“Mwakoro 37: Taan Kairiri Aika Iai te Nakoa n Ibonga Irouia: Beberuare 1835,” Te Boki Wareware n Tuua ma Berita (2002), 140–44
“Mwakoro 37,” Te Boki Wareware n Tuua ma Berita, 140–44
Mwakoro 37
Taan Kairiri Aika Iai te Nakoa n Ibonga Irouia
(Beberuare 1835)
Iai ana botaki Ioteba Timiti ae moa n te kakawaki i Kirtland i Ohio. E tuangia kain te Kaembwa are Tion bwa a na roko. E tuangia Ioteba bwa Iesu e tangiria 12 Abotoro bwa a na buoka kairan ana Aro.
Te Uea e a tia n tuanga Oliver Cowdery, David Whitmer, ma Martin Harris bwa a na rineia taian Abotoro. Inanon tain te botaki Oliver, David, ma Martin a kakabwai-aiaki irouia Moan Berentitentin te Ekaretia. Imwina a bon manga botaki n tataro. A rineia 12 mwaane aika raoiroi.
A katabuaki mwaane aikai. Bon Abotoro ake Tengaun ma Uoman.
Abotoro bon mwaane rangi n kakawaki inanon te Ekaretia. A reirei taekan te euangkerio nakon te aonnaba ni kabane.
Imwin tabeua te bong, tabeman mwaane a rineaki bwa taan kairiri n te Aro. Aranaki bwa te Moa ni Bwabwaro irouia Itingaun. Aia Moan Bwabwaro Itingaun a buokia Abotoro. Bon ngaia aika mataniwi n te mwakuri ni mitinare n te Ekaretia.
N te bong teuana Abotoro Ake Tengaun ma Uoman a kaea te botaki. A kataua raoia bwa a na nako ni karaoa aia mwakuri ni mitinare. A tangiria bwa a na karaoa ae raoiroi. A tangira ana ibuobuoki Tamara Are I Karawa.
Abotoro a butia Ioteba Timiti bwa e na tataro bwa e na karekea te kaotioti are e na buokaki iai aia mwakuri ni mitinare. Iesu e angan Ioteba ma taian Abotoro te kaotioti ae moan te kamimi. E tuangia taekan te nakoa n ibonga.
Te nakoa n ibonga bon te mwaka mai iroun te Atua. Bon te mwaka ae te kabanea ni korakora n te aonnaba. Te Atua e anga te nakoa n ibonga nakoia aomata aika raoiroi. Mwaane a kamanena te nakoa n ibonga ni karaoan ana mwakuri te Atua.
Iai uoua nakoa n ibonga n te Ekaretia. Teuana bon te Merikitereka. Taan kairiri n te Aro iai irouia te nakoa n ibonga ae te Merikitereka. Taan kairir bon te Beretitenti n te Ekaretia ma ana tia babaire Abotoro Ake Tengaun ma Uoman ao ai Aia Moan Bwabwaro Itingaun.
Te Berentitenti n te Ekaretia bon ana burabeti te Atua. E tuangia aomata bwaai ake e tangiri Iesu bwa a na karaoi. Te burabeti iai raona mwaane aika a na buokia. Boni ngaia ana tia babaire. Te burabeti ma ana tia babaire bon Moan Beretitenti n te Ekaretia.
Mwaane ake tabeman n te Ekaretia iai nakoia n ibonga ae te Merikitereka. Aranaki bwa ibonga aika kakannato. Itingau, ao mata ikawai, ibonga aika kakannato a kona n riki bwa taan tataekina te euangkerio. Beretitenti n tabo, kauntira aika kakannato, ma ebikebo.
D&C 107:5,7,9,10,17,25,39
Tabeman mwaane a rineaki bwa itingaun. A reirei taekan te koaua nakoia mwakoron taabo ao n taabo ake a mwaiti iai kain te Ekaretia n te tabo teuana.
D&C 107:96–97
Tabeman mwaane a rineaki bwa mata ikawai. Mataikawai a karaoi mwakuri ni mitinare.
D&C 107:7; 133:8
Mwaane ni kabane aika iai irouia te. nakoa n ibonga ae te Merikitereka a kona ni kakabwaiaia aomata. A kona n angania aomata te Tamnei Ae Raoiroi.
Te nakoa n ibonga are teuana bon te nakoa n ibonga ae te Aron. Ibonga taan reirei ma rikan anganaki te nakoa n ibonga ae te Aron. Ibonga a kona ni bwabetitoia aomata. A karaoa katabuan rabwatan te uea. A buokia mataikawai ni kabane.
Taan reirei a buoka katauraoan rabwatan te uea. A karaoi reirei n taian mwenga. A buokia Kain te Aro bwa a na maiuakina te maiu ae raoiroi.
Rikan a kabuta rabwatan te uea. A buoka te ebikebo. A rikorikoi bwaai n tituaraoi ibukin te aki mamatam.
E taku Iesu bwa aomata ni kabane aika iai irouia te nakoa n ibonga a riai n ata are e tangiria te Atua bwa a na bon karaoia. A riai ni mwakuri korakora. Tamara Are I Karawa e na buokia.