“Mwakoro 15: Te Mwakuri ni Mitinare Nakoia Lamanites: Tebetemba 1830,” Te Boki Wareware n Tuua ma Berita (2002), 58–60
“Mwakoro 15,” Te Boki Wareware n Tuua ma Berita, 58–60
Mwakoro 15
Te Mwakuri ni Mitinare Nakoia Lamanites
(Tebetemba 1830)
Iesu e tangiria aomata aika mwaiti riki bwa a na ongo taekan te reirei ae koaua. E tangiria tabeman Taan Itiaki bwa a na karaoa te mwakuri n mitinare. E tuanga Oliver Cowdery bwa e na nako ni karaoa ana mwakuri ni mitinare nakoia taian Inria.
Inria aikai atongaki bwa taian Lamanites n te Book of Mormon. Iesu e tangiria taian Lamanites bwa a na wareware n te Book of Mormon. E a tia ni berita nakoia burabeti aika bati bwa a na karekea te Book of Mormon. Bon aei te tai are e kawakinaki iai te berita anne.
Te Book of Mormon e na tuangia Lamanites taekaia aia bakatibu ake a tia ni maiu 2,000 te ririki n nako. E na bon tuangia taian Lamanites taekan berita ake e a tia ni karaoi Iesu ibukia. E na bon buokia bwa a na kakoaua Iesu ma te reirei ae koaua. E na reireia bwa a na rairi nanoia ao ma n bwabetitoaki.
Tabeman aomata a tangiria n ira Oliver Cowdery. A tangiria n tataekina te reirei ae koaua nakoia taian Lamanites. A tangiria n angania taian Lamanites te Book of Mormon. E taku te uea bwa ti teniman aomata aika riai n nako.
Te moan bwai are a karaoia mitinare a nako ni kawaria moa tabeman Inria n te kawa ae New York. A kunea bwa ti tabeman Inria ake a kona ni wareware. Mitinare ngkanne angania te Book of Mormon.
Imwina mitinare a manga nako n tataekina te reirei ae koaua nakoia tabeman Inria i Ohio. A kukurei Inria n ongoro taekan te Book of Mormon. A kukurei n atai taekaia aia bakatibu.
Mitinare a kitana Ohio. A manga nako n te kawa ae bubura ae arana Independence i Jackson County, Missouri. A bon rangi ni mwaiti Inria n te tabo ae Missouri.
Mitinare a tataekina te reirei ae koaua nakoia angania Inria te Book of Mormon. E karika te kukurei nakoia Inria. A kaitauia mitinare ibukin te Book of Mormon.
Tabeman aomata i Missouri aki kakoaua te reirei. A aki kakoaua te Book of Mormon. A tuangia mitinare bwa riai n aki manga kawaria Inria.
A taku aomata bwa a riai tautia ni kakioia nako mitinare ngkana aki nako. A rotaki n te nanokawaki mitinare ngke a ongo te rongorongo.
Temanna ma ibuakoia mitinare ae arana Parley P. Pratt e taekinna bwa e rangi n nako raoi aia mwakuri n mitinare. A tia n reirei taekan te reirei ae koaua nakoia aomata aika mwaiti.