“Mwakoro 52: Kakumekume i Nauvoo: Mei–Aokati 1842,” Te Boki Wareware n Tuua ma Berita (2002), 191–93
“Mwakoro 52,” Te Boki Wareware n Tuua ma Berita, 191–93
Mwakoro 52
Kakumekume i Nauvoo
(Mei–Aokati 1842)
A mwaiti aomata aika roko ni maeka i Nauvoo. A katea te kawa ae bubura ma n tikiraoi. A moana katean te tembora. A tangira Kain te Aro bwa e na reke aia meea (mayor) n aia kawa ae bubura anne.
Kain te Aro a rinea John C. Bennett bwa te meea (mayor). Ma e a manga moanna ni karaoi mwakuri aika bubuaka. E riba Ioteba Timiti.
A tangiria aomata i Nauvoo ni karekea teuana aia bong ni motirawa ae okoro ma boong nako. A tangiria tautia bwa a na mwaati ni booren.
Bon aia mataniwi tautia John Bennett. E baireia bwa a na buaka ana tautia. Kanga bon tiaki te buaka ni koaua. E na karaoaki bwa kanga ti te bwai ni kakukurei.
E a tuanga Ioteba Timiti, Bennett bwa e na kaira te taanga ni buaka nakon te buaka. E ataia Ioteba bwa Bennett e riribaia. Ana kantaninga bwa Bennett e tangiria ni kan kamatea. Te Uea e tuanga Ioteba bwa e na aki ira buakon te buaka.
E a rangi n un John Bennett. E aki tangiria n riki bwa te meea (mayor) i Nauvoo. Aomata a rinea Ioteba Timiti bwa te meea.
John Bennett ma tabeman mwaane aikoa kan kaina te Aro. A taekin bwaai aika buakaka ibukin te Burabeti ae Ioteba Timiti.
E taetae Ioteba Timiti nakoia ake bon Kain te Aro ake tabeman. E taku n ana taeka bwa a na manga iai kanganga aika a na riki nakoia Kain te Aro. N te bong teuana a na kitana Nauvoo. A na nako n maeka n taabo aika maungaunga ae te Rocky Mountains. A na katei kawa aika bubura ikanne. Ana ongeaba nakon te Atua ao a na ri ki bwa aomata aika a na rangi ni korakora.