Scripture Stories

Mwakoro 40: Kaotioti Nte Tembora Kirtland: Eberi 1836

“Mwakoro 40: Kaotioti Nte Tembora Kirtland: Eberi 1836,” Te Boki Wareware n Tuua ma Berita (2002), 155–57

“Mwakoro 40,” Te Boki Wareware n Tuua ma Berita, 155–57

Mwakoro 40

Kaotioti Nte Tembora Kirtland

(Eberi 1836)

Ni bakan taain te tabati teuana, ao a botaki Kain te Aro n te tembora are Kirtland. Ao Abotoro n te tai anne a bon katabua te uea. Ioteba Timiti ao ana kauntira a bon tibatiba te uea nakoia Kain te Aro.

Imina Ioteba Timiti ao Oliver Cowdery amananga nakon te tabo are te tembora n tingaia noman. A katorobubua ao maan tataro. Imin aia tataro, ao bon iai te bae e kamimi ae e riki. A nora te Uea ae Iesu Kristo. Maatana e kiakia kanga airon te aai. Irana e mainaina kanga te tino. Moana e kiakia kanga airon taai.

Iesu e a tuangia Ioteba ma Oliver bwaai aika bati aika rangi n tamaroa. E taku bwa bon te Tia Kamaiu. E bon mate ibukia. E a tia ni manga kautaki. F taekinia aomata ake a tia ni katea te tembora ao e taku bwa a rial ni kukurei. E taku Iesu bwa e rangi ni kukurei n te tembora anne. Bon ana auti ae mimitong. E taku Iesu bwa e na roroko n te tembora ni mwaitin te tai. E na bon taetae ma Kain te Aro. Ma ngkana aaki kateimatoa mimitongin te tembora Kain te Aro, e na bon aki roko.

Imwina Ioteba ma Oliver a noria anera inanon Temboran Kirtland. I mwaina a bon nora moa Mote. Mote bon te burabeti are maiu n taai ake rimoa. E kairia tibun Iteraera man kaotinakoia mai i Aikubita. Rongorongon Mote are n te O Tetemanti ao n te Bwaeao ae Moan Te Mwaiti Boona. Mote e angania Ioteba ma Oliver te mwaka ae kaokoro n te nakoa n ibonga nakoia. Are a kona iai ni buokia Iteraera bwa a na roko n ikotaki man taabo nako n te aonnaba.

Imwina Ioteba ma Oliver a nora Eria. Eria e uota te mwaka n nakoa n ibonga mai roun Aberam nakon Ana Ekaretia Iesu Kristo. Aberam e maeka n taai ake rimoa. Te Atua e kakabwaia Aberam. E angan Aberam mwakan te nakoa n ibonga tabeua aika kaokoro. E na teimatoa te mwaka nakoia ana utu Aberam te nakoa n ibonga n taai nako. Kain te Aro aika karaoi mwakuri aika raraoi a na riki bwa kain ana utu Abera.

Imwina Ioteba ma Oliver a nora Eritai. Eritai bon te burabeti are maiu n taai ake rimoa. E taku Eritai bwa a riai aomata n ataia taekaia aia bakatibu. A riai aomata ni karaoi mwakuri n te tembora ibukia aia bakatibu. E anga te mwaka ae kaokoro n te nakoa n ibonga Eritai nakon Ioteba ma Oliver. Te nakoa n ibonga ni mwaakana e a buokia aika karaoa ae raoiroi. A kona ni kabaeaki imarenaia. A kona ni ikotaki ni maiu n aki toki.