“Mwakoro 55: Kakiriwe a Rikirake ni Maiti Nakoia Kain te Aro: 1843–1844,” Te Boki Wareware n Tuua ma Berita (2002), 199–200
“Mwakoro 55,” Te Boki Wareware n Tuua ma Berita, 199–200
Mwakoro 55
Kakiriwe a Rikirake ni Maiti Nakoia Kain te Aro
(1843–1844)
Mwaitia aomata aika maeka ni kaan ma Nauvoo tiaki Kain te Aro. Maitia a ribaia Kain te Aro. A aki tangiria Kain te Aro bwa a na riki bwa taan kairiri n te kawa. A karaoi kakiriwe nakoia Kain te Aro.
A ikotaki aomata aikai ma ni karaoi mwakuri aika buakaka. A kimoai aia man Kain te Aro. A kaurarakei auti aika nnen aia man ma aia bwai nako-ao aia auti. A kataia ni kanakoia Kain te Aro mai Nauvoo. Bureitiman ma tautia a aki kona n totokoia aomata aika buakaka aikai. Te kowana e aki kona ni buokia aomata aikai.
E a tia n tuanga Kain te Aro Ioteba Timiti bwa e na reke te kakiriwe nakoia. A bon koro bukin ake e a tia n taekin Ioteba Timiti nakoia. E ataia Ioteba a riai Kain te Aro ni kitana Nauvoo. A riai n nako n te tabo teuana ae akea iai te aomata ae e kona ni manga aki karauia.
E a karaoa ana botaki Ioteba Timiti ma Kain te Aro. E a tuangia bwa a na kakaea te tabo are a kona Kain te Aro n nako ni maeka iai.
E a tara te mwabe Ioteba Timiti. N te mwabe e a kaota te tabo teuana ae iai maunga aika ririeta iai ma taabo aika aorai imarenaia. A maeka n taabo aikai taian Inria. E ataia Ioteba bwa taabo aikai a raoiroi ni maekanaki irouia Kain te Aro. A aki kona aomata aika buakaka n kakiriweia iai. E kantaningaia Ioteba bwa Kain te Aro a na kan nako iai maeka.
Aomata tabeman i Nauvoo a tia n riki bwa Kain te Aro. Ma aikoa kan manga kakoaua te euangkerio. A riba Ioteba Timiti. A tangiria ni kamatea. A korei rongorongo aika buakaka ae taekan Ioteba Timiti.
Mataniwi n te kawa ae Nauvoo a rangi n un n rongorongon te nutibeba. Tabeman mai ibuakoia a nako n te auti ni karao nutibeba. A kabueki nutibeba. A uruaki taian mi tin n boreti. E aki kona ni manga boretiaki te nutibeba.