O Le Faamasani Atu i le Feagaiga Fou

Faamoemoega

Ina ia faamasani tamaiti i le Feagaiga Fou ma uunai i latou e suesue tusitusiga paia.

Sauniuniga

Suesue ma le agaga tatalo le 2 Timoteo 3:1–7, 13–17. Ona suesue lea o le lesona ma iloilo pe faapefea ona e manao e aoao atu i tamaiti le faamoemoega autu o le lesona. (Tagai “Saunia o Au Lesona,” i.0 [ vi,] ma le “Aoao Atu Mai Tusitusiga Paia,” i.0 [vii].)
Tusi faitau faaopoopo: Mataupu o le Talalelei, mataupu e 10.
Filifili ia fesili e talanoaina ma gaoioiga e faamauoa ai lea o le a aafia ai tamaiti ma o le a sili ona fesoasoani ia i latou ia mauaina le faamoemoega o le lesona.
Ia saunia ni fasipepa se valu e tusi ai upu nei: Tusitusiga Paia, Tusi Faavae, Tusi Paia, Feagaiga Tuai, Feagaiga Fou, Tusi a Mamona, Mataupu Faavae ma Feagaiga, Penina Tau Tele. (E mafai foi ona e faaaogaina le laupapa nai lo fasipepa.)
Mea e manaomia:
1. Se Tusi Paia po o se Feagaiga Fou mo tamaiti taitasi.
2. Se seti o tusi faavae.

Manatua: Atonu e i ai ni tamaiti i lau vasega e le lelei le faitautusi. Vaai ni auala e fesoasoani ai ina ia latou auai ma le fiafia. E tatau ona i ai ni aafiaga lelei o tamaiti uma faatasi ma tusitusiga paia i vaiaso uma. O lou sagisagi atu i tusitusiga paia o le a fesoasoani ia i latou ina ia mananao e suesue ma latou iloa ai mo i latou lava.

Faalautelega Fautuaina o le Lesona

Tofi se tamaitiiti e faia le tatalo amata.

Gaoioiga e Faatosina Mai Ai

Tuu atu i tamaiti faailo nei ma fai iai e sii o latou lima pe afai ua latou iloa le upu e fetaui ma failo.

Gaoioiga e Faatosina Mai Ai

E fa nei mea:
(Ta’u se igoa o se tamaitiiti i le vasega po o se tasi latou te iloa o loo iai uma tusitusiga paia e fa) o loo iai nei mea.
Ua ta’ua i latou o tusi faavae e fa.
O loo iai afioga a le Atua.
O ia mea o tusi.

Afai e mate mai e tamaiti le upu Tusitusiga Paia, ona faamalamalama lea i ai o lenei lesona o le a aoao ai i latou e uiga i tusitusiga paia ma faamatala lo latou taua i o tatou olaga.

Talanoaga ma Fesili e Faatatau I Ai

Suesue fesili ma mau o loo taua i lalo a o e saunia lau lesona. Faaaoga fesili e te lagona o le a sili ona fesoasoani ai i tamaiti ia malamalama i mau ma faaaoga ai mataupu faavae i o latou olaga. O le faitauina faatasi ma tamaiti o mau i le vasega o le a fesoasoani latou te mauaina ai malamalamaaga i tusitusiga paia.

Talanoaga ma Fesili e Faatatau I Ai

O a tusitusiga paia? E eseese faapefea tusitusiga paia mai isi tusitusiga (2 Timoteo 3:16.)
Aisea e tatau ai ona tatou suesue i tusitusiga paia? O afea e tatau ai ona tatou amata suesue i tusitusiga paia? (2 Timoteo 3:14–15.) Aisea e taua ai le amata ona suesue i tusitusiga paia a o tatou laiti?

Faaali atu au kopi o tusitusiga paia, ma faapipii i luga le fasipepa o loo tusia ai le upu “Tusi Faavae.” Faamatala ua tatou ta’ua tusitusiga paia o tusi faavae aua o tusitusiga paia aloaia tatou te faaaogaina i le Ekalesia.

