សេចក្តីផ្តើមស្តីពីឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ( សាសនា ២៥០ )

« សេចក្តីផ្តើមស្តីពី ព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ( សាសនា ២៥០ ) » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ( ឆ្នាំ ២០២៣ )

« សេចក្តីផ្តើម » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់

សេចក្តីផ្តើមស្តីពី ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ( សាសនា ២៥០ )

សូមស្វាគមន៍មកកាន់ព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ! ប្រធាន រ័សុល អិម ណិលសុនបានប្រកាសថា « មិនដែលមានពេលណានៅក្នុងប្រវត្តិសាស្រ្តពិភពលោកនេះ ដែលចំណេះដឹងអំពីព្រះអង្គសង្រ្គោះរបស់យើងមានសារៈសំខាន់ផ្ទាល់ខ្លួន ហើយទាក់ទងនឹង ព្រលឹងមនុស្សគ្រប់គ្នាយ៉ាងខ្លាំងដូច្នេះនោះទេ ( « Pure Truth, Pure Doctrine, and Pure Revelation » Liahona ខែ វិច្ឆិកា ឆ្នាំ ២០២១ ទំព័រ ៦ ) ។ វគ្គសិក្សានេះនឹងផ្តល់ឲ្យសិស្សអ្នកនូវឱកាសដ៏អស្ចារ្យ ដើម្បីបង្កើនជំនឿរបស់ពួកគេលើព្រះយេស៊ូវគ្រីស្ទ ដុះខាត់ការយល់ដឹងរបស់ពួកគេអំពីដំណឹងល្អដ៏អស់កល្បអស់កាលជានិច្ចរបស់ទ្រង់ និងបង្កើនទំនុកចិត្តរបស់ពួកគេដើម្បីទទួលបានអំណាច និងដង្វាយធួនរបស់ទ្រង់នៅក្នុងជីវិតផ្ទាល់ខ្លួនរបស់ពួកគេ ។

តើអ្វីជាគោលបំណងនៃវគ្គសិក្សានេះ ?

គោលបំណងនៃថ្នាក់សិក្ខាសាលា និងថ្នាក់វិទ្យាស្ថានសាសនា គឺដើម្បី « ជួយដល់យុវវ័យ និងយុវមជ្ឈិមវ័យឲ្យយល់ និងពឹងផ្អែកទៅលើការបង្រៀន និងដង្វាយធួនរបស់ព្រះយេស៊ូវគ្រីស្ទ មានលក្ខណៈសម្បត្តិគ្រប់គ្រាន់នឹងទទួលពរជ័យនៃព្រះវិហារបរិសុទ្ធ ហើយរៀបចំខ្លួនពួកគេផ្ទាល់ ក្រុមគ្រួសាររបស់ពួកគេ និងមនុស្សដទៃទៀត ទទួលជីវិតដ៏នៅអស់កល្បជានិច្ចជាមួយនឹងព្រះវរបិតាសួគ៌របស់ពួកគេ » ( ការបង្រៀន និងការរៀនសូត្រដំណឹងល្អ ៖ សៀវភៅក្បួនខ្នាតសម្រាប់គ្រូបង្រៀន និងថ្នាក់ដឹកនាំនៅក្នុងថ្នាក់សិក្ខាសាលា និងថ្នាក់វិទ្យាស្ថានសាសនា [ ឆ្នាំ ២០១២ ] ទំព័រ x ) ។

កម្មវិធីសិក្សានេះត្រូវបានរៀបរៀងឡើងដើម្បីជួយអ្នក និងសិស្សរបស់អ្នកបំពេញគោលបំណងនេះដោយ

