“Mwakoro 35: Kain te Aro a Kitana Jackson County, Missouri: Tetemba–Ritemba 1833,” Te Boki Wareware n Tuua ma Berita (2002), 132–34
“Mwakoro 35,” Te Boki Wareware n Tuua ma Berita, 132–34
Mwakoro 35
Kain te Aro a Kitana Jackson County, Missouri
(Tetemba–Ritemba 1833)
Aomata aika buakaka a karaoi kakiriwe nakoia Kain te Aro i Jacksoun County i Missouri. A kataia ni karekea buokaia Kain te Aro iroun te Kowana i Missouri. Bon William Phelps ma Orson Hyde aika nako ni kawara te Kowana. A tuanga ibukia taan kakiriwe. A kaongoa taekan mwengaia ae e a tia n uruakaki.
E aki kona ni buokia te kowana. E tuangia bwa a na butia taan moti bwa a na buokia. Ma taan moti bon raoraoia taan kakiriwe. A bon aki kona ni buokia Kain te Aro.
A karaoi mwakuri aika aki raraoi taan kakiriwe nakoia Kain te Aro i nanon onoua te bong. A kammarakia mwaane. A nini taian titoa ma n uruaki aoma n karenakoi bwaai ni kabane riaon tano.
Taan kakiriwe a karaoia Kain te Aro bwa a na kitan mwengaia. Bon tain bongin te mwaitoro. A mwaiti aomata aika mate ibukin te mwaitoro, ma te kakarau n te tai anne. Kain te Aro a nako ni kawa tabeua i bon Missouri ni kitania taan kakiriwe akanne.
A nanokawaki Kain te Aro. Mwengaia, aia tabo n ununiki ma aia titoa, a uruakaki. Aia man a ireaki. Te kowana ma taan moti a aki kona ni buokia Kain te Aro.
Ma Kain te Aro a bon onimakina naba te Atua Ataia bwa a na Ekaretia Iesu Kristo bon te Aro ae koaua. Ataia bwa Ioteba bon ana burabeti te Atua.
Ioteba Timiti e mena i Kirtland, Ohio. E anganaki te kaotioti iroun Iesu. Iesu e kaota bukin te kabuanibwai are riki nakoia Kain te Aro. Tabeman ma ibuakoia Kain te Aro a aki kawakina ana tua te Atua ni kabane
D&C 101:2,6–7
E taku Iesu bwa aaki bot‘aki ni mwakuri. Aaki ibuobuoki tibai kainnanoia. A bon karaoi katei n nano n rang i bon imarenaia. A aki tataro nakon te Atua ngkana a kukurei. A aki karabwa te Atua. A ti tataro ngkana a kan buokaki.
E taku Iesu nakoia Kain te Aro bwa a riai ni katauraoia imain manga rokona nakon te aonnaba. Ngkana e roko, a na rau aomata ni kabane. Kain te Aro ake a tia ni kammarakaki ibukin Iesu ana kakabwaiaki. A na akea mwakan Tatan ni kona ni kariria Kain te Aro. Akea ae e na manga mate. Ngkana e a manga roko, ngaira n tatabemanira nako ti na kukurei.