“Mwakoro 17: Te Moan Ebikebo n te Ekaretia: Beberuare 1831,” Te Boki Wareware n Tuua ma Berita (2002), 64–66
“Mwakoro 17,” Te Boki Wareware n Tuua ma Berita, 64–66
Mwakoro 17
Te Moan Ebikebo n te Ekaretia
(Beberuare 1831)
Iai tabeman aomata aika bubuaka aika maeka i New York. A karaoi aroia n riribai nakoia kain te Ekaretia ao a tangiria bwa a na nako. Iesu e tuanga Ioteba Timiti bwa a na kitana New York ao nako Kirtland i Ohio.
Ioteba Timiti buna ae Emma, Sidney Rigdon, ma Edward Partridge a nako Kirtoand. Ioteba ma Emma a maeka ma temanna kain te Ekaretia. Arana bon Newell K. Whitney.
Ai 1,000 kain te Ekaretia i Kirtland. A rangi ni kataia n ongeaba nakon te Atua. Ma a bon aki kona n ota ni kabane n te reirei ae koaua.
D&C 41 :Preface
E tataro Ioteba Timiti nakon Tamara Are Karawa. Iesu e angan Ioteba te kaotioti. E taku Iesu nakon Ioteba bwa Taan Itiaki i Kirtland a kainnanoa te Ebikebo. Te ebikebo e riai ni kamanen ana tai n reirei ao ma ni buokia Taan Itiaki. Te moan ebikebo n te aro bon Edward Partridge.
Iesu e tuanga Ioteba bwa tera aron te ebikebo n te Ekaretia. Ana mwakuri te ebikebo bwa e na tararua te auti ni kawakin bwai. Taan Itiaki a na katikui inanona amwarake kunikai ma inanon te auti ni bwai. Ngkana iai temanna kain te Aro ae kainnanoa te amwarake ke te kunnikai, te ebikebo e na anganna te bwai are e kainnanoia.
Te ebikebo e na kawakina mwanen te Ekaretia. Taan Itiaki a na anga te mwane nakon te ebikebo. Te ebikebo e na kakabwakai bwa kamwanen te Aro ni kabane. E riai n anga mwaane tabeua nakoia kain te Aro aika kainnano ma ni kananoanga.
Te ebikebo e riai n tangiria Taan Itiaki, e riai ni kataia ni buokia. E riai ni bobotaki ma te koraki ake a tia n anganaki nakoa n ibonga. A riai ni maroroakina aron taekan ae a karaoia ni buokia Taan Itiaki.
A mwaiti aomata aika kama te Ekaretia. Te Ekaretia e kainnanoia ebikebo aika mwaiti riki. Te kaniman ebikebo bon Newell K. Whitney n te Ekaretia.
Te ebikebo bon aia mataniwi Taan Itiaki n te mwakoro teuana. Te beretitenti ni magan te mwakoro n tabo teuana bon kan ti te aekana nakoana ma te ebikebo. Te beretitenti ni mwangan te mwakoro n tabo teuana bon aia mataniwi Taan Itiaki n mwangan te mwakoro n tabo anne.
Ni boong aikai iai te ngaa tebun maitia ebikebo n te Ekaretia.