“Mwakoro 54: Te Kaotioti ae Taekan te Mware: Turai 1843,” Te Boki Wareware n Tuua ma Berita (2002), 198
“Mwakoro 54,” Te Boki Wareware n Tuua ma Berita, 198
Mwakoro 54
Te Kaotioti ae Taekan te Mware
(Turai 1843)
E titirakina te Uea Ioteba Timiti n titiraki tabeua ae taekan te mware. E tuanga Iesu bwa te mwane ma te aine a riai n mwareaki iroun te mwane ae e a tia katabuaki nakon te nakoa n ibonga. A riai n mwareaki ni te tembora. A riai n ongeaba nakon a na tua ni kabane te Atua. Imwina a na bon mwareaki ma n kabeaki n aki toki.
Aomata aika raoiroi aika mwareaki n aki toki a na maeka n te moa ni karawa ae Mimitong n te aba n Uea i karawa. Ataei ake a ongeaba nakon te Atua a na riki bwa natiia. A na riki bwa kain te utu ae ti te utuna. A maeka ma te Atua. A na riki n ai arona.
N taai tabetai te Atua e tuangia ana burabeti bwa mwaane a kona ni karakei buuia nakon temanna n aiaron are taekinna Iesu. Ma a na ti karaoia aei aomata ngkana a tuangaki iroun te Atua.