Tusi Lesona ma le Taimi o Fetufaaiga a le Peraimeri
Lesona 46: O Le A Toe Afio Mai Iesu Keriso

Lesona 46

O Le A Toe Afio Mai Iesu Keriso

Faamoemoega

Ia faamasani tamaiti i faailoga o le afio mai faalua o le Faaola, ma ia uunaiina i latou ia saunia i latou lava e fetaiai ma ia.

Sauniuniga

  1. Ia suesue ma le agaga tatalo e uiga ia Iosefa Samita - Mataio 1:1–4, 21–55; Galuega 1:9–11; ma le Mataupu Faavae ma Feagaiga 29:11; 38:30; 101:24–25; 133:46–48. Ona suesue lea o le lesona ma iloilo pe faapefea ona e manao e aoao atu le tala faatusi paia (Tagai “Saunia o Au Lesona,” itulau 0 [vi,] ma le “Aoao Atu Mai Tusitusiga Paia,” itulau 0 [vii].)

  2. Tusi Faitau Faaopoopo: Iosefa Samita - Mataio 1:5–20 ma le Mataupu Faavae ma Feagaiga 45:16–75, 88:87–101.

  3. Filifili ia fesili e talanoaina ma gaoioiga e faamauoa ai lea o le a aafia ai tamaiti ma o le a sili ona fesoasoani ia i latou ia mauaina le faamoemoega o le lesona.

  4. Mea e Manaomia:

    1. Penina Tautele mo tamaiti taitasi.

    2. Kopi o le Tusi Paia ma le Mataupu Faavae ma Feagaiga.

    3. Lau Mati se fa (vaai i le ata o lo o i lalo) e ‘oti i se pepa lanu, po o le tusi i luga o le laupapa, ma ia tusi ai se tasi o upu po o fuaitau e tusia i laulaau taitasi: Keriso pepelo, faapotopotoina o Isaraelu, mala, mea ofoofogia i le lagi.

    4. O se kopi o lala o le mati ua tusi i luga o le pepa po o le laupapa.

    5. Mea faapipii po o se isi mea e pipii.

    6. Ata 7–3, O Le Fanau Mai o Iesu (Taga Ata o le Talalelei 200; 62116); 7–25, O Le Afio Faalua Mai (62562): 7–43, O Le Afio A’e O Iesu i le Lagi (Taga Ata o le Talalelei 236; 62497); ma se ata o le perofeta o lo o i ai nei.

Ata
leaf and tree

Faalautelega Fautuaina o le Lesona

Tofi se tamaitiiti e faia le tatalo amata.

Gaoioiga e Faatosina Mai Ai

Faaali atu ata O Le Fanau Mai o Iesu ma le Afio Faalua Mai.

Gaoioiga e Faatosina Mai Ai

  • O a mea taua na tutupu i le talafaasolopito o le lalolagi o lo o faaali mai i nei ata e lua?

  • O a faailoga na faailoa mai ai le soifua mai o Iesu i Peteleema? (Sa pepese Agelu, sa faaali mai le fetu fou, ma sa i ai se po atoa e le pogisa i Amerika, ma isi mea.)

  • O le a se lagona semanu e te maua pe ana fai na e i ai i Peteleema i le taimi na fanau mai ai Iesu?

  • O le a se mea e te manatu o le a foliga i ai pe a toe afio mai Iesu i le lalolagi?

Ia faamatala atu pe afai e toe afio mai le Faaola, o le a avea ma aso “tele ma le matautia o le Alii” (MFF 2:1). E tele vavega o le a oo mai pea toe afio mai Keriso, ma o le a iloa e tagata uma o le lalolagi o ia o le Faaola. O le a avea lea aso i e amiotonu ma se taimi fiafia aua o le a ola i latou i le lalolagi, ma o le a nofo tupu Iesu Keriso, o le a i ai le filemu, ma o le a lē mafai e Satani ona faaosooso i latou e fai le mea sese. O i latou o e amioleaga o le a fefefe ma faanoanoa i lona afio mai. Talu ai ona sa le salamo i latou, o le mea lea o le a faaumatia ai i latou (tagai MFF 29:9).

Tala Faatusi Paia

Ia aoao atu i tamaiti le tala faatusi paia e uiga i le afio faalua mai o le Faaola o lo o maua i le Iosefa Samita - Mataio 1:1–4, 21–55. (Mo ala fautuaina e aoao atu ai tala faatusi paia, tagai “Aoao Atu Mai Tusitusiga Paia,” itulau vii.)

