Lesona 12
O Le Fale e Fausia i Luga o le Papa
Faamoemoega
Ina ia faamalosia le naunau o tamaiti taitoatasi e usiusitai i poloaiga ina ia avea Iesu Keriso ma lana talalelei ma faavae mautu o lona olaga.
Sauniuniga
-
Suesue ma le agaga tatalo le Mataio 7:24–27, Luka 6:47–49, ma le Mataupu Faavae ma Feagaiga 11:24. Ona suesue lea o le lesona ma iloilo pe faapefea ona e manao e aoao atu le tala faatusi paia (tagai “Saunia o Au Lesona,” i. 0 [vi], ma le ”Aoao Atu Mai Tusitusiga Paia,” i. 0 [vii] ).
-
Tusi faitau faaopoopo: Helamana 5:12 ma le 3 Nifae 14:24–27.
-
Filifili ia fesili e talanoaina ma gaoioiga e faamauoa mai ai lea o le a aafia ai tamaiti ma o le a sili ona fesoasoani ia i latou ia mauaina le faamoemoega o le lesona.
-
Vaai se vaega o tamaiti e usuina le “O le Tagata Poto ma le Tagata Valea” (Tusipese a Tamaiti, i.—) pe sauni foi e usu pe faitau faatasi ma tamaiti i le taimi o le vasega.
-
Fai se pepa lautele e tusi ai le Mataupu Faavae ma Feagaiga 11:24 pe fuafua foi e tusi i luga o le laupapa.
-
Mea e manaomia:
-
Se Tusi Paia po o se Feagaiga Fou mo tamaiti taitasi.
-
Ni nai fasipepa malo e ta’i 3”x5” ma ni nai oneone po o ni masima (filifili e oe).
-
Ata 7-12, Lauga i luga o le Mauga (Taga Ata o le Talalelei 212; 62166).
-
Faalautelega Fautuaina o le Lesona
Tofi se tamaitiiti e faia le tatalo amata.
Fesili i tamaiti pe na latou manatuaina e tatalo i taeao uma ma afiafi o le vaiaso na te’a atu nei. Fesili i ai e faamatala atu o latou lagona ina ua latou faia lea mea.
Gaoioiga e Faatosina Mai Ai
Afai na e popole ma fefe i se taimi na agi ai se afa, ia faamatala mai lena mea na e oo iai. Faamatala pe aisea na e popole ai ma pe o le a foi le mea na e faia ina ia e saogalemu ai. Fesili i tamaiti pe i ai se taimi na fefefe ai ona o se afa, ona valaaulia lea o ni tamaiti e mananao e faamatala mai o latou lagona i le vasega.
O Le Isi Gaoioiga e Faatosina Mai Ai
Faapipii faatasi ni seti se lua o fasipepa malo 3”x 5” i ni fausaga e iloa gofie e pei o se tamai fale. (E le o se mea o le a matuai fai. E fa ni fasipepa malo e faapipii faatasi e fai ai se pusa o le a lelei mo lenei gaoioiga.) Ia faatu e se tamaitiiti se fausaga (fale) se tasi i luga o le laulau, o le isi i luga o oneone po o masima i luga o le laulau. Ona lue lea o le laulau ina ia pauu pepa o loo i luga o le oneone. Fai i tamaiti, o le fale o loo i luga o le oneone e see gofie pe pau foi aua e solo gofie le oneone.
Tala Faatusi Paia
Faamatala le tala e uiga ia Iesu o loo ta’u atu i ona soo le ala e fausia ai se fale i luga o le papa nai lo le oneone, mai le Mataio 7:24–27 ma le Luka 6:47–49. (Mo auala fautuaina e aoao atu ai le tala faatusi paia, tagai i le “Aoao Atu Mai Tusitusiga Paia,” i. vii.) Faamatala o le ola i le talalelei a Iesu Keriso e mafai ona fesoasoani tatou te tetee atu ai i tofotofoga ma fili po o faafitauli i o tatou olaga.
Talanoaga ma Fesili e Faatatau I Ai
Suesue fesili ma mau o loo taua i lalo a o e saunia lau lesona. Faaaoga fesili e te lagona o le a sili ona fesoasoani ai i tamaiti ia malamalama i mau ma faaaoga ai mataupu faavae i o latou olaga. O le faitauina faatasi ma tamaiti o mau i le vasega o le a fesoasoani latou te mauaina ai malamalamaaga i tusitusiga paia.
Talanoaga ma Fesili e Faatatau I Ai
-
O fea na fausia ai e le tagata poto lona fale? (Mataio 7: 24; Luka 6:47-48.) Aisea e te manatu ai e poto o ia?
-
O fea na fausia ai e le tagata valea lona fale? (Mataio 7;26; Luka 6:49.) Aisea e te manatu ai e valea? Aisea e te manatu ai o le a fausia e se tasi sona fale i luga o le oneone? O fea se mea e faigofie atu ona eli ai se faavae—i le oneone po o se faavae maopoopo?
-
O le a le uiga o le “faalogo i upu a Iesu ma faia”?
-
Aisea e te manatu ai na faatusatusa e Iesu se tasi e faalogo i ana aoaoga ma usitai i ai, i le tagata na fausia lona fale i luga o le papa?
-
Aisea e te manatu ai na faatusatusa e Iesu se tasi e faalogo i ana aoaoga ae le usitai i ai, i le tagata na fausia lona fale i luga o le oneone?
