“Mwakoro 23: Taian Tua ma Berita: Aokati–Nobemba 1831,” Te Boki Wareware n Tuua ma Berita (2002), 90–92
“Mwakoro 23,” Te Boki Wareware n Tuua ma Berita, 90–92
Mwakoro 23
Taian Tua ma Berita
(Aokati–Nobemba 1831)
Ioteba Timiti ma tabeman kain te Aro tabeman a kitana Missouri. A manga oki nako Kirtland, Ohio. Kain te Aro a karaoa aia kabowi n te kawa ae Ohio.
Te Uea e a tia n angan Ioteba Timiti taian kaotioti aika bati e a kaman korei n te boki taian kaotioti. Kain te Aro a tangiri taian kaotioti bwa a na karinaki inanon te boki. E na aranaki te boki bwa te Boki ibukin Tua ni Kabane. Rimwi e aranaki bwa Taian Tua ma Berita.
Iesu e tuanga Ioteba bwa arangi ni kakawaki taian kaotioti ni kabane. A karekeaki mai roun te Atua. Bwaai ni kabane inanoia a bane ni koaua. Iesu e a manga angan Ioteba riki uoua taian kaotioti. Te kaotioti are teuana bon aron moanakin Taian Tua ma Berita are teuana bon kabaneana. Are e a kaotaki iai bwa e rangi ni bongana te boki ae Taian Tua ma Berita ibukira.
N Taian Tua ma Berita e a tuangia aomata ni kabane bwa a na Ekaretia Iesu Kristo e boni koaua ao e manga roko ngkai n te aonnaba.
Taian Tua ma Berita a kaota aron te nakoa n ibonga. Aomata aika raraoi ni kabane a manga anganaki te mwaka n nakoa n ibonga.
Taian Tua ma Berita a taekina taekan te Book of Mormon. Aomata a kona ni wareware n te Book of Mormon. Aomata ni kabane a kona n ata taekan ana reirei ni koaua Iesu Kristo.
Taian Tua ma Berita a bon reireia naba aroia Taan Itiaki bwa a na ibuoka ni bwai. Taan Itiaki aika ibuoka ni bwai a na bon kaonaki n te Tamnei Ae Raoiroi.
Taian Tua ma Berita a reiakina ana tua ni kabane te Atua. Taan Itiaki ake a ongeaba nakon tua aikai a kona ni katea Tion. A kona ni maeka ma Tamara Are I Karawa ao Iesu Kristo n aki toki.
E taku Iesu bwa kain te Aro ni kabane a riai ni wareware n Taian Tua ma Berita.
Imwin te kabowi Oliver Cowdery e a nako Missouri. E uoti taian kaotioti ake e a tia ni korei Ioteba. E angan te tia boreti bwa e na boreti. E tuanga te tia boreti bwa e na karaoi 3,000 te boki ma aomata aika buakaka katoka boretiana ao a urui mwaitin baan te boki.
Taan Itiaki a karabwa Tamara Are I Karawa ibukin taian kaotioti inanon Taian Tua ma Berita. A berita bwa a na manga tuangia aomata riki tabeman bwa kaotioti ni kabane bon mai roun te Atua.