“Mwakoro 25: Ioteba Timiti ma Sidney Rigdon a Mwananga ni Karaoa te Mwakuri n Mitinare: Ritemba 1831–Tianuare 1832,” Te Boki Wareware n Tuua ma Berita (2002), 96
“Mwakoro 25,” Te Boki Wareware n Tuua ma Berita, 96
Mwakoro 25
Ioteba Timiti ma Sidney Rigdon a Mwananga ni Karaoa te Mwakuri n Mitinare
(Ritemba 1831–Tianuare 1832)
Tabeman aomata a riba ana Ekaretia Iesu Kristo. A taekin rongorongo aika kairua ibukina. Tabeua rongorongo a koreaki ma n boretiaki n nutibeba. Iesu e tuangia Ioteba ma Sidney Rigdon bwa a na nako ni karaoa aia mwakuri ni mitinare ni kawa ake tabeua. A kona n tuangia aomata te koaua ibukin taekan te Aro.
Ioteba ma Sidney a ongeaba nakon Iesu. A kitan mwengaia. A nako nako kawa aika bubura tabeua. Ioteba ma Sidney a taetae inanon tain aia bobotaki nako. A reireia naba aomata ni mwengaia.
Ioteba ma Sidney a tuangia aomata taekan te Atua ma ana tua ni kabane. A kaoti naba ana koaua ibukin Iesu Kristo. A tuangia aomata bwa a na rairi nanoia. Ioteba ma Sidney e a bane aia mwakuri ni mitinare. A okira mwengaia ma n ikotaki ma aia utu.