“Mwakoro 46: Ioteba Timiti n te Auti n Kaikain ae Liberty Jail: Maati 1839,” Te Boki Wareware n Tuua ma Berita (2002), 173–75
“Mwakoro 46,” Te Boki Wareware n Tuua ma Berita, 173–75
Mwakoro 46
Ioteba Timiti n te Auti n Kaikain ae Liberty Jail
(Maati 1839)
A tiku Ioteba Timiti ma raoraona n t e auti n kaikain i nanon boong aika bati. Rimwi a bon manga uotaki nako nakon te auti n kaikain teuana, ae e aranaki bwa Liberty jail.
Te karabuti ae Liberty Jail bon moan te mwaitorotoro ma n barekareka. A rangi ni kainnano Ioteba ma raona. N taai tabetai a kabeaki n taurekereke. A katauaki ni wene i aon tano.
Te amwarake e aki raoiroi. N taai tabetai a kaboitinna ao e a karika aorakia.
E nanokawaki Ioteba. Ngaia ma raoraona a rang n maan tiku n te auti n kaikain. E aki ataia Ioteba bwa e na kona n reke otinakoia ke aki. E rangi n raraoma ibukin te Aro.
E tataro Ioteba nakon Tamara Are I Karawa. E titirakinna bwa a na manra ana tai ma Kain te Aro ni kainnanoaki. E butia Tamara Are I Karawa bwa e na buokia. E tuanga Tamara Are I Karawa bwa e na kareke kaia aia kairiribai.
E tuangaki Ioteba iroun Iesu bwa e riai bwa e na bon kammarakaki inanon ti teutana te tai. E tuanga Ioteba bwa e na ninikoria. E taku Iesu nakon Ioteba bwa e na aki rang n maan ao e na manga kaitibo ma raoraona. Raoraon Ioteba a bon tangiria ao a na bon kukurei n kaitibo ma ngaia.
Iesu e ata are a tia ni karaoia aomata aika bubuaka. E tuanga Ioteba aron are e na katuaia iai. Aomata aika buakaka a na aki kona n anganaki te nakoa n ibonga. Natiia a na bon aki kona n anganaki te nakoa n ibonga. Aomata aika buakaka a na kammarakaki ma ni mate.
E tuangaki Ioteba bwaai aika raraoi aika bati aika a na riki nakoia Kain te Aro iroun Iesu. Akea ae kona n tuka te Atua ni kakabwaiakia. Te Tamnei ae Raoiroi e na tuangia bwaai aika tamaroa ae taekan mwakan te Atua. Aka kona n reiakinaki taekan karawa ma aonnaba.
E taku Iesu bwa Ioteba e riai n aki maaku ngkana e kammarakaki. E naaki kona n raraoma Ioteba ngkana iai kanganga aika riki nakoina. E taku Iesu bwa kanganga bon karekean te raoiroi ae manena nakoira. Kanganga a buoki’ra n reireira. Iesu e a tia n kamarakaki n ae moan te korakora nakon temanna i buakora.