ការចូលរួមក្នុងបទពិសោធន៍សិក្សាដែលបង្កើនសេចក្ដីជំនឿលើព្រះយេស៊ូវគ្រីស្ទ និងព្រះចេស្ដារបស់ទ្រង់ដើម្បីពង្រឹង សម្អាត និងធ្វើឲ្យអ្នកឥតខ្ចោះតាមរយៈដង្វាយធួនរបស់ទ្រង់
បង្កើនសមត្ថភាពរបស់អ្នកដើម្បីទទួលវិវរណៈ
ការស្វែងយល់ ការពន្យល់ និងការថ្លែងទីបន្ទាល់ពីតួនាទីដ៏ទេវភាព ដែលព្រះយេស៊ូវគ្រីស្ទបំពេញនៅក្នុងផែនការនៃការ ប្រោសលោះរបស់ព្រះវរបិតាសួគ៌
ការពង្រឹងការប្តេជ្ញាចិត្តដើម្បីធ្វើជាសិស្សដ៏ស្មោះត្រង់របស់ព្រះយេស៊ូវគ្រីស្ទ ដោយការរក្សាបទបញ្ញត្តិរបស់ទ្រង់ និងគោរពទំនាក់ទំនងនៃសេចក្តីសញ្ញារបស់អ្នកជាមួយទ្រង់ និង
ការធ្វើឲ្យសេចក្តីស្រឡាញ់របស់អ្នកកាន់តែស៊ីជម្រៅចំពោះព្រះអង្គសង្រ្គោះ និងរកមើលផ្លូវដើម្បីបង្ហាញអំណរគុណសម្រាប់ទ្រង់ និងព្រះវរបិតាសួគ៌របស់អ្នក ។

តើវគ្គសិក្សានេះរៀបចំយ៉ាងដូចម្តេច ?

វគ្គសិក្សានេះត្រូវបានបែងចែកជាប្រាំមួយជំពូក ដែលមាន ២៨ មេរៀន ។ រាល់ជំពូកនីមួយៗគ្របដណ្តប់ទិដ្ឋភាពសំខាន់ៗនៃបេសកកម្មជីវិតមុនផែនដី ជីវិតលើផែនដី ឬជីវិតក្រោយពីជីវិតលើផែនដីរបស់ព្រះអម្ចាស់ ។

មេរៀននីមួយៗត្រូវបានរៀបចំឡើងសម្រាប់ថ្នាក់ដែលមានរយៈពេល ៥០ នាទី ។ សម្រាប់ថ្នាក់ទាំងឡាយដែលជួបគ្នាតែម្តងក្នុងមួយសប្តាហ៍ដែលមានរយៈពេល ៩០ នាទី លោកគ្រូ អ្នកគ្រូអាចបញ្ចូលមេរៀនពីរជាមួយគ្នា ពីព្រោះមេរៀននៅក្នុងជំពូកនីមួយៗគឺមានជាប់ទាក់ទងយ៉ាងជិតស្និទ្ធតាមប្រធានបទ ។

មេរៀននីមួយៗមាននូវឯកសាររៀបចំសម្រាប់ថ្នាក់ និងឯកសារគ្រូបង្រៀន ។ មេរៀនទាំងនេះត្រូវបានរៀបរៀងឡើងដើម្បីអញ្ជើញឲ្យមានការរៀបចំដ៏ហ្មត់ចត់ លើកទឹកចិត្តឲ្យសិស្សចូលរួមបង្កើនការរៀនសូត្រឲ្យស៊ីជម្រៅ និងនាំមកនូវសកម្មភាពដែលជួយពួកគេប្រែក្លាយកាន់តែដូចជាព្រះវរបិតាសួគ៌ និងព្រះយេស៊ូវគ្រីស្ទ ។

កាលអ្នកសិក្សាកម្មវិធីសិក្សានេះ សូមអធិស្ឋានទូលសុំជំនួយរបស់ព្រះអម្ចាស់ដើម្បីអ្នកដឹងពីរបៀបបំពេញតម្រូវការរបស់សិស្សអ្នកបានល្អបំផុត ។ អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានបង្រៀន ៖

រូបភាព
អែលឌើរ ជែហ្វ្រី អ័រ ហូឡិន

ជាពិសេស—សូមស្តាប់ សូមស្ដាប់តាមព្រះវិញ្ញាណ ។ សូមទុកពេលបន្ថែមសម្រាប់រៀបចំផែនការមេរៀនរបស់អ្នក ។ ប្រសិនបើអ្នកត្រូវរៀបចំមេរៀនខ្លីបន្តិចដើម្បីថ្លែងទីបន្ទាល់របស់អ្នក ហើយពញ្ញាក់អារម្មណ៍ឲ្យមានការពិភាក្សាមួយស្តីពីបញ្ហាសម័យបច្ចុប្បន្ននេះ សូមធ្វើវា ពេលមានការបំផុសគំនិត និងការប្រាប់ពីព្រះវិញ្ញាណដោយត្រឹមត្រូវ ។ …