Ia faamanatu atu i tamaiti e faapea o le tasi o galuega taua a Iosefa Samita o le faia lea o se faaliliuga fou o le Tusi Paia. O lo o i ai i lana faaliliuga o le Mataio 24 ni mea moni taua e le o tusia i le tala o le Feagaiga Fou e uiga i le afio faalua mai o le Faaola. E matua taua lava lenei mataupu i le Au Paia o Aso e Gata Ai ma o le mea lea na tusia ai i le Penina Tautele e faapea Iosefa Samita – Mataio.

Talanoaga ma Fesili e Faatatau I Ai

Suesue fesili ma mau o lo o taua i lalo a o e saunia lau lesona. Faaaoga fesili e te lagona o le a sili ona fesoasoani ai i tamaiti ia malamalama i mau ma faaaoga ai mataupu faavae i o latou olaga. O le faitauina faatasi ma tamaiti o mau i le vasega o le a fesoasoani latou te mauaina ai malamalamaaga i tusitusiga paia.

Talanoaga ma Fesili e Faatatau I Ai

  • Ina ua fetalai atu Iesu i ona soo o le a toe afio mai o ia, sa faapefea ona faamatala e ia foliga o le a i ai lona afio mai? (Iosefa Samita- Mataio 1:1.) E faapefea ona ese lenei afio mai ma le auala na oo mai ai o ia i le lalolagi i le taimi muamua?

  • Ina ua uma ona malamalama soo o le toe afio mai o Iesu o le a oo mai lea pe a mavae lona maliu ma le toetu, o le a le mea na latou fia iloa? (Iosefa Samita - Mataio 1:4.) Aisea na mananao ai le au soo e iloa le Afio Mai Faalua? Aisea ua taua ai le iloa e i tatou o le Afio Faalua Mai? Ia faamatala atu e finagalo Iesu ia iloa e tagata o lana ekalesia, po o e ua filifilia, faailoga e muai oo mai a o lumanai lona afio mai ina ia le faaseseina i latou ma o le a saunia e faafetaiai o ia.

  • Aisea na tuuina mai ai e Iesu ia i tatou faailoga o lona afio faalua mai? (Iosefa Samita - Mataio 1:37, 39.) Aisea na faatusa ai e ia lona afio faalua mai i le laau o le mati? (Iosefa Samita - Mataio 1:38.) (Ia faaali atu lala e le fua o le laau o le mati po o le tusi o se ata i luga o le laupapa. Ia faaali atu lau o le mati i taimi e tatau ai a o faagasolo vaega o totoe o le talanoaga.

  • O le a le mea na tau o se Keriso pepelo po o se perofeta pepelo? (Iosefa Samita - Mataio 1:21–22. O tagata ma lotu o e ua faapea mai o lo o ia i latou le mea moni ma taumafai e taitai sese tagata mai le ekalesia moni a Keriso.)

  • O le a se mea o le a mafai e Keriso pepelo ma perofeta pepelo ona fai? (Iosefa Samita - Mataio 1:22.) Pe mafai faapefea e e ua filifilia (amiotonu) ona aloese mai le faaseseina? (Iosefa Samita - Mataio 1:37, fuaitau muamua.)

Ia faamamafa atu e tatau ona tatou faalogo i perofeta soifua ma mulimuli i mea latou te tau maia ia i tatou e fai ina ia le faaseseina i tatou. Ina ua saunoa mai peresitene Wilford Woodruff le peresitene lona fa o le ekalesia, “o le a le mafai le mafai lava e le Alii ona faatagaina au po o se isi lava tagata e avea ma peresitene o lenei ekalesia e taitaiina sese outou” (tagai Folafolaga Aloaia - 1 i le Mataupu Faavae ma Feagaiga).

Talanoaga ma Fesili e Faatatau I Ai

  • Pe o le a faapefea ona tatou iloa o le Keriso moni pe a afio mai o ia? O le a se auala o le a ia afio mai ai? (Iosefa Samita - Mataio 1:25–26, 36; Galuega 1:9–11; MFF 133:46–48.)

