“Mwakoro 18: Tuan te Ekaretia: 4 Beberuare 1831,” Te Boki Wareware n Tuua ma Berita (2002), 67–69
“Mwakoro 18,” Te Boki Wareware n Tuua ma Berita, 67–69
Mwakoro 18
Tuan te Ekaretia
(4 Beberuare 1831)
I Kirtland te Uea e angan Ioteba Timiti te kaotioti ae moan te kakawaki. E aranaki bwa tuan te Ekaretia.
D&C 42: Preface
E taku te Uea bwa Taan Itiaki ni kabane a riai n reirei taekan te reirei ae koaua nakoia aomata ni kabane. Mwaane ake a na karaoa te mwakuri ni mitinare a riai ni katabuaki nakon nakoa ni ibonga. A riai ni katabuaki irouia mataniwin te Ekaretia.
Uoman mitinare aika riai n airiri ni karaoan te mwakuri. A riri n reirei nakoia aomata n taekan te Bwaibwara ma te Book of Mormon. A riai n tataro bwa e na memena irouia te Tamnei Ae Raoiroi. Te Tamnei ae Raoiroi e na reireinia te bwai are a na reirei iai.
Mitinare ni kabane a riai ni bwabetitoia aomata ake a kakoaua taekan te reirei ae koaua.
E taku te Uea bwa kain te Ekaretia a riai n ongeaba nakon Tua ake Tebwina. A riai n aki tiriaomata. A riai n aki karaoa te kewe. A riai n aki taekin taeka aika buakaka. A riai n aki manga karaoi bwaai tabeua aika buakaka.
Taan Itiaki a na ibuokanibwai ni bwaai aika irouia ma aomata tabeman. Bwa te ibuokanibwai nakoia tabeman bon ti tebo ma ko ibuokanibwai naba iai ma Iesu.
Iesu e angania Taan Itiaki tua riki tabeua. Akea te Tia Itiaki temanna ae na taku inanona bwa e raoiroi riki nakon te aomata temanna. Taan Itiaki a riai n itiaki. A riai ni mwakuri korakora.
Taan Itiaki a riai n tararuaia kain te Ekaretia aika aoraki. Mwaane ake iai irouia te nakoa n ibonga, a riai ni kakabwaiaia kain te Ekaretia aika aoraki. Kain te Ekaretia aika onimaki ana kona ni katokaki aorakia. Ana bon aki mate ngkana bon tiaki aia tai are a na mate iai.
Taan Itiaki aika a tia ni karaoa ae raoiroi a na bon aki maaku ni mate. Te mate bon te bwai ae a rangi ni moan te tamaroa nakoia ake a tia ni karaoa te raoiroi.
Iesu e na- bon anga taian kaotioti aika bati nakoia kain te Ekaretia aika kakaraoa ae raoiroi. A na kona n ata are a na kona ni kukurei iai. Te Uea e tuangia Taan Itiaki ni kabane bwa a na ongeaba nakon tuan te Ekaretia.