1 Ngalelo langa uyawutsi: O Nkhosi, ngitawukudvumisa; lite noma bewungitfukutselele intfukutselo yakho seyisusiwe, futsi uyangidvudvuta.

2 Bukani, Nkulunkulu uyinsindziso yami; ngitawukwetsemba, ngingabi nekwesaba; ngoba iNkhosi Jehova ingemandla ami kanye nengoma yami; ngetulu kwaloko sewube yinsindziso yami.

3 Ngako-ke, ngenjabulo niyawukha emanti emitfonjeni yensindziso.

4 Ngalelo langa niyawutsi: Bongani iNkhosi, nibite libito layo, memetelani tento tayo emkhatsini webantfu, nisho kutsi libito layo liphakeme.

5 Hlabelelani eNkhosini; ngoba yente tintfo letinhle kakhulu; loku kuyatiwa emhlabeni wonkhe.

6 Khalani futsi nimemete, nine lenihlala eSiyoni; ngoba mkhulu loNgcwele waka-Israyeli losemkhatsini wenu.