មេរៀនទី ២២ ឯកសាររៀបចំសម្រាប់ថ្នាក់ ៖ ការចូលរួមជាមួយនឹងព្រះយេស៊ូវគ្រីស្ទក្នុងដំណើរការនៃការស្តារឡើងវិញ

« មេរៀនទី ២២ ឯកសាររៀបចំសម្រាប់ថ្នាក់ ៖ ការចូលរួមជាមួយនឹងព្រះយេស៊ូវគ្រីស្ទក្នុងដំណើរការនៃការស្តារឡើងវិញ » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ( ឆ្នាំ ២០២៣ )

« មេរៀនទី ២២ ឯកសារគ្រូបង្រៀន » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់

មេរៀនទី ២២ ឯកសារគ្រូបង្រៀន

ការចូលរួមជាមួយនឹងព្រះយេស៊ូវគ្រីស្ទក្នុងដំណើរការនៃការស្តារឡើងវិញ

ប្រធាន រ័សុល អិម ណិលសុន បានថ្លែងទីបន្ទាល់ថា « យើងទាំងអស់គ្នាគឺជាសាក្សីនៃការស្ដារឡើងវិញជាបន្តបន្ទាប់ ។ ប្រសិនបើបងប្អូនគិតថា សាសនាចក្រត្រូវបានស្ដារឡើងវិញពេញលេញហើយនោះ នោះបងប្អូនទើបតែឃើញការចាប់ផ្ដើមប៉ុណ្ណោះ ។ មានអ្វីៗជាច្រើនដែលនឹងកើតឡើង « Latter-day Saint Prophet, Wife and Apostle Share Insights of Global Ministry » ថ្ងៃទី ៣០ ខែ តុលា ឆ្នាំ ២០១៨ នៅលើគេហទំព័រ newsroom.ChurchofJesusChrist.org ) ។ នៅក្នុងមេរៀននេះ សិស្សនឹងរកឃើញពីអ្វីដែលពួកគេធ្វើ ឬ អាចធ្វើដើម្បីចូលរួមក្នុងដំណើរការនៃការស្ដារឡើងវិញ ។ ពួកគេក៏នឹងពិចារណាអំពីជំនួយដែលពួកគេអាចទទួលបានពីព្រះអង្គសង្គ្រោះ នៅពេលពួកគេធ្វើកិច្ចការរបស់ទ្រង់ផងដែរ ។

យោបល់សម្រាប់ការបង្រៀន

ព្រះយេស៊ូវគ្រីស្ទ ដឹកនាំកិច្ចការនៃការស្ដារឡើងវិញជាបន្តបន្ទាប់ ។

សូមបង្ហាញសេចក្ដីថ្លែងការណ៍ខាងក្រោមដោយប្រធាន ណិលសុន ( ឬ អ្នកអាចចាក់វីដេអូ « President Nelson—What Does the Restoration Mean to You? » [ ១:០៦ ] ហើយគ្រាន់តែបង្ហាញផ្នែកចុងក្រោយនៃសេចក្តីថ្លែងការបានហើយ ) ៖

រូបភាព
ប្រធាន រ័សុល អិម ណិលសុន

មិនថាបងប្អូនរស់នៅកន្លែងណា ឬស្ថានភាពបងប្អូនបែបណាទេ ព្រះអម្ចាស់ ព្រះយេស៊ូវគ្រីស្ទគឺជាព្រះអង្គសង្គ្រោះ របស់បងប្អូន ហើយព្យាការីរបស់ព្រះ យ៉ូសែប ស្ម៊ីធ គឺជាព្យាការី របស់បងប្អូន ។ ទ្រង់ត្រូវបានតែងតាំងជាមុនពីមុនគ្រឹះនៃផែនដីនេះដើម្បីធ្វើជាព្យាការីនៃគ្រាកាន់កាប់ត្រួតត្រាចុងក្រោយនេះ ជាពេលដែល « គ្មានអ្វីណាមួយត្រូវរក្សាទុក »ពីពួកបរិសុទ្ធនោះឡើយ ។ វិវរណៈបន្ដចាក់ស្រោចមកពីព្រះអម្ចាស់អំឡុងដំណើរការបន្ដបន្ទាប់នៃការស្ដារឡើងវិញនេះ ។

តើដំណឹងល្អនៃព្រះយេស៊ូវគ្រីស្ទត្រូវបានស្ដារឡើងវិញនៅលើផែនដីនេះ មានអត្ថន័យយ៉ាងណាចំពោះបងប្អូន ? ( « Hear Him » Liahona ខែ ឧសភា ឆ្នាំ ២០២០ ទំព័រ ៨៨ សេចក្ដី បញ្ជាក់បន្ថែម )

សូមអញ្ជើញសិស្សមួយចំនួនឲ្យឆ្លើយតបនឹងសំណួររបស់ប្រធាន ណិលសុន ហើយចែកចាយថា តើការស្ដារឡើងវិញមានអត្ថន័យយ៉ាងណាចំពោះពួកគេ ។ អ្នកអាចសួរពួកគេ ៖

តើដំណើរការ នៃការស្ដារឡើងវិញមានអត្ថន័យយ៉ាងណាចំពោះអ្នក ?

