“Mwakoro 47: Ioteba Timiti e Butia te Beretitenti ana Ibuobuoki: Maati–Nobemba 1839,” Te Boki Wareware n Tuua ma Berita (2002), 176–79
“Mwakoro 47,” Te Boki Wareware n Tuua ma Berita, 176–79
Mwakoro 47
Ioteba Timiti e Butia te Beretitenti ana Ibuobuoki
(Maati–Nobemba 1839)
E korei reeta Ioteba Timiti nakoia Kain te Aro ngke mena n te auti n kaikain i Liberty Jail. E tuangia bwa a na koroi taekan bwaai ni kabane aik bubuaka aika karaoi aomata aika buakaka nakoia. A na kanakoi taekan bwaai akana koroe akanne nakoia taan kairiri i aon te aba.
E tuangia Kain te Aro Ioteba Timiti bwa a na k orei araia aomata aika bubuaka ake a tia ni karaoi mwakuri aika kammaraki nakoia. A riai ni kaota aron uruakakin mwengaia ma aia tabo n ununiki.
N te bong teuana a uotaki Ioteba ma raona ake aman irouia taan tei nakon te auti n kaikain teuana. Ioteba ma raoraona a kabooi uoman aia aoti mai rouia tan tei. Angania kunnikai ni kaboa te aoti are teuana. A berita bwa a na kaboa te aoti are teuana rimwi.
N te tairiki teuana ao tan tei ake aman a koro ni manging. Te tia tei are temanna e a buokia Ioteba ma raoraona ni birinako.
D&C 123:1,4,6
A kairuamwi Ioteba ma raoraona n toka n te aoti. A nako nakon te kawa ae Quincy i Illinois. A kabanea tebwina te bong ni mwanangaia nakon te tabo anne.
Ioteba ma raoraona a kuneia aia utu ikanne. A kukurei ni manga kaitibo ma ngaia.
A tangiria Kain te Aro ni kakaea te tabo teuana are a na katea iai aia kawa ae bubura i Illinois. A kaboi aaba tabeua irarikin te karanga ae Mississipi. E mwaimwai ma n bokaboka te aba. A mwananga nakon te tabo anne Ioteba ma Kain te Aro. A mwakuri korakora ni karaoa raoi te tabo anne bwa e na mau. A katei mwengaia ma n uniki arokaia. A katea te kawa ae abwabwaki ae tikiraoi. Arana te kawa ae bubura anne bwa Nauvoo. Nanon Nauvoo te tabo ae tikiraoi.
Rimwi e a nako Ioteba Timiti n nora te Beretitenti n Amerika. E a taekin bwaai ake a karaoi aomata aika bubuaka Ioteba nakon te Beretenti n aron are riki i Missouri. taekinia aroia aomata aika buakaka ngke a kaurai aia auti Kain te Aro ma n iraei aia man.
E taekinna naba Ioteba bwa tabeman Kain te Aro a bon tiringaki. Kain te Aro tabemwang a kainaki n te auti n kaikain. E kaoti baike a tia ni koroi Kain te Aro nakon te Beretitenti. E taku bwa mataniwi i Missouri a rawa ni buokia Kain te Aro. E butia te Beretitenti bwa e na buokia Kain te Aro ma n katuuaia aia kairiribai.
E taku te Beretitenti bwa e ataia bwa a kainnanoaki Kain te Aro. Ma e aki kona ni karaoa te bwai teuana are a na kona ni buokaki iai. Ngkana e buokia Kain te Aro aomata i Missouri a na bon un.
E nanokawaki Ioteba Timiti ngkai te Beretitenti e aki kona ni buokia Kain te Aro. Ti Tamara Are I Karawa ae kona ni buokia.