1 Futsi ngalelo langa, besifazane labasikhombisa bayawuhlanganyela indvodza yinye batsi: Sitawudla sinkhwa setfu, sembatse tingubo tetfu; kuphela nje sivumele sibitwe ngelibito lakho kute ususe lihlazo kitsi.

2 Ngalelo langa ligala leNkhosi liyawuba lihle futsi likhatimule; sitselo semhlaba siyoba sihle kakhulu futsi sibukeke kulabo labaphunyuka baka-Israyeli.

3 Futsi kuyawukwenteka kutsi, labo labashiywe eSiyoni basala eJerusalema bayawubitwa ngekutsi ngulabangcwele, bonkhe labo lababhalwe emkhatsini walabaphilako eJerusalema—

4 Lapho iNkhosi seyikugezile kungcola kwemadvodzakati aseSiyoni, futsi nalapho seyiyesulile ingati yaseJerusalema ekhatsi kwayo ngemoya wekwehlulela kanye nangemoya wemlilo.

5 Futsi iNkhosi itawudala etikwayo yonkhe indzawo yekuhlala yentsaba yaseSiyoni, nalabahlanganela kuyo; lifu kanye nentfutfu emini kanye nekukhanya kwelilangabi lemlilo ebusuku; ngoba etikwayo yonkhe inkhatimulo yaseSiyoni kuyawuba khona kuvikelwa.

6 Futsi kuyawuba khona lithende lemtfunti emini ekushiseni, libe yindzawo yekuphephela kanye neyekukhosela kuto tivunguvungu nakuyo imvula.