… សូមចាំថា សិស្សពុំមែនជាថូមួយដើម្បីចាក់បំពេញទេ តែសិស្សគឺជាភ្លើងមួយដែលត្រូវដុតឲ្យឆេះសន្ធោសន្ធៅ ។ ( « ពួកទេវតា និងសេចក្ដីអស្ចារ្យ » [ សន្ទរកថាដែលបានថ្លែងនៅការចាក់ផ្សាយស្តីពីការបំពាក់បំប៉នរបស់ប្រព័ន្ធអប់រំសាសនាចក្រ ថ្ងៃទី ១២ ខែ មិថុនា ឆ្នាំ ២០១៩ ] broadcasts.ChurchofJesusChrist.org )

ឯកសាររៀបចំសម្រាប់ថ្នាក់

ឯកសាររៀបចំសម្រាប់ថ្នាក់គឺមានគោលបំណងដើម្បីឲ្យអ្នក និងសិស្សរបស់អ្នកយកមកសិក្សាដើម្បីរៀបចំខ្លួនសម្រាប់ថ្នាក់រៀន ។ វារួមមានទាំងការបង្រៀនមកពីបទគម្ពីរ និងថ្នាក់ដឹកនាំសាសនាចក្រ វីដេអូ និងផ្នែក « ចង់បានបន្ថែមទៀតទេ ? » ដែលផ្ដល់ធនធានបន្ថែមទៀតទាក់ទងនឹងប្រធានបទមេរៀននោះ ។

ឯកសាររៀបចំសម្រាប់ថ្នាក់ក៏មាននូវសំណួរ និងសកម្មភាពទាំងឡាយដែលលើកទឹកចិត្តដល់សិស្សឲ្យរៀនសូត្រយ៉ាងស៊ីជម្រៅ និងការរៀបចំក្នុងការចូលរួមក្នុងការពិភាក្សាក្នុងថ្នាក់ ។ ឧទាហរណ៍ នៅក្នុងឯកសាររៀបចំសម្រាប់ថ្នាក់ នៅមេរៀនទី ៤ « ការស្វែងរកគោលបំណង និងសេចក្ដីអំណរនៅក្នុងការបង្កបង្កើតរបស់ព្រះអម្ចាស់ » សិស្សត្រូវបានអញ្ជើញឲ្យធ្វើសកម្មភាពដូចខាងក្រោម ៖

រូបភាព

មេរៀនទី ៤ សកម្មភាពសម្តែង

ប្រើប្រាស់ឯកសាររៀបចំនេះនឹងជួយសិស្សឲ្យ « ស្វែងរកការរៀនសូត្រ គឺដោយសារការសិក្សា និងដោយសារសេចក្ដីជំនឿផង » ( គោលលទ្ធិ និងសេចក្តីសញ្ញា ៨៨:១១៨ ) ។ អែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានបង្រៀន ៖

រូបភាព
អែលឌើរ ដេវីឌ អេ បែដណា

ការរៀនសូត្រដោយសេចក្ដីជំនឿតម្រូវឲ្យមានកិច្ចខិតខំខាងវិញ្ញាណ ខាងសតិអារម្មណ៍ និងខាងរូបកាយ ហើយពុំមែនគ្រាន់តែជាការទទួលភាពអកម្មនោះទេ ។ …

… សិស្សម្នាក់ត្រូវតែអនុវត្តសេចក្ដីជំនឿ ហើយធ្វើសកម្មភាព ដើម្បីទទួលបានចំណេះដឹងសម្រាប់ខ្លួនគេផ្ទាល់ ។ ( « Seek Learning by Faith » Ensign ខែ កញ្ញា ឆ្នាំ ២០០៧ ទំព័រ ៦៤ )

អ្នកអាចនឹងស្វែងរកឱកាសដើម្បីពង្រឹងដល់សិស្សនូវការសន្យារបស់ព្រះអម្ចាស់ថា អស់អ្នកដែលស្វែងរកការរៀនសូត្រខាងវិញ្ញាណដោយស្មោះនឹងទទួលបានវា ( សូមមើល ម៉ាថាយ ៧:៧; គោលលទ្ធិ និងសេចក្តីសញ្ញា ៤២:៦១; ៨៨:៦៣ ) ។