  • O le a le uiga o le faapotopotoina o Isaraelu? (MFF 45:69.) Pe o faapefea ona fesoasoani faifeautalai i le faapotopotoina o e amiotonu i le ekalesia? (Iosefa Samita - Mataio 1:31.) Ia faamatala atu o loo nonofo salalau i le lalolagi atoa tagata filifilia o le Atua, ma ua ta’ua i latou o Isaraelu. A o le i toe afio mai Iesu, o le a o atu faifeautalai i le lalolagi atoa e talai le talalelei. O i latou o e talia le upu moni ma papatisoina o le a faapotopotoina i siteki o Siona. O ai atunuu o loo galulue faamisiona ai tagata o la tatou uarota (po o le paranesi)?

  • O le a le uiga o le upu mala? (Puapuaga, mafatiaga, faaleagaina, faanoanoaga.) O le a se mala ua fetalai mai Iesu o le a oo mai a o le i afio mai o ia? (Iosefa Samita - Mataio 1:28–30.) O a ni puapuaga ua e vaai i ai pe faalogo i ai?

  • O a nisi o mea ofoofogia o le a vaaia i le lagi i le taimi lava o lona Afio Faalua Mai? (Iosefa Samita - Mataio 1:33.)

  • Pe o le a faapefea ona faamamaina le lalolagi pe a toe afio mai o ia? (MFF 101:24–25.) O le a le umi o le a nofo tupu ai Keriso e avea ma tupu o le lalolagi? (MFF 29:11.)

Ia talanoaina le upusii o lo o i lalo mai ia Peresitene Brigham Young, o le Peresitene lona lua o le Ekalesia.

“O le a tafiesea e ia [Iesu] le agasala mai le lalolagi faapea ma ona taunuuga matautia, o le a soloia loimata mai mata uma ma o le a leai se mea e faatiga pe faaumatia ai mauga paia uma o le Atua (In Journal of Discourses, 11:124.)

Talanoaga ma Fesili e Faatatau I Ai

Ia faia se aotelega e ala i le faamanatu atu e faapea ua tuuina mai e Iesu ia i tatou faailoga o lona afio mai ina ia tatou iloa lona latalata mai ma ia saunia. Ia faamatala atu e faapea ua fetalai mai le Alii afai tatou te saunia o le a le fefe lava i tatou. (MFF 38:30.)

Ia faitau le upusii o lo o i lalo mai ia Peresitene Ezra Taft Benson, le Peresitene lona sefulu ma le tolu o le ekalesia:

“Pe ua tatou iloa ea o lo o ola i tatou i aso e faataunuu ai nei faailoga ma mea ofoofogia? O lo o i ai i tatou faatasi ma i latou o e o le a vaai i le tele o nei valoaga ua faataunuuina … ua tatou le iloa le aso po o le ituaso o lona afio mai, peitai atonu ua tatou lagona le mautinoa o lenei mea: Ua tatou tutu latalata atu i le aso tele o le Alii.” (The Teachings of Ezra Taft Benson, p. 20.)

Gaoioiga e Faamauoa Ai

E mafai ona e faaaogaina se tasi po o le sili atu foi o nei gaoioiga i soo se taimi o le lesona pe faaaoga foi o se toe iloiloga, otootoga, po o se lu’i.

  1. Ia faia se kopi o faamatalaga o loo i lalo mo tamaiti taitoatasi. Ia tufatufa saunoaga ma tuuina atu ni penitala i tagata o le vasega. Ia faafetaui e i latou le amataga o le saunoaga ma le faaiuga o le saunoaga i le tusia o se laina mai le fuaitau o lo o i le koluma muamua se ia oo i le faaiuga sao i le koluma lona lua. Atonu e te manao e sue e tamaiti mau mo faamatalaga ua latou le iloa.

    O le Afio Faalua Mai

    Ua na o le Tama Faalelagi

    o le a sili atu ona pupula nai lo le la (MFF 133:49).

    na te silafia

    i lalo mai o le lagi (Galuega 1:11).

    O le a ofu Iesu

    o le a avea ma aso mamalu mo e amiotonu (MFF 2:1).

    Keriso Pepelo

    i ofu mumu (MFF 133:48).

    O le a afio mai Iesu

    i soo se mea i le lalolagi (JS—M 1:31).

    O le Afio Faalua Mai o le a

    o le a faasese i le toatele (JS—M 1:22).

    O e amio leaga o le a

    o le a posiga (MFF 45:42).

    Pe a Afio Mai Iesu,

    o le taimi tonu e afio mai ai Iesu (JS—M 1:40).

