“Mwakoro 51: Te Botaki n Itoman n Ibuobuoki: Maati 1842,” Te Boki Wareware n Tuua ma Berita (2002), 186–89
“Mwakoro 51,” Te Boki Wareware n Tuua ma Berita, 186–89
Mwakoro 51
Te Botaki n Itoman n Ibuobuoki
(Maati 1842)
Kain te Aro i Nauvoo a karaoa te tembora. Aia kunnikai mwaane a moanna n raeraeaki. Aine a tangiria ni buokia. E taku te aine temanna bwa e kan karaoi aia kunnikai mwaane. Ma bon akea ana mwane are na kaboa iai te kunnikai.
E taku Sarah M. Kimball e kona n angania aine tabeua kunnikai. Sister Kimball e a butia aine bwa a na buokia. A karaoa aia botaki aine ni mwengan Sister Kimball. A iangoia bwa a na karekea aia botaki n aine inanon te Aro.
Aine a butia Eliza R. Snow bwa e na koroi tabeua tuan aia botaki. E a uoti tuua akanne nakon Ioteba Timiti. E taku Ioteba Timiti bwa a rangi n raoiroi taian tua. Ma e taku bwa bon iai ana iango te Uea aika e a tia n katauraoia aika raraoi ibukia aine.
E a tuangia aine Ioteba Timiti bwa a na roko nakon aia botaki are e na karaoaki n 17 Maati 1842. E taku bwa taan kairiri aika iai te nakoa n ibonga irouia a na kona ni buokia aine ma aia botaki. Tengaun ma waniman aine aika roko n tain karaoan te botaki. E rineaki Emma Timiti bwa e na mataniwi irouia aine. A arana aia botaki bwa Te Botaki N Itoman N Ibaobuoki.
A tuangaki aine iroun Ioteba Timiti bwa a riai ni buokia aomata aika aoraki ma n kainano ao ni kananoanga. A riai ni buokia aomata nako aika tangira buokaia. Te ebikebo e na buokia aine n aron are a na ataia ni karaoia.
A ikoikotaki aine n reiakini bwaai ake a riai n atai. A rangi n kukurei bwa a kona ni buokia Kain te Aro.
Aine a karaoi bwaai ibukin te tembora. A karaoi kunnikaia mwaane ake a karaoa te tembora.
Aine a uoti amwarake nakoia ake a kainnanoa te amwarake. A kawakinia aomata aika aoraki. A karaoi bwaai aika bati ni buokia Taan Itiaki.
Aine aika Kain te Aro a kona n nako Te Botaki n Itoman n Ibuobuoki. A buokia aomata. A reirei taekan te reirei ae koaua. A reirei taekaia aomata n aaba tabeua. A reirei taekan booki aika raraoi, a anene manikorobanna. A reirei naba aron karaoan raoi aron te mwenga bwa aonga n rangi n raoiroi mwengaia.