ការអភិវឌ្ឍការបង្រៀន និងការរៀនសូត្ររបស់យើង

សួរសំណួរតាមដានដើម្បីបំផុសគំនិតឲ្យមានការរៀនសូត្រកាន់តែស៊ីជម្រៅ ។ នៅពេលសិស្សឆ្លើយសំណួរ សូមចែកចាយអារម្មណ៍ ឬផ្តល់ការយល់ដឹង សូមស្តាប់ដោយយកចិត្តទុកដាក់អំពីអ្វីដែលពួកគេនិយាយ និងពីរបៀបដែលពួកគេនិយាយ ។ សូមស្វែងយល់ថាតើសំណួរតាមដានអាចជួយសិស្សឲ្យគិតកាន់តែស៊ីជម្រៅ ហើយទាញយកបទពិសោធន៍ផ្ទាល់ខ្លួនរបស់ពួកគេ ឬស្វែងរកអារម្មណ៍នៅក្នុងចិត្តរបស់ពួកគេ ។ សំណួរតាមដាន គួរតែធម្មតាមិនបង្ខិតបង្ខំ ។ សំណួរទាំងនោះ គួរតែជាការចូលរួម មិនមែនជាការបង្ខិតបង្ខំនោះទេ ។

សូមអញ្ជើញសិស្សឲ្យចែកចាយឧទាហរណ៍អំពីដំណើរការនៃការស្តារឡើងវិញ ។ ( វាអាចមានប្រយោជន៍ដើម្បីរំឭក សេចក្ដីថ្លែងការណ៍ដោយអែលឌើរ ឡឺគ្រែន អរ ខឺតធិស ជុញ្ញ័រ នៅក្នុងផ្នែកទី១ នៃឯកសាររៀបចំនេះហើយចែកចាយឧទាហរណ៍ មួយឬ ពីរដែលអ្នកបានរកឃើញ ) ។ នៅពេលសិស្សចែកចាយ អ្នកអាចសុំផ្អាកហើយសួរសំណួរតាមដាន ដូចនេះ ៖

តើ [ ឧទាហរណ៍របស់សិស្ស ] បានជួយអ្នក ឬនរណាម្នាក់ដែលអ្នកស្គាល់ឲ្យខិតមកកាន់តែជិតព្រះយេស៊ូវគ្រីស្ទដោយរបៀបណា ?
តើអ្នកគិតថា [ ឧទាហរណ៍របស់សិស្ស ] អាចជួយយើងរៀបចំខ្លួនសម្រាប់ការយាងមកជាលើកទីពីរដោយរបៀបណា ?
តើ [ ឧទាហរណ៍របស់សិស្ស ] បានពង្រឹងទីបន្ទាល់របស់អ្នកថា នេះជាកិច្ចការរបស់ព្រះអម្ចាស់ដោយរបៀបណា ?

ដើម្បីជួយសិស្សឲ្យកាន់តែមានអំណរគុណអំពីសារៈសំខាន់នៃការប្រមូលផ្តុំសាសន៍អ៊ីស្រាអែល នៅក្នុងដំណើរការនៃការស្ដារឡើងវិញ សូមពិចារណា បង្ហាញសេចក្ដីថ្លែងការណ៍ខាងក្រោមដោយប្រធាន ណិលសុន ៖ [ ការ ] ប្រមូលផ្ដុំ[ នៃសាសន៍អ៊ីស្រាអែល ] គឺជាកិច្ចការដ៏សំខាន់បំផុតដែលកើតឡើងនៅលើផែនដីសព្វថ្ងៃនេះ » ( រ័សុល អិម ណិលសុន និង វិនឌី ដបបិលយូ ណិលសុន « Hope of Israel » [ ការប្រជុំធម្មនិដ្ឋានសម្រាប់យុវវ័យទូទាំងពិភពលោក ថ្ងៃទី ៣ ខែ មិថុនា ឆ្នាំ ២០១៨ ] បន្ថែមទៅនឹង New Era និង Ensign ទំព័រ ៨ នៅលើគេហទំព័រ ChurchofJesusChrist.org ) ។