Ia usuina e se vaega o tamaiti le “O le Tagata Poto ma le Tagata Valea” (Tusipese a Tamaiti, i. –) pe usu foi po o le faitau faatasi ma le vasega ia upu.
Faitau le fetalaiga a Iesu i le Mataupu Faavae ma Feagaiga 11:24, o se faaaliga na tuuina mai ia Iosefa Samita i lona uso o Ailama. Faapipii le pepa o loo i ai lenei mau pe tusi foi le fuaiupu i luga o le laupapa.
Talanoaga ma Fesili e Faatatau I Ai
-
E tatau i se a ona fausia o tatou fale, po o i nisi faaupuga, o tatou olaga, i luga o le papa o Iesu Keriso ma lana talalelei? (Helamana 5:12.)
Fesoasoani ia malamalama tamaiti o Iesu ma ana aoaoga e na o le pau lea o lo tatou faavae mautu. Afai tatou te fausia o tatou olaga i se isi lava mea, o le a pei o le fausia o se fale i luga o le oneone.
Talanoaga ma Fesili e Faatatau I Ai
-
O a nisi mea e fausia ai e tagata o latou olaga e faaono faatusa i le oneone?
Talanoaina mea e pei o tupe, ta’uta’ua, tausaafia, taaloga, aulelei, ma isi mea. Faamatala o nei mea uma o ni faavae oneone e avea o ni sini autu o le olaga.
Talanoaga ma Fesili e Faatatau I Ai
-
Pe taua ea i o tatou olaga le sailia o tupe, taaalo i taaloga ma faia faamalosi tino, faia o ni uo ma faia ni mea lelei mo latou? Aisea?
Faamatala tatou te moomia tupe e faatau ai meaai, lavalava ma isi mea. E taua foi uo ma galuega i o tatou olaga. Ae afai o le a sili atu le taua o nei mea nai lo le mulimuli i le Faaola ma le ola i le talalelei, o le a mafai ona tatou lē maua faamanuiaga o le ola faavavau.
Talanoaga ma Fesili e Faatatau I Ai
-
Aisea na auina mai ai i tatou e le Tama Faalelagi i le lalolagi?
-
O a ni auala patino e mafai ai ona tatou fausia o tatou olaga ia Iesu Keriso ma ana aoaoga?
Gaoioiga e Faamauoa Ai
E mafai ona e faaaogaina se tasi pe sili atu foi o nei gaoioiga i soo se taimi o le lesona pe faaaoga foi o se toe iloiloga, otootoga, po o se lu’i.
-
Tufa ia tofu le tamaitiiti ma le fasipepa o loo i ai upu O Iesu Keriso o lo’u faavae mautu aua o loo tusia ai i le pito i luga. Fai i tamaiti e tusi uma lava ni mea e mafai ona latou mafaufau i ai, i luga o le pepa e faauma ai le fuaiupu. Ona fai lea i ai e ta’u atu a latou tali. Afai e le’i mafaufau i mea nei, ia mautinoa ua e ta’uina i ai:
E alofa o Ia ia te au.
Na ia aoao mai au i le ala sa’o ou te ola ai.
Na ia faatuina se faataitaiga mo au.
Na ia tuuina mai lona soifua mo au.
Na puapuagatia o ia ona o au agasala.
O le a ou toetu ona o ia.
O ia ua mafai ai ona ou toe foi atu i lo’u Tama Faalelagi.
-
Ia faauma e tamaiti taitoatasi le fuaiupu “O le a ou fausia lo’u olaga i luga o le Faaola e ala i le .” O tali e mafai ona, auai i afiafi faaleaiga, fesoasoani i le aiga, totogi o sefuluai, tatalo, usiusitai i le Upu o le Poto, ta’u o le mea moni, agalelei i isi, faitau o tusitusiga paia, fai lelei o lavalava, ma isi mea. Ia tuu le avanoa i tamaiti uma, tuu i ai se fautuaga pe a manaomia. Atonu e te manao e faaauau pea ma o le mea taua o le mafai lea ona mafaufau i se tulafono e ta’u mai. Ia faamanino e na o le pau le auala e mafai ai ona maua le ola e faavavau o le usiusitai lea i tulafono o le talalelei. Atonu e te manao e tusi i nisi fasipepa mea o loo ta’u mai e tamaiti taitasi ma faapipii i se maa mo i latou e ave i le fale.
-
Sue e tamaiti mau nei ina ia iloa ai pe o le a le fetalaiga a Iesu e uiga i le usitai. Faamanatu ia i latou o le usiusitai i poloaiga a Iesu, tatou te fausia ai o tatou olaga i se faavae mautu.
-
Toe faamanatu ma tamaiti le mataupu lona tolu o le faatuatua.
-
Fesoasoani ia tauloto e tamaiti le Mataupu Faavae ma Feagaiga 11:24 mai le siata po o le laupapa.
Faaiuga
Molimau
Faaali atu lou alofa i le Faaola ma molimau atu o poloaiga uma lava ua ia tuuina mai ia i tatou o le a fesoasoani ina ia tatou fiafia ma o le lē usiusitai, e taitai atu ai i tatou i le faanoanoa. Atonu e te manao e faamatala atu se mea na e oo i ai na faamanuiaina ai oe i le ola i le talalelei.
Tusi Fautuaina e Faitau i le Fale
Ia fautuaina e suesue e tamaiti le Mataio 7:24–27 i le fale e fai ma toe faamanatu o lenei lesona.
Tofi se