ឯកសារគ្រូបង្រៀន

នៅក្នុងបុព្វកថានៃឯកសារគ្រូសម្រាប់មេរៀននីមួយៗ អ្នកនឹងរកឃើញការពិពណ៌នានៃលទ្ធផលដែលអ្នកសិក្សាចង់បាន ។ សេចក្ដីផ្ដើមនេះបន្ដដោយគំនិតយោបល់សម្រាប់ការបង្រៀន ដែលផ្តល់ជាគម្រោងមេរៀន ការបង្រៀនចេញពីព្រះគម្ពីរ និងថ្នាក់ដឹកនាំ សាសនាចក្រ សេចក្តីពិតដែលត្រូវបញ្ជាក់ន័យ ជំនួយការពិភាក្សា ព្រមទាំងគំនិតអនុវត្ត ។

នៅពេលអ្នកសិក្សាឯកសារគ្រូបង្រៀន សូមយកចិត្តទុក្ខដាក់ទៅលើរបៀបដែលវាទាញយកមកពីការរៀបចំរបស់សិស្ស ។ ការពឹងផ្អែកទៅលើការរៀបចំរបស់សិស្សជាទៀងទាត់ នឹងជួយពួកគេឲ្យមានអារម្មណ៏ថាសំខាន់ ក្នុងការរៀបចំសម្រាប់គ្រប់ថ្នាក់ ។ ( ចំណាំ ៖ សូមចាំថា ប្រសិនបើអ្នកណែនាំមាតិកាបន្ថែមក្នុងអំឡុងពេលថ្នាក់រៀន នោះពេលវេលាដែលបានចំណាយធ្វើដូច្នេះអាចបង្អាក់សិស្សពីការចែកចាយអ្វីដែលពួកគេបានរៀន និងមានអារម្មណ៍នៅពេលពួកគេសិក្សាឯកសាររៀបចំនេះ ) ។

សំណួរដំបូងខាងក្រោមនេះចេញពី មេរៀនទី ៤ គឺជាឧទាហរណ៍មួយអំពីរបៀបដែលឯកសារគ្រូបង្រៀន ផ្តោតលើការរៀបចំរបស់សិស្ស ៖

រូបភាព

មេរៀនទី ៤ សំណួរដែលកាត់ចេញ

រូបភាព

រូបតំណាងការសញ្ជឹងគិត

ពិចារណាអំពីការរៀបចំដើម្បីបង្រៀនវគ្គសិក្សានេះ

ស្រដៀងគ្នាទៅនឹងអ្វីដែលសិស្សរបស់អ្នកនឹងធ្វើពីមុនថ្នាក់ចាប់ផ្តើមដែរ សូមចំណាយពេលដើម្បីពិចារណា នៅពេលអ្នករៀបចំខ្លួនបង្រៀនវគ្គសិក្សានេះ ។ ដំបូងសូមមើលមេរៀនមួយឬពីរ ដើម្បីឲ្យស្គាល់ពីឯកសាររៀបចំខ្លួនសម្រាប់ថ្នាក់ និងឯកសារគ្រូបង្រៀន ។ សូមកត់ចំណាំពីរបៀបដែលឯកសារទាំងនេះត្រូវបានរចនាឡើងដើម្បីប្រើប្រាស់រួមគ្នា នៅពេលអ្នករៀបចំខ្លួនបង្រៀន ។ បន្ទាប់មក សូមពិចារណាពីសំណួរដូចខាងក្រោមនេះ ៖

តើអាកប្បកិរិយា ឬវិធីសាស្រ្តអ្វីខ្លះដែលអ្នកអាចរើសយកដើម្បីប្រើប្រាស់ឯកសារទាំងនេះប្រកបដោយប្រសិទ្ធភាពជាមួយសិស្សរបស់អ្នក ?
តើរបៀបណាខ្លះដែលអ្នកអាចលើកទឹកចិត្តសិស្សឲ្យរៀបចំខ្លួនដើម្បីពួកគេអាចមានបទពិសោធន៍កាន់តែរឹងមាំនៅក្នុងថ្នាក់ ?
តើអ្នកអាចធ្វើដូចម្តេចដើម្បីរួមបញ្ចូលសិស្សដែលមិនបានសិក្សាឯកសាររៀបចំ ?

តើខ្ញុំអាចរៀបចំខ្លួនបង្រៀនឲ្យមានប្រសិទ្ធភាពដោយរបៀបណា ?