សូមអញ្ជើញសិស្សឲ្យចំណាយពេលពីរបីនាទីដើម្បីរំឭក ផ្នែកទី ២ នៃឯកសាររៀបចំ នេះហើយស្វែងរកមូលហេតុសំខាន់ៗនៃការប្រមូលផ្តុំសាសន៍អ៊ីស្រាអែល ។ បន្ទាប់មក អ្នកអាចឲ្យពួកគេសម្តែងជាមួយដៃគូ ឬជាថ្នាក់អំពីរបៀបដែលពួកគេនឹងឆ្លើយតបទៅនឹងសាច់រឿងមួយ ឬច្រើនដូចខាងក្រោម ៖

សូមពន្យល់ទៅកាន់សិស្សវិទ្យាល័យដែលសិក្សាថ្នាក់សិក្ខាសាលាអំពីសារៈសំខាន់នៃការប្រមូលផ្តុំនៃសាសន៍អ៊ីស្រាអែល ។
សូមចែកចាយជាមួយនរណាម្នាក់ដែលមិនមានជំនឿដូចយើងអំពីរបៀបដែលការប្រមូលផ្តុំនៃសាសន៍អ៊ីស្រាអែលអាចប្រទានពរដល់មនុស្សគ្រប់រូប ។
សូមពន្យល់អំពីរបៀបដែលយើងអាចជួយព្រះអម្ចាស់ នៅក្នុងការប្រមូលផ្តុំសាសន៍អ៊ីស្រាអែលទៅកាន់សមាជិកនៃសាសនាចក្រដែលមានអារម្មណ៍មិនប្រាកដអំពីរបៀបដែលពួកគេអាចជួយ ។

បន្ទាប់ពីការសម្ដែងចប់ អ្នកអាចអញ្ជើញសិស្សម្នាក់ឲ្យអានឮៗ នូវ សេចក្តីថ្លែងការណ៍ដោយប្រធានឌៀរថើរ អេហ្វ អុជដូហ្វ នៅក្នុងផ្នែកទី១ នៃឯកសាររៀបចំនេះ ។ អ្នកអាចផ្តល់ពេលឲ្យសិស្សពិចារណា និងកត់ត្រាគំនិតរបស់ពួកគេអំពីសំណួរដូចខាងក្រោមនេះ ៖

តើអ្នកអាចពិពណ៌នាដូចម្តេចចំពោះកិច្ចខិតខំបន្ថែមរបស់អ្នកនៅក្នុងកិច្ចការដំណើរការនៃការស្តារឡើងវិញរបស់ព្រះអម្ចាស់ ?
តើអ្វីជាការរួមចំណែកដែលអ្នកអាចធ្វើបានក្នុងពេលនេះដើម្បីបន្តកិច្ចការរបស់ទ្រង់ ? ( សូមពិចារណារំព្ញកនូវសេចក្ដីថ្លែងការណ៍របស់ប្រធាន បូនី អេច ខ័រឌុន នៅក្នុងផ្នែកទី២ នៃឯកសាររៀបចំនេះ ) ។

ព្រះអង្គសង្គ្រោះធ្វើការជាមួយយើង នៅពេលយើងធ្វើកិច្ចការរបស់ទ្រង់ ។

សូមពិចារណាចែកចាយអំពីសាច់រឿងខាងក្រោមនេះ ៖

ម៉ារៀ បានទទួលការហៅថ្មីមួយនៅក្នុងវួដរបស់នាង ហើយមានអារម្មណ៍ស្មុគ្រស្មាញ ។ នៅពេលនាងចាកចេញពីការិយាល័យរបស់ប៊ីស្សព នាងនិយាយទៅកាន់ខ្លួននាងថា ៖ « តើខ្ញុំអាចធ្វើកិច្ចការហៅបម្រើនេះដោយរបៀបណា ? ខ្ញុំមិនល្អគ្រប់គ្រាន់ទេ ។ អ្នកផ្សេងទៀតមានគុណសម្បត្តិល្អជាងខ្ញុំឆ្ងាយណាស់ ? ប្រហែលជាខ្ញុំគួរតែសូមប៊ីស្សពឲ្យស្វែងរកអ្នកផ្សេង » ។

តើអ្នកនឹងផ្តល់ដំបូន្មានអ្វីខ្លះទៅកាន់ម៉ារៀ ?