Valaaulia tamaiti e fetufaai ma le vasega mea ua latou iloa e uiga i tusitusiga paia. A o outou talanoaina tusi taitasi o tusitusiga paia, ia faapipii i luga fasipepa o loo i ai upu talafeagai pe tusi foi upu i luga o le laupapa. (Tagai Mataupu o le Talalelei, mataupu e 10.)

Talanoaga ma Fesili e Faatatau I Ai

O le fea o tusi faavae ua tatou faitau ai e uiga ia Iesu Keriso? Faitau pe tofi se tamaitiiti e faitau fuaiupu o loo taua i lalo: Mose 8:24 (seia gata mai le upu Agaga Paia), Mataupu Faavae ma Feagaiga 20:29, 2 Nifae 25:26, ma le Salamo 83:18 (faamatala o Ieova o se tasi lea suafa o Iesu Keriso). Fesoasoani ia malamalama tamaiti o tusi faavae uma e fa o loo molimau ia Iesu Keriso.
Ia susue e tamaiti a latou Tusi Paia i le itulau o faasino mataupu (lisi o tusi i le Feagaiga tuai ma le Feagaiga Fou). O a vaega tetele e lua ua vaevaeina i ai le Tusi Paia? O le a le lisi o loo i lalo o vaega taitasi? Faamatala o tusi laiti i le Feagaiga Tuai ma le Feagaiga Fou sa tusia e perofeta eseese po o taitai o le Ekalesia. (Afai o i ai se siata o faapuupuuga, ia faamatala foi nei mea i tamaiti.) O fea tatou te maua ai le talaaga o le soifuaga faaletino o Iesu ma lana galuega? (O le Feagaiga Fou.) Ia tilotilo tamaiti i le lisi o le Feagaiga Fou, ma faamatala o lesona o lenei tausaga e taulai i aoaoga mai le Feagaiga Fou.
O ai Mataio, Mareko, Luka, ma Ioane? O a mea na latou tusia? (Fesoasoani ia malamalama tamaiti o nei alii e toafa na latou taitasi ma tusia se tala o le soifuaga o Iesu, e masani ona latou tusia e uiga i le mea e tasi na tupu, ma molimau o ia o le Faaola.) Valaaulia tamaiti e faamatala mai a latou tala ma aoaoga e aupito sili ona fiafia i ai mai le soifuaga o Iesu.
Sue tusi a tamaiti i le Galuega, mataupu 1. Faamatala o le Galuega o loo faamatala mai ai le folafola atu o le talalelei e le Au Aposetolo ina ua mavae le maliu ma le toetu o Iesu. O a ituaiga mea e te manatu na faia e Aposetolo i le taimi o Iesu? O a mea a Aposetolo o aso nei e fai?
Ia toe sue tusi a tamaiti i le itulau faasino mataupu. Faamatala o le tele lava o tusi i le Feagaiga Fou o ni tusi na tusia e Aposetolo a Iesu po o isi taitai o le Ekalesia i tagata o le Ekalesia. Aisea na latou tusi atu ai ia i latou? Faamatala o nei tusi na fesoasoani atu ai i tagata o le Ekalesia i na ona po ia malamalama i le talalelei ma fautuaina ai i latou ina ia faamaoni. O a mea ua i ai i le Ekalesia i ona po nei e pei foi o nei tusi? (O saunoaga a le Au Pulega Aoao i Liahona, faasalalauga i satelite, ma konafesi aoao ma konafesi faasiteki.)

Faamatala o tusi taitasi i le Feagaiga Fou ua vaevaeina i ni mataupu ma fuaiupu ina ia faigofie ai ona tatou sueina se fasi fuaitau i tusitusiga paia.

Talanoaga ma Fesili e Faatatau I Ai

Tusi le Mataio 28:2–9 i luga o le laupapa. O le fea o tusi faavae tatou te maua ai lenei mau? O le fea numera ua ta’u mai ai le mataupu? O le fea numera ua ta’u mai ai fuaiupu? Faitau faatasi nei fuaiupu ma tamaiti. O le a lenei tala? Aisea e taua ai le faamaumauina o lenei tala i tusitusiga paia?

