“Mwakoro 7: Taan Kakoaua Aika Bati n Nori Buatua Aika Koora: 1829–1830,” Te Boki Wareware n Tuua ma Berita (2002), 31–33
“Mwakoro 7,” Te Boki Wareware n Tuua ma Berita, 31–33
Mwakoro 7
Taan Kakoaua Aika Bati n Nori Buatua Aika Koora
(1829–1830)
E a tia raoi rairan te “Book of Mormon” irouia Ioteba Timiti ma Oliver Cowdery. E tangiria aomata Iesu Kristo bwa a na wareware n te Book of Mormon. E tangiria bwa a na kakoaua Ioteba bwa e bon taekina te koaua are taekinan buatua ake koora bwa iai rabwataia ni koaua.
Ioteba Timiti bon ti ngaia ae e a tia n noori baatua aika koora. E a rineia riki teniman aomata Iesu bwa a nanori baatua ake koora. Aomata aikai a tuangaki bwa taan kakoaua. Nakai bon Martin Harris, Oliver Cowdery ma David Whitmer.
D&C 17:1
Ioteba e a kairia naka teniman aikai nako buakoniaki. A tataro. E roko te anera ma n kaoti taian buatua aika koora nakoia. Iesu e tuangia nakana teniman akanne bwa a na karaoi taekan kakoauan bwaai ake a tia ni bane n nori.
E rangi ni kukurei Ioteba Timiti. Taan kakoaua akana terniman akanne a na taekin taekan baatua aika koora nakoia aomata bwa a bon koaua. Aomata ngkai a nang kakoaua Ioteba bwa e bon taekina te koaua ibukin baatua akanne.
Iesu e tuanga Ioteba bwa e na manga kaoti riki baatua akanne nakoia waniman riki bwa taan kakoaua. Aomata akana waniman akanne a taau baatua aika koora inanon baia. A noori taian koroboki i aon taian baatua.
Taan kakoaua ni kabane a korei rongorongo ibukin taekan baatua aika koora. A taekinna bwa bon noori baatua akanne. A taku bwa baatua aika koora boni iai ni koaua. Aia taeka taan kakoaua a koreaki inanon te “Book of Mormon”. Aia koaua tan kakoaua ake Teniman. Booki ni Moomon: Aia koaua Taan Kakoaua ake Naniman.
Ioteba Timiti e a tia raoi ana raitaeka n taian baatua. Taan kakoaua a tia noori. E aki manga tangiri taian baatua aika koora Ioteba. Te Anera are Moroni e roko ni kawaria Ioteba. Ioteba e a kaoki baatua aika koora nakon Moroni.
Ngkai e a tauraoi te Book of Mormon nakon te boretiaki. E a uotia Ioteba nakon te tia boreti. Bon akea ana mwane are e na kaboa iai te boreti. E rangi ni mwaiti ana mwane Martin Harris. E taku Iesu bwa Martin Harris e kona n anga mwane bwa bon te tia booreti.
Tatan e aki tangira boretian te Book of Mormon. E aki tangiria aomata bwa a na wareware iai. Aomata aika bubuaka a kataia n tuka te tia booreti.
Te tia booreti e aki karaoa ana mwakuri n te Tabati. Temanna mai buakoia naake a buakaka e a nako n te auti n booreti n Tabati nako. E iraei tabeua baan te Book of Mormon. E karini baana tabeua inanon te nutibeba. Aomata aika raraoi a tuukia bwa a na aki manga oki n iraei baan te boki.
Ioane e tangiria aomata bwa ana wareware n te Book of Mormon. Aomata aika bubuaka aki kona n tuka ana mwakuri Iesu. Aomata aika bubuaka aki kona n tuka te booreti bwa e naaki karaoaki. N tokina e a tia raoi booreti an te Book of Mormon. Ngkai a mwaiti aika kona ni warekia. A kona n reireiaki man ana reirei ni koaua Iesu Kristo.