សូមអញ្ជើញសិស្សរំព្ញក យ៉ាកុប ៥:៧០–៧២,គោលលទ្ធិ និង សេចក្ដីសញ្ញា ៣៨:៧ និង គោលលទ្ធិ និង សេចក្ដីសញ្ញា ៤៩:២៧ ហើយស្រាវជ្រាវរកគោលការណ៍ដែលអាចជួយម៉ារៀ ។ សិស្សអាចស្វែងយល់គោលការណ៍មួយដូចខាងក្រោម ៖ កាលយើងធ្វើកិច្ចការរបស់ព្រះអម្ចាស់ នោះទ្រង់នឹងគង់នៅចំកណ្តាលពួកយើង ហើយធ្វើកិច្ចការជាមួយយើង ។

តើចំណេះដឹងដែលថាព្រះអង្គសង្គ្រោះធ្វើកិច្ចការជាមួយយើងអាចជួយម៉ារៀដូចម្ដេច ? តើចំណេះដឹងនេះអាចជួយអ្នកយ៉ាងដូចម្ដេច ?
ហេតុអ្វីបានជាវាសំខាន់ដើម្បីដឹងថាព្រះវរបិតាបានគង់នៅជាមួយព្រះអង្គសង្គ្រោះក្នុងអំឡុងពេលនៃការងារបម្រើរបស់ទ្រង់ក្នុងជីវិតរមែងស្លាប់ ? ( អ្នកអាចរំព្ញកសេចក្ដីថ្លែងការណ៍ដោយអែលឌើរ គីម ប៊ី ក្លាកនៅក្នុងផ្នែកទី៣ នៃឯកសាររៀបចំនេះ ដើម្បីជួយសិស្សឆ្លើយសំណួរនេះ ) ។
តើនៅពេលណាដែលអ្នកមានអារម្មណ៍ធានាអះអាងថាព្រះវរបិតាសួគ៌ និងព្រះយេស៊ូវគ្រីស្ទបានគង់នៅជាមួយអ្នកនៅពេលអ្នកបានធ្វើកិច្ចការរបស់ទ្រង់ទាំងទ្វេ ?

សិស្សអាចសញ្ជឹងគិតអំពីព្រះទ័យរបស់ព្រះអង្គសង្គ្រោះដែលធ្វើកិច្ចការជាមួយពួកគេ នៅពេលពួកគេធ្វើកិច្ចការរបស់ទ្រង់ ។ កាលពួកគេពិចារណា អ្នកអាចបង្ហាញបញ្ជីសំខាន់ខាងក្រោម ហើយអញ្ជើញសិស្សឲ្យអានវគ្គមកពីទំនុកតម្កើងនីមួយៗ ។ សូមលើកទឹកចិត្តសិស្សឲ្យកត់ត្រារាល់គំនិត ឬអារម្មណ៍របស់ពួកគេអំពីអ្វីដែលពួកគេអាន ។

« ចូរយើងខិតខំទៅ » ( ទំនុកតម្កើង ល.រ. ១៥២ ) ឃ្លាទី ៣
« យើងទាំងអស់គ្នាជាទាហាន » ( ទំនុកតម្កើង ល.រ. ១៥៦ ) ឃ្លាទី ៣
« វេលាជិតដល់ហើយ » ( ទំនុកតម្កើង ល.រ. ១៦៥ ) ឃ្លាទី ៤
« ខ្ញុំនឹងទៅដែលទ្រង់ឲ្យខ្ញុំទៅ » ( ទំនុកតម្កើង ល.រ. ១៦៨ ) ឃ្លាទី ៣

មុនបញ្ចប់ថ្នាក់ អ្នកអាចសុំឲ្យសិស្សម្នាក់ ឬពីរនាក់ចែកចាយបទពិសោធន៍របស់ពួកគេទាក់ទងនឹងសេចក្តីពិតនេះ ៖ ពេលយើងធ្វើកិច្ចការរបស់ព្រះអម្ចាស់ នោះទ្រង់បានគង់នៅចំកណ្តាលពួកយើង ហើយធ្វើកិច្ចការជាមួយយើង ។

សម្រាប់ពេលក្រោយ

សូមពិចារណាលើកទឹកចិត្តសិស្សឲ្យសិក្សាពីរបីថ្ងៃមុនចូលរៀនថ្នាក់ក្រោយក្នុងឯកសាររៀបចំសម្រាប់មេរៀនទី ២៣ ។ អ្នកអាចផ្ញើសារលិខិតខាងក្រោម ៖ មើលវីដេអូ « Prepare for the Second Coming » ( ១:០០ ) ហើយពិចារណាពីឯកសារនៅក្នុងមេរៀនទី ២៣ អាចជួយអ្នករៀបចំសម្រាប់ការយាងត្រឡប់មកវិញរបស់ព្រះយេស៊ូវគ្រីស្ទ ។