Gaoioiga e Faamauoa Ai

E mafai ona e faaaogaina se tasi pe sili atu foi o nei gaoioiga i soo se taimi o le lesona pe faaaoga foi o se toe iloiloga, otootoga, po o se lu’i.

Fesoasoani i tamaiti e tauloto tusi o le Feagaiga Fou i le faasologa. Atonu e te manao e faaaoga le pese ”O Tusi i le Feagaiga Fou” (More Songs for Children, no. 30). Toe faamanatu tusi pe a mavae ni nai vaiaso..
Talanoaina faatasi ma tamaiti le mataupu lona valu o le faatuatua, ma fesoasoani ina ia latou taulotoina (tagai ”Fesoasoani i Tamaiti e Tauloto Mau” i—). Faamanatu i tamaiti na faaliliuina le Tusi Paia mai faamaumauga tuai sa tusia ma toe tusia foi i lima ma sa i ai ni mea sese i le faaliliuga ma le toe kopiina. E ui lava o le tele o le Tusi Paia e sa’o, ae sa tusia e le perofeta o Nifae o le tele “o mea malamalama ma le taua” (1 Nifae 13:28) ua aveesea. Sa toe iloiloina e le Perofeta o Iosefa Samita le Tusi Paia e ala i musumusuga a le Atua ma faaopoopo vaega sa aveesea pe suia. Ia faamatala o nei vaega ua fesoasoani tatou te malamalama ai i le tele o isi mea e uiga i le talalelei.
Afai e maua le Taiala i Mau (i le lomiga o loo tuufaatasi ai tusi e tolu), tagai i tusi e maua mai ai faamatalaga i le faaiuga o le tusi. Faatusatusa le Mataio 6:13 i le Tusi Paia ma le Mataio 6:14 i le faaliliuga a Iosefa Samita
Faamatala otooto mai vaega nei: faamatalaga i le faaiuga, o le Taiala i Mau, Faafanua ma le Faasino upu o Nofoaga-igoa, ma ata o nofoaga o loo ta’ua i le tusi paia ma talafaasolopito.
Faitau ma talanoaina le Luka 24:27. Fesoasoani ia malamalama tamaiti sa masani ona suesue ma aoao atu Iesu mai tusitusiga paia. O le a le tusi paia na suesueina e Iesu? (O le Feagaiga Tuai.)
Aveese mai fasipepa o upu ma faafefiloi, ma tuu i luga o le fola po o se laulau. Fai ni fesili e pei o nei i tamaiti:
- O fea fasipepa e lua o upu e uiga tutusa? (”Tusitusiga Paia” ma ”Tusi Faavae.”)
- O fea fasipepa e lua o upu o loo ta’ua ai tusi o se vaega o se tusi lona tolu? (”Feagaiga Fou” ma le “Feagaiga Tuai,” o se vaega o le Tusi Paia.)
- O a tusi ua aofia i totonu o tusi faavae? (O le Tusi Paia, Tusi a Mamona, Mataupu Faavae ma Feagaiga, ma le Penina Tau Tele.)
A tali e se tamaitiiti le fesili, ona fai la lea i iai e sau i luma e faapipii ia fasipepa o upu talafeagai.
Usu pe faitau upu o le ”A Ou Suesue i Mau Paia” (Viiga, nu. 174) po o le ”Saili, Mafaufau Loloto, ma Tatalo” (Tusipese a Tamaiti, i–).

Faaiuga

Molimau

Tuuina atu lau molimau i le moni o tusitusiga paia ma lo latou taua i o tatou olaga. Faamatala i tamaiti se taimi i lou olaga na fesoasoani ai ia te oe le faitauinia o tusitusiga paia. Uunai tamaiti e faitau tusitusiga paia i aso taitasi.

Tusi Fautuaina e Faitau i le Fale

Ia fautuaina e suesue e tamaiti le 2 Timoteo 3:14–17 i le fale e fai ma toe faamanatu o lenei lesona.

Tofi se tamaitiiti e faia le tatalo faaiu