“Mwakoro 57: Mataniwin te Aro ae Bou: Turai–Aokati 1844,” Te Boki Wareware n Tuua ma Berita (2002), 206–8
“Mwakoro 57,” Te Boki Wareware n Tuua ma Berita, 206–8
Mwakoro 57
Mataniwin te Aro ae Bou
(Turai–Aokati 1844)
Te Burabeti ae Ioteba Timiti e a mate. Te Akaretia e tuai e reke ana Beretitenti. Kain te Aro a aki ataia bwa antai ae na riki bwa aia mataniwi.
Mwaitia Abotoro a nako n taabo aika raroa ni karaoi aia mwakuri ni mitinare.
Teuare Sidney Rigdon e a bon tia n riki bwa ana tia babaire Ioteba Timiti. Ma e a tia n aki kan ongeaba nakon te Uea. E a tia n mwananga nako mai Nauvoo.
Sidney Rigdon e ongo bwa e a tia ni mate te Burabeti. E a oki nako Nauvoo. E tangin‘a n riki bwa te mataniwi n te Ekaretia.
Brigham Young ma Abotoro ake tabeman a oki man aia mwakuri ni mitinare. Brigham Young bon mataniwia Abotoro. E taku bwa taian Abotoro a ria ni kaira te Aro ni karokoa e a tia n rineaki te Beretitenti ae bou.
A karaoa aia botaki Kain te Aro. E a taetae nakoia Sidney Rigdon. E taku nakoia bwa e riai n riki bwa mataniwin te Ekaretia.
Imwina e a taetae Brigham Young. E taku bwa Abotoro a riai ni kaira te Ekaretia. E mena ce Tamnei Ae Raoiroi irouna. Bwanaan Brigham Young kanga ti tebo ma bannan Ioteba Timiti. Inanon tabeua te miniti e taraki n ai aron Ioteba Timiti. Ataia aomata bwa Abotoro bon taah kaira te Ekaretia. E a rang n un Sidney Rigdon. E a oki rikaki nakon mwengana. E a kateirakea ana aro i bon irouna. E aikoa kan riki bwa Kain Ana Ekaretia Iesu Kristo Ibukia Aika Itiaki Ni Boong Aika Kaitira.