1 Uye zvino zvakaitika kuti mushure mekunge Aruma apedza kutaura kuvanhu vechechi, rakange ramiswa muguta reZarahemura, akagadza ^avapirisita ^bnemagosa, kugadza ^cmaoko pamusoro maererano nekutaura kwaMwari, kutungamira ^dnokutarisa chechi.

2 Uye zvakaitika kuti wose akanga asiri wechechi akatendeuka kubva muzvitema zvake ^aakabhabhatidzwa mukutendeuka, uye vakagashirwa muchechi.

3 Uye zvakaitikawo kuti wose akanga ari muchechi asi asina ^akutendeuka muhuipi hwake nokuzvirereka pamberi paMwari—ndinoreva avo vakanga vakasimudzwa ^bnerudado mumwoyo mavo—ivavo vakarambwa, uye mazita avo ^cakadzimwa, zvekuti mazita avo haana kuverengerwa kune evakarurama.

4 Uye vakatanga kugadzira chechi nekuyimisa muguta reZarahemura.

5 Zvino ndinoda kuti muzive kuti shoko raMwari rakange riri remunhu wose, zvekuti hakuna vainyimwa pundutso yekuti vaunganidzane pamwechete kuti vanzwe shoko raMwari.

6 Zvisinei vana vaMwari vakanga vakataurirwa kuti vaunganidzane kazhinji, vobatana ^amukutsanya nemumunamato mukuru vachiitira magariro akanaka emweya yeavo vakanga vasingazive Mwari.

7 Uye zvino zvakaitika kuti Aruma paakanga amisa mitemo iyi akabva pavari, hongu, kubva muchechi yakange iri muguta reZarahemura, uye ndokuyambuka rwizi rweSidhoni nechekumabvazuva kwarwo, ndokupinda ^amunhika yaGideoni, umo makanga mavakwa guta, rakanga richidaidzwa kunzi guta raGideoni, raive munhika yainzi Gideoni, richidaidzwa zita remurume akanga ^bauraiwa neruoko rwaNeho nemunondo.

8 Uye Aruma akaenda uye akatanga kutaura shoko raMwari kuchechi rakanga raiswa munhika yaGideoni, maererano nekuiswa pachena kwechokwadi cheshoko rakanga rataurwa nemadzibaba ake, nemaererano nemweya wechiporofita wakanga uri maari, maererano ^aneuchapupu hwaJesu Kristu, Mwanakomana waMwari, achauya kuzonunura vanhu vake muzvitema zvavo, nehurongwa utsvene hwakamudaidza. Uye ndiko kunyorwa kwazvakaitwa. Ameni.