ព្រះវរបិតានឹងជួយអ្នក នៅពេលអ្នករៀបចំខ្លួនបង្រៀនបុត្រាបុត្រីរបស់ទ្រង់ ។ ការខិតខំរបស់អ្នកដើម្បីសិក្សាបទគម្ពីរ និងរស់នៅតាមដំណឹងល្អដោយឧស្សាហ៍ព្យាយាម នឹងជួយឲ្យអ្នកមានលក្ខណៈសម្បត្តិក្នុងការទទួលបានការណែនាំពីព្រះវិញ្ញាណ ( សូមមើល គោលលទ្ធិ និងសេចក្តីសញ្ញា ១១:២១ ) ។

អ្នកអាចឃើញថា វាអាចមានប្រយោជន៍ ពេលសួរសំណួរមួយ ឬច្រើនដូចខាងក្រោមនេះ កាលអ្នករៀបចំខ្លួនរៀន និងបង្រៀនដល់សិស្សរបស់អ្នក ៖

តើខ្ញុំបានអធិស្ឋានដើម្បីទទួលបានការដឹកនាំពីព្រះវិញ្ញាណបរិសុទ្ធ និងដើម្បីដឹងពីសេចក្តីត្រូវការរបស់សិស្សខ្ញុំដែរឬទេ ? តើខ្ញុំអាចដឹងថាអ្វីដែលអាចពាក់ព័ន្ធបំផុតចំពោះពួកគេដោយរបៀបណា ?
តើខ្ញុំមានអារម្មណ៏ថា មានគ្រឹះគ្រប់គ្រាន់នៅក្នុងព្រះគម្ពីរ ឯកសារការរៀបចំ និងឯកសារគ្រូបង្រៀនដែរឬទេ ? តើមានអ្វីខ្លះដែលខ្ញុំចាំបាច់ត្រូវកែសម្រួលដើម្បីបំពេញតាមតម្រូវការរបស់សិស្សខ្ញុំ ?
តើខ្ញុំអាចជួយសិស្សខ្ញុំឲ្យផ្ដោតលើព្រះអង្គសង្គ្រោះ ហើយរៀនសូត្រពីព្រះវិញ្ញាណបរិសុទ្ធនៅក្នុងមេរៀននេះដោយរបៀបណា ?
តើខ្ញុំអាចជួយដល់សិស្សម្នាក់ៗរបស់ខ្ញុំ ឲ្យចូលរួមចំណែកបានយ៉ាងពេញលេញដោយរបៀបណា ? តើខ្ញុំអាចធ្វើឲ្យប្រាកដថា ពួកគេមានពេលដែលពួកគេត្រូវការក្នុងអំឡុងថ្នាក់ ដើម្បីរៀបចំផែនការផ្ទាល់ខ្លួនក្នុងការអនុវត្តតាមអ្វីដែលពួកគេកំពុងរៀនដោយរបៀបណា ?
តើខ្ញុំអាចបង្កើតនូវបរិយាកាសរៀនសូត្រមួយដែលសិស្សមានអារម្មណ៍ថាមានតម្លៃ ត្រូវបានគេទទួលស្គាល់ និងមានសុវត្ថិភាពដើម្បីចែកចាយ និងរៀនពីគ្នាទៅវិញទៅមកដោយរបៀបណា ? ( សូមមើល គោលលទ្ធិ និង សេចក្ដីសញ្ញា ៨៨:៧៨, ១២២ ) ។

តើខ្ញុំអាចកែសម្រួលមេរៀនទាំងឡាយសម្រាប់សិស្សពិការដោយរបៀបណា ?

នៅពេលអ្នករៀបចំខ្លួនបង្រៀន សូមគិតដល់សិស្សដែលមានតម្រូវការពិសេសផងដែរ ។ សូមកែសម្រួលសកម្មភាព និងការរំពឹងទុកទាំងឡាយដើម្បីបញ្ចូលសិស្សទាំងនេះ ហើយជួយពួកគេឲ្យទទួលបានជោគជ័យ ។ សម្រាប់ព័ត៌មានបន្ថែម សូមប្រឹក្សាជាមួយនឹងធនធានទាំងឡាយ នៅលើទំព័រពិការភាព នៅគេហទំព័រ disabilities.ChurchofJesusChrist.org ។

តើអ្វីជាក្តីរំពឹងទុកពីសិស្ស ដើម្បីទទួលបានក្រេដីឌ ?

