“Mwakoro 1: Ioteba Timiti ma ana Utu: 1805–1820,” Te Boki Wareware n Tuua ma Berita (2002), 6–8
“Mwakoro 1,” Te Boki Wareware n Tuua ma Berita, 6–8
Mwakoro 1
Ioteba Timiti ma ana Utu
(1805–1820)
E bungiaki Ioteba Timiti n 23 Ritemba 1805 ao a maeka ana utu n te tabo ae Vermont, U.S.A. Aran taman Ioteba Timiti bon Ioteba naba ao tinana arana Ruti.
Iai onoman tarin Ioteba ao teniman mwanena. Temanna tarina e mate ngke te tei.
Taman Ioteba ma Tinana bon aomata aika raraoi ao ma n tatangiria natia. A rang ni mwamwakuri ao ma n tararuai natai raoi.
Ngke te tei Ioteba Timiti ao iai aorakin waena ae kakaiaki ao a kataia taokita ni kakaea bukin aorakin waena ma aaki kona.
Iram Timiti bon tarin Ioteba ae ikawai nakoina ao e rang n tatangira Ioteba. E rangi n nanokawaki ibukin marakin waen Ioteba ao man te tekateka irarikin ana kainiwene ao ma n buokia n aorakina.
A tangiria taokita bwa a na korea waen Ioteba Timiti ni kakabua ma e aki kariaia tinana. Ibukin anne ao a ti katautaua bwa a na ti korea riin waena. E ataia Ioteba bwa e na aki maraki waena ngkana a koreia taokita ibukina bwa iai ana onimaki iroun Tamana are i Karawa ao ma n ataia bwa e na bon buokia naba.
E tuangaki Ioteba irouia taokita bwa e na moi n teutana te wain bwa e aonga n akea te maraki ni waena ngkana e koreaki ma e rawa iai. E a tuanga tinana bwa e na otinako bwa e aki tangiria bwa na noria taokita ngkana a korea waena.
E a tuanga tamana Ioteba bwa e na taua ngke a korea waena taokita. A koreaanako mwakoron riin waena ake a bubuaka ao e bon rangi n rotaki n te maraki ma e bon rangi n ninikoria ao imwin tabeua te bong ao akea bwa e a raoiroi waena.
Ngke a ikawai riki Ioteba ao a manga raai nako ana utu nakon te tabo ae New York ike a maeka iai n te auti te kai n te on aroka irarikin te tabo ae Palmyra.
A bon aki kaubwai ana utu Ioteba ao a mwakuri korakora ibukin boon aia on aroka nati mwane a buoka tamaia n ununiki taian kai, ao a tararuai taian man ao naati aine a buoka tinaia.
Ioteba Timiti – Karaki 1:46
Ioteba bon te teinimwane ae raoiroi ao ma n kukukurei. E kan ngangare ao ma n takakaro.
Ioteba Timiti – Karaki 1:28