“Mwakoro 8: Te Katauraoi Nakon ana Ekaretia Iesu Kristo: Maati–Eberi 1830,” Te Boki Wareware n Tuua ma Berita (2002), 34–39
“Mwakoro 8,” Te Boki Wareware n Tuua ma Berita, 34–39
Mwakoro 8
Te Katauraoi Nakon ana Ekaretia Iesu Kristo
(Maati–Eberi 1830)
E a bon kaan te tai are e nang roko n te aonnaba te Aro ae koaua ae Ana Ekaretia Iesu Kristo. E anga Iesu taian kaotioti nakon Ioteba Timiti ibuk a aomata. E tangiria aomata .Iesu bwa a na tauraoi imwain ana aro. E tuangia bwaai ni kabane aika riai n atai imwain moan ana aro. E a tuangia riki taian reirei aika koaua.
E taku Iesu bwa te Book of Mormon e bon anga ana reirei ae koaua. E taku bwa te Book of Mormon e boni koaua. E tangiria aomata Iesu bwa a na kakoaua te Book of Mormon. E kona ni buokia bwa a na ongeaba nakon te Atua.
E taekina aron maiuna Iesu. Te Atua e kanakoa Iesu bwa e na buokia aomata n te aonnaba. Tatan e kataia n karaoia bwa e na karaoi bwaai aika bubuaka ni kabane. Ma Iesu e bon aki kona n ongo iroun Tatan.
E rawawata nanon Iesu ibukia aomata ngkai a karaoi mwakuri aika buakaka. E wawanako rarana ma n kamarakaki ibukia aomata ni kabane. A na bon aki kammarakaki aomata ngkana a rairi nanoia.
Aomata aika buakaka a katinea Iesu i aon te kaibangaki ao ma n kamatea.
Raoraon Iesu a taunna n te rua ni mate.
Imwin teniua te bong e a manga kautaki. E a oki nakon te maiu.
E karaoi bwaai aikai ni kabane Iesu bwa aonga ni buokaki aomata ni kabane ake a rairi nanoia. E mate bwa aonga ni buokaki aomata ake iai te onimaki irouia ao a bwabetitoaki. A na aki anganaki te rekenikai. A kona n nako Karawa aomata ake aki rairi nanoia ana anganaki te rekenikai.
E a tia Iesu n taetae ibukin te bwabetito. Aomata ake a tangiria ni bwabetitoaki a na rairi nanoia. A riai n tangiria ma n ongeaba nakon Iesu Kristo. A na riai ni koro mwaitin aia ririki ni maiu aika waniua ke n ikawai riki. Ngkanne a kona ni bwabetitoaki ao ma ni kona n riki bwa kain te Aro.
E a tia n anga te reirei ae koaua Iesu n aron te bwabetito. Te ibonga n te nakoa n ibonga ae te Aaron ke te mwane ae iai irouna te nakoa n ibonga ae te Merekitereka a kona ni karaoa te bwabetitp. Te aomata are iai irouna te nako n ibonga aei e na kaira te aomata nakon nanon te ran. E na taekina te tataro ake ae ti katauaki ibukin te mwakuri aei.
Te aomata ae iai irouna te nakoa n ibonga aei e na taua te aomata ni kateboa nako inanon te ran. Imwina e na manga kaotia rake te aomata ma inanon te ran.
E taku Iesu bwa aomata a riai ni berita, bwa a na ongeaba irouna ngkana a tia ni bwabetitoaki. A riai n taekin bwaai aika raraoi ao ma n karaoi bwaai aika raraoi ni kabane.
Iesu e taekina aron kakabwaiaia ataei. Mwaane aika a tia n anganaki te Nakoa N Ibonga ae te Merekitereka a kona ni kakabwaiaia ataei. Mwaane akanne a na anaia ataei ma n tobwaia ni manokan baia. Temanna e na katoka aran te tei ao ma n anga te taeka ni kakabwaia.
E tua Iesu aron katabuan rabwatan te uea. E tuangia aomata bwa riai ni karaoa kanakin rabatan te uea n taai nako. Ngkana ti a tia ni karaoa ae buakaka ti riai n aki kana ke n nima rabwatan te uea. Ti riai n raraoma. Ngkanne ti a kona n anai rabwatan te uea.
D&C 20:75; 46:4
Ti kana ma n nima rabwatan te uea bwa ti na ururinga iai Iesu. Te berena e na buokira ni kauringa rabwatan Iesu Kristo. Ti uringa iai bwa e a tia ni mate ibukira i aon te kaibangaki.
Te ran e buokira ni kauringa raran Iesu. Ti uringa bwa e a tia ni kawawaeaki rarana ibukira man kammarakaki n te Nne n Aroka Are i Keketemane.
Ti karaoa ara berita ngkana ti kana rabwatan te uea. Te berita bon te nano ae e a tia ni kataua te aomata bwa e na aki kona n urua. Ti berita bwa ti a ururinga n taai nako. Ti berita bwa ti na kawakin ana tua ni kabane. Tamneina e na mena iroura ngkana ti kawakina ara berita ni kabane.