“Mwakoro 42: Missouri ae Raroa i Maeao: Tianuare–Turai 1838,” Te Boki Wareware n Tuua ma Berita (2002), 161–63
“Mwakoro 42,” Te Boki Wareware n Tuua ma Berita, 161–63
Mwakoro 42
Missouri ae Raroa i Maeao
(Tianuare–Turai 1838)
Aomata aika bubuaka i Kirtland a aki kan rairi nanoia. A tangiria ni kamatea Ioteba Timiti. Ma ngaia are e a riai ni kitana Kirtland Ioteba. Bon bongin te mwaitoro ao bon moan te kamariri Ana kairiribai Ioteba a bon tao rimwina. A uoti biti ma aia kaati bwa ana kamatea iai.
E riai ni karaba Ioteba. E bon kawakinna te Uea bwa aonga n aki kunea ana kairiribai. N te tairiki teuana e a matu Ioteba ni bon te auti are a matu naba iai ana kairiribai. A aki ataia ae mena naba n te tabo anne.
Manga n te tai teuana e a bon rimataia naba ana kairiribai n te kawai. A taraia. A aki ataia bwa ngaia.
E a mwananga Ioteba i nanon te bubua tabun te maire. E a nako Missouri ae raroa i maeao. Kain te Aro a rangi ni kukurei n noria.
Tabeman taan kairiri n te Aro i Missouri a aki ongeaba nakon ana tua te Atua ni kabane. A aki tangiria n rairi nanoia. A un iroun Ioteba. A tangiria n riki ni kaubwai.
E nanokawaki Ioteba. Mwaane aikai bon raoraona ngkoa. Oliver Cowdery, David Whitmer, ma aomata tabeman a katinanikuaki man te Aro. Ai tiaki kain Ana Aro Iesu Kristo ngkai.
Mwaane ake tabeman a rineaki bwa taan kairiri n te Aro n are raroa i Maeao.
N te bong teuana e a nako Ioteba Timiti e a nako n te tabo ae kaan ae Raroa i Maeao. E taku Iesu bwa aran te tabo anne bon Adam-ondi-Ahman. Bon te tabo teuana ae kaokoro arona. Iesu e taetae ma Atam n te tabo anne ao e kakabwaia. E kakabwaiaia natina Atam i Adam-ondi-Ahman. Imwin tabeua te bong Iesu ma Atam ma aomata aika raoiroi riki tabeman a na manga kaitibo rimiw n te tabo anne.