“Mwakoro 9: Ana aro ni Koaua Iesu Kristo: 6 Eberi 1830,” Te Boki Wareware n Tuua ma Berita (2002), 40–42
“Mwakoro 9,” Te Boki Wareware n Tuua ma Berita, 40–42
Mwakoro 9
Ana aro ni Koaua Iesu Kristo
(6 Eberi 1830)
E maeka Ioteba Timiti n te kawa ae arana Fayette. Fayette e mena n te kawa ae New York. E a tuangaki Ioteba iroun Iesu Kristo bwa e nang roko te tai are e nang manga roko n te aonnaba ana Ekaretia ni koaua. E tuangaki Ioteba iroun Iesu bwa e nang moana katean ana Aro.
E ongeaba Ioteba Timiti. N 6 n Eberi, 1830, e a tewea ana botaki. Niman mwane ake a roko bwa kain ana botaki bwa a na buoka Ioteba ni kateakin te Aro. Mwaane akanne bon Oliver Cowdery, Hyrum Smith, Samuel Smith, David Whitmer, ao Peter Whitmer. A tia ni bane ni bwabetitoaki. Aomata ake tabeman a bon roko bwa taan mataku n te botaki anne.
Mwaane aika mwaiti a tataro nakon Tamara are i Karawa. Ioteba e a katabua Oliver bwa mataikawai te Aro. Imwina Oliver e a manga katabua Ioteba.
Ioteba ma Oliver a kakabwaia rabwatan te uea. Angania mwaane.
Ioteba ma Oliver a katokai baaia i aon atuia mwaane n tatabemania nako. A kamatoaia mwaane bwa kain ana Aro Iesu Kristo. Angania mwaane akanne te bwai n tituaraoi mai roun te Tamnei Are Raoiroi. A karabwa te Atua.
Iai naba aomata tabeman ake a roko naba n tain karaoan aia botaki. Ioteba ma Oliver a katabuia tabeman mwaane. E angania te nakoa n ibonga. Mwaane ake a tia ni katabuaki a bon rangi ni kukurei. A taku bwa a tangira te Atua. A kaota aron kakabwaia a akea tia n reke nakoia.
Iesu e anga te kaotioti nakon Ioteba Timiti n tain te botaki. Iesu e taku bwa Ioteba bon te burabeti, ngkana e taetae mairoun Iesu. Kain te Aro a riai n ongeaba nakoina.
Imwin te botaki are karaoaki a mwaiti aomata ake a bwabetitoaki. Ioteba Timiti ma tamana a bwabetitoaki. N 6 n Eberi bon te bong ae moan baan te tamaroa. Ana Aro Iesu ni koaua e a manga roko nakon te aonnaba.