    O le a talai e faifeautalai le talalelei

    faaumatia (D&C 29:9).

    O puapuaga o

    taua, oge, faamai, ma mafuie (JS—M 1:28–29).

    O le la o le a

  2. Ia fesoasoani i tamaiti ina ia iloa po o le a le lelei o lo latou saunia mo le Afio Faalua Mai, ia tuuina atu ia i latou fesili o loo i lalo po o nisi fesili e talafeagai ai. Ia malolo i le va o fesili taitasi ina ia tuuina atu ai ia i latou se taimi e mafaufau ai i le lelei o lo latou saunia i lena mea. Ia aua le fai atu i tamaiti e tali leotele mai.

    Afai e afio mai le Faaola i lo’u fale, pe o le a ou manao e:

    • Suia nisi o upu ou te faaaogaina?

    • Nana ni mekasini, tusi, po o video?

    • Suia le alaleo o le televise po o le tape o le televise?

    • Tape le musika o loo ou faalogologo ai?

    • Suia ou lavalava i lavalava sili atu ona lelei?

    • Aveina atu o ia i soo se mea ou te alu i ai?

    • Ia auai o ia faatasi ma au pe a matou faatasi ma au uo?

    • Faitau atili i tusitusiga paia nai lo le tulaga o lo o ou i ai nei?

    • Suia mea ou te faia i lou aiga nai lo mea e masani ona ou faia?

  3. Toe faamanatu ma taulotoina le Mataupu Faavae lona sefulu o le faatuatua faatasi ma tamaiti. Ia faamatala atu o mea e tutupu o lo o taua i lenei mataupu faavae o le faatuatua o ni mea fiafia e mafai ona tatou tulimatai atu i ai pe a toe afio mai Iesu.

  4. Ia aumaia nusipepa ma ia sailia e tamaiti ni faamatalaga e faaalia ai puapuaga ma faigata o lo o tutupu i le lalolagi.

  5. Ia toe faamanatu le faataoto e uiga i taupou e toasefulu mai le lesona 25, ma ia talanoaina mea o lo o aoao mai i lenei faataoto e uiga i mea e tatau ona tatou fai e saunia ai mo le Afio Faalua mai.

  6. Ina ia fesoasoani i tamaiti ia malamalama i se tasi o auala e mafai ona latou saunia ai mo le Afio Faalua Mai, ia talanoaina le upusii lenei mai ia Peresitene Ezra Taft Benson.

    “Tatou te maua mai i le Tusi a Mamona se auala e saunia ai mo le Afio Faalua mai. O lo o faaautu se vaega tele o le tusi i le vaitaimi a o lumanai le afio mai o Keriso i Amerika. O le suesue ma le faaeteete e uiga i lena vaitaimi o le a mafai ona tatou iloa ai pogai na faaumatia ai nisi tagata ona o faamasinoga matautia na uluai oo mai a o lumanai lona afio mai ma le mea na aumaia ai isi tagata ma tuu i le malumalu i le laueleele o Nuumau ma tuu o latou lima i manua o ona lima ma vae” (The Teachings of Ezra Taft Benson, pp. 58–59).

    Ia faamatala atu o mataupu e suesueina mo le tausaga a sau o le Tusi a Mamona lea. O se avanoa matagofie lea e aoao ai i mea e ao ona tatou fai ina ia saunia faaleagaga mo le afio mai o le Faaola.

  7. Usu pe faitau upu o le “Mulimuli i Perofeta” (Tusipese a Tamaiti, itulau, 0 (110), po o le “Pe A Ia Toe Afio Mai” (Tusipese a Tamaiti, itulau, 0 (82).

Faaiuga

Molimau

Ia tuuina atu lau molimau o i latou e usiusitai i poloaiga ma ola amiotonu e mafai ona latou tulimatai atu i le afio faalua mai o Iesu Keriso faatasi ma le agaga fiafia ma le olioli. Ia uunaiina tamaiti ina ia vaavaai mo faailoga o le afio faalua mai o Iesu ma ia saunia faaleagaga mo lenei mea mamalu o le a tupu mai.

Tusi Fautuaina e Faitau i le Fale

Ia fautuaina e suesue e tamaiti le Iosefa Samita – Mataio 1:46–55 i le fale e fai ma se toe faamanatu o lenei lesona.

Tofi se tamaitiiti e faia le tatalo faaiu.