ដើម្បីទទួលបានក្រេដីឌដើម្បីបញ្ចប់ការសិក្សាថ្នាក់វិទ្យាស្ថាន សិស្សទាំងឡាយត្រូវតម្រូវឲ្យ

សិក្សាសម្ភាររៀបចំឲ្យបានយ៉ាងតិចណាស់ឲ្យបាន ៧៥ ភាគរយនៃមេរៀន
មានវត្តមានក្នុងថ្នាក់ ៧៥ ភាគរយ និង
បញ្ចប់បទពិសោធន៍រៀនសូត្រមួយដូចតទៅនេះ ៖ សរសេរសៀវភៅកំណត់ហេតុសិក្សាសរសេរចម្លើយចំពោះសំណួរអធិប្បាយទាំងបី ឬរៀបចំហើយបំពេញ គម្រោងរៀនសូត្រ ( ដោយមានការអនុមតិពីគ្រូបង្រៀន ) របស់ពួកគេដែលទាក់ទងទៅនឹងមាតិកានៃវគ្គសិក្សានេះ ឬកត់ត្រាចម្លើយចំពោះសំណួរ និងសកម្មភាពទាំងអស់នៅក្នុងឯកសាររៀបចំនេះ ។ ( ចំណាំ ៖ សិស្សមិនចាំបាច់ដាក់ជូនកំណត់ហេតុការសិក្សា ឬចម្លើយរបស់ពួកគេមកកាន់អ្នកនៅចុងបញ្ចប់នៃឆមាសទេ គឺពួកគេគ្រាន់តែត្រូវបង្ហាញអ្នកពីអ្វីដែលពួកគេបានបំពេញប៉ុណ្ណោះ ) ។ សូមស្វែងរកព័ត៌មានលម្អិតថែមទៀតនៅលើគេហទំព័រ បទពិសោធន៍នៃការលើកកម្ពស់ដល់ការរៀនសូត្រថ្នាក់វិទ្យាស្ថាន ។

រូបភាព

រូបតំណាងកំណត់ត្រា

កត់ត្រាគំនិតរបស់អ្នក

សូមពិចារណាអំពីប្រភេទនៃបទពិសោធន៏ដែលអ្នកសង្ឃឹមថាសិស្សរបស់អ្នកនឹងមាននៅក្នុងវគ្គសិក្សានេះ ។ សូមសរសេរគំនិតរបស់អ្នកពីរបី អំពីរបៀបដែលអ្នកមានផែនការជួយសិស្ស ឲ្យមានបទពិសោធន៍នៃការរៀនសូត្រដ៏មានអត្ថន័យ ។

ចង់បានបន្ថែមទៀតទេ ? ( ជម្រើស )

តើមានធនធានអ្វីផ្សេងទៀតដែលអាចជួយខ្ញុំឲ្យប្រែក្លាយជាគ្រូបង្រៀន ដែលព្រះអម្ចាស់សព្វព្រះទ័យដែរឬទេ ?

បន្ថែមពីលើការចូលរួមនៅក្នុងការប្រជុំបណ្ដុះបណ្ដាលគ្រូបង្រៀនជាមួយនឹងអ្នកសម្របសម្រួល ឬសាស្ត្រាចារ្យក្នុងមូលដ្ឋានរបស់អ្នក សូមពិចារណាមើលឡើងវិញនូវធនធានដូចខាងក្រោមនេះ ៖

សៀវភៅក្បួនខ្នាត ធនធានបំពាក់បំប៉នគ្រូបង្រៀនថ្មី អាចជួយអ្នកឲ្យយល់អំពីគោលបំណង និងទស្សនៈវិជ្ជានៃការបង្រៀនថ្នាក់សិក្ខាសាលា និងថ្នាក់វិទ្យាស្ថាន ក៏ដូចជាជួយអ្នកអនុវត្តជំនាញក្នុងការបង្រៀនផងដែរ ។
ធនធាន ការបង្រៀនតាមរបៀបរបស់ព្រះអង្គសង្គ្រោះ ចែកចាយនូវគោលការណ៍នានា ដើម្បីជួយដល់គ្រូបង្រៀនដំណឹងល្អ ឲ្យកាន់តែប្រែក្លាយដូចព្រះអង្គសង្គ្រោះ ។