្ហាញរូបភាពរបស់ ពេត្រុស និងព្រះអង្គសង្គ្រោះ ( សូមមើល ផ្នែកទី ២ នៃឯកសាររៀបចំនេះ ) នៅលើមាត់សមុទ្រកាលីឡេ ហើយអញ្ជើញសិស្សម្នាក់ឲ្យពន្យល់អំពីអ្វីដែលកំពុងកើតឡើង ។ វាក៏មានអត្ថប្រយោជន៍ផងដែរ ដើម្បីអាន យ៉ូហាន ២១:១៥–១៧ ហើយពិភាក្សានូវសំណួរដូចខាងក្រោម ៖
-
តើអ្នករកឃើញចំណុចសំខាន់អ្វីខ្លះ អំពីសារលិខិតរបស់ព្រះអង្គសង្គ្រោះទៅកាន់ពេត្រុស ? ( អ្នកអាចសរសេរគោលការណ៍ដូចខាងក្រោមនេះនៅលើក្ដារខៀន ៖ យើងអាចបង្ហាញសេចក្ដីស្រឡាញ់របស់យើងចំពោះព្រះអង្គសង្គ្រោះ តាមរយៈការឲ្យចំណីដល់ហ្វូងចៀមរបស់ទ្រង់ ) ។
សូមពិចារណារំព្ញកជាមួយសិស្សនូវ សេចក្ដីថ្លែងការណ៍របស់ប្រធាន បូនី អេច ខ័រឌុន នៅក្នុងផ្នែកទី ២នៃឯកសាររៀបចំនេះ ។
-
តើអ្នកគិតថាការមាន« ដួងចិត្តជាអ្នកគង្វាល »មានអត្ថន័យដូចម្តេច ?
ការអភិវឌ្ឍការបង្រៀន និងការរៀនសូត្ររបស់យើង
ស្វែងរកឲ្យមានការចូលរួមពីសិស្សទាំងអស់ ។ ដើម្បីក្លាយខ្លួនដូចព្រះអង្គសង្គ្រោះ យើងត្រូវឈោងទៅដល់សិស្សទាំងអស់ ដោយមិនគិតពីសកម្មភាពសាសនាចក្រ កម្រិតនៃសេចក្តីជំនឿ ជម្រើសក្នុងជីវិត រូបរាង ឬការយល់ដឹងអំពីដំណឹងល្អនោះទេ ។ កាលអ្នកដឹកនាំការពិភាក្សា សូមព្យាយាមបង្កើតបរិយាកាសនៃសេចក្តីស្រឡាញ់ និងការទុកចិត្ត ដើម្បីឲ្យសិស្សម្នាក់ៗមានអារម្មណ៍ថាពួកគេសំខាន់ ហើយអាចចែកចាយគំនិត អារម្មណ៍ និងការយល់ដឹងសំខាន់ៗរបស់ពួកគេ ។
សូមពិចារណាចែកចាយ សាច់រឿងខាងក្រោម ឬសាច់រឿងមួយរបស់អ្នកផ្ទាល់ ដើម្បី ជំរុញឲ្យមានការពិភាក្សាក្នុងថ្នាក់ ៖
អ្នកត្រូវបានស្នើសុំឲ្យធ្វើការបម្រើដល់ ជេក ។ អ្នកទាក់ទងគាត់តាមបណ្តាញសង្គមដើម្បីសុំជួបគាត់ ។ គាត់ឆ្លើយដោយប្រើសារដូចខាងក្រោម ៖ « មិនបាច់មកលេងខ្ញុំទេ ។ ខ្ញុំបានព្យាយាមមកវួដកាលពីឆ្នាំមុន ហើយមានអារម្មណ៍ទើសទាល់ ។ ខ្ញុំមានអារម្មណ៍ថាមិនចុះសម្រុងនឹងគេ ឬ មិនមែនជាសមាជិកនៃសាសនាចក្រទេ ។ អ្នកមិនចាំបាច់ចំណាយពេលអត់ប្រយោជន៍ជាមួយខ្ញុំទេ » ។
សូមអញ្ជើញសិស្សមួយចំនួនឲ្យចែកចាយរបៀបដែលពួកគេនឹងឆ្លើយតបទៅកាន់ជេក ។ ដោយសារជាផ្នែកមួយនៃការពិភាក្សានេះ អ្នកអាចសួរសំណួរមួយចំនួនដូចខាងក្រោម ៖
-
តើវាមានន័យយ៉ាងណាក្នុងស្ថានភាពនេះដើម្បីមានដួងចិត្តជាអ្នកគង្វាល ?
-
តើរឿងប្រៀបប្រដូចអំពីចៀមដែលវង្វេងទាក់ទងនឹងសាច់រឿងនេះយ៉ាងដូចម្ដេច ? ( សូមពិចារណារំឭកឡើងវិញក្នុង លូកា ១៥:៤–៧ និងក្នុងសេចក្ដីថ្លែងការណ៍ដោយអែលឌើរ ហ្គែរី អ៊ី ស្ទីវ៉ែនសុន នៅក្នុងផ្នែកទី ២ នៃឯកសាររៀបចំនេះ ) ។
-
តើយើងអាចក្លាយជា« ចៀមវង្វេង »ដោយរបៀបណា ? ប្រសិនបើអ្នកមានអារម្មណ៍ថាវង្វេង តើអ្នកដទៃបានធ្វើអ្វីខ្លះដើម្បីជួយអ្នកត្រឡប់មកវិញ ? ប្រសិនបើបច្ចុប្បន្នអ្នកមានអារម្មណ៍ថាវង្វេង តើអ្នកចង់បានអ្វីបំផុតពីសមាជិកនៃសាសនាចក្រផ្សេងទៀត ? ( ប្រសិនបើវាអាចជួយសិស្សរបស់អ្នក អ្នកអាចសុំឲ្យពួកគេបង្កើតក្រុមតូចៗ ហើយឲ្យពួកគេស្វែងរក នៅក្នុងផ្នែកទី ៣ នៃឯកសាររៀបចំ នេះ សម្រាប់គោលការណ៍ដែលអាចជួយនរណាម្នាក់ឲ្យមានមានអារម្មណ៍ដឹងកាន់តែច្បាស់ថាពួកគេជាសមាជិកនៅក្នុងវួដ ឬសាខារបស់ពួកគេ ) ។
-
តើអ្នកបានរៀនអ្វីខ្លះអំពីព្រះអង្គសង្គ្រោះ នៅពេលអ្នកបានឈោងទៅរកអស់អ្នកដែលវង្វេង ឬអ្នកមានអារម្មណ៍ថាពួកគេមិនមានចំណែកនោះ ?
សូមផ្តល់ពេលឲ្យសិស្សពីរបីនាទីដើម្បីសញ្ជឹងគិតអំពីអ្វីដែលពួកគេអាចធ្វើបាន ដើម្បីជួយនរណាម្នាក់ឲ្យមានអារម្មណ៍ថាមានតម្លៃ សំខាន់ និងមានចំណែកនៅក្នុងហ្វូងចៀមរបស់ព្រះអម្ចាស់ ។ សូមលើកទឹកចិត្តសិស្សឲ្យកត់ត្រា ហើយធ្វើសកម្មភាពតាមចំណាប់អារម្មណ៍របស់ពួកគេ ។
ដើម្បីបញ្ចប់ អ្នកអាចនឹងចង់ចែកចាយអារម្មណ៍របស់អ្នកចំពោះអ្នកគង្វាលល្អ ឬអញ្ជើញសិស្សម្នាក់ឲ្យចែកចាយអារម្មណ៍របស់គាត់ចំពោះទ្រង់ ។
សម្រាប់ពេលក្រោយ
ក្នុងអំឡុងសប្តាហ៍នេះ អ្នកអាចផ្ញើសារខាងក្រោម ឬ សាររបស់អ្នកផ្ទាល់ ទៅកាន់សិស្ស ៖ សូមពិចារណាមើលវីដេអូ « Hear Him: Listen to the Voice of Jesus Christ » ( ១:៤៧ ) ។ កាលអ្នកសិក្សា មេរៀនទី ២១ សូមគិតអំពីអ្វីដែលអ្នកកំពុងធ្វើ ឬអាចធ្វើបានជារៀងរាល់ថ្ងៃដើម្បីស្ដាប់ឮព្រះសូរសៀងរបស់ព្រះអម្ចាស់ ។
