“Mwakoro 49: Kain te Aro i Nauvoo: Tianuare–Turai 1841,” Te Boki Wareware n Tuua ma Berita (2002), 183–84
“Mwakoro 49,” Te Boki Wareware n Tuua ma Berita, 183–84
Mwakoro 49
Kain te Aro i Nauvoo
(Tianuare–Turai 1841)
L2oteba Timiti ma Kain te Aro aika mwaiti a maeka i Nauvoo. Iesu e angan loteba kaotioti tabeua aika kakawaki. E taku Iesu bwa e kukurei ni mwakuri ake e a tia loteba ni karaoi. E taku Iesu bwa a riai uea ma mataniwin aaba nako n te aonnaba ni kaongoaki taekan te reirei ae koaua.
E taku Iesu bwa riai Kain te Aro ni katea te Tembora i Nauvoo. E tangiria Kain te Aro bwa a na anga taian koora ma tirewa ibukin te tembora. A riai ni uoti aekan kaai nako aika tikiraoi ibukin te tembora.
E taku Iesu bwa e na roko n te tembora. E na anga taian kaotioti ae taekan ana aro ma te nakoa n ibonga.
E tuangaki Ioteba iroun Iesu bwa Kain te Aro a ria ni bwatebitoaki ibukia aomata ake a tia naba. E taku bwa e riai ni karaoki te tabo ni bwabetito i moa inanon te tembora. A kona ni bwabetitoaki ibukia maate are i moa.
Iesu e taku bwa e tangira tarin Ioteba are Hyrum. E na riai Hyrum bwa te Tia Tataekina te Euangkerio n te Ekaretia. E na kona n anga taeka ni kakabwaia tabeua nakoia Kain te Aro.
N te bong teuana te Uea e angan Ioteba te kaotioti are taekan Brigham Young. E taku Iesu bwa e tangira Brigham Young. E ataia bwa e a tia ni mwakuri korakora Brigham ibukin te Aro. E a tia ni kitana mwengana inanon taai aika bati ni karaoa ana mwakuri n mitinare aika mwaiti. E a tia ni kitania ana utu inanon taai aika mwaiti.
E taku te Uea bwa e a riai Brigham Young n tiku ma ana utu. E a bon riai moa n tararuaia raoi.