“Mwakoro 32: Ana Ekaretia Iesu Kristo i Kirtland: Matti–Tun 1833,” Te Boki Wareware n Tuua ma Berita (2002), 123–25
“Mwakoro 32,” Te Boki Wareware n Tuua ma Berita, 123–25
Mwakoro 32
Ana Ekaretia Iesu Kristo i Kirtland
(Matti–Tun 1833)
Ioteba Timiti bon te burabeti n Ana Ekaretia Iesu Kristo. E taku te Uea a riai n iai mwaane aika a na buoka, Ioteba. A na riki bwa ana tia babaire. Aika riki bwa taan babaire bon Sidney Rigdon ao Frederick G. Williams. Ioteba ma taan babaire aikai bon taian Moa n Beretitenti n Te Ekaretia.
D&C 81:1; 90:6
Ni boong aikai te burabeti ae maiu bon ngaia te tia kairiri n te Ekaretia. Ngaia ma taan babaire aranaki bwa Moa n Beretitenti.
Ioteba Timiti ma ana tia babaire a katabuaki n te botaki are karaoaki i Kirtland, Ohio. Bon te botaki ae tabu are karaoaki. Aomata ni kabane ake a roko a bon kana rabwatan te uea.
Tabeua te wiki imwina Ioteba Timiti e a moan kateirakea ana moa n tabo te Aro. Te tabo bon Kain te Aro aika maeka n ikakan. Kain te Aro ni kabane i Kirtland a mena n te moa n tabo. N taai aikai te Ekaretia a rangi ni mwaiti ana tabo.
Imwina Iesu e a tuanga Kain te Aro bwa a na katei taian Umantabu aika bati riki. A riai ni katea te tembora i Kirtland. A riai ni katea te tabo teuana ibukin aia Moan Beretitenti are a na mwakuri iai. Te Ekaretia e bon tangira naba te auti ni boreti.
Kain te Aro a ongeaba nakon te Uea. A moana katean ana Tembora Kirtland. Bon te mwakuri ae kanganga karaoan te tembora. A tangiraki ni kabane Kain te Aro bwa ana ibuobuoki n te mwakuri.
A maiti riki aomata aika kaina te Ekaretia. E tuangaki Ioteba iroun Iesu bwa e na rineia riki taan kairiri aika mwaiti mai rouia Kain te Aro. E taku bwa taman Ioteba e na riki bwa e tia tataekina te Euangkerio n te Ekaretia. Te tia anga kakabwaia nakoia Kain te Aro. Iai irouna te nakoa n ibonga ae te Merikitereka.
E tuangaki Ioteba iroun Iesu bwa e na rineia 12 mwaane bwa a na riki bwa taan babaire aika kakannato. Bon mwaane aika iai irouia te nakoa n ibonga ae te Merikitereka. A buokia Kain te Aro ni kabane bwa a na ata ae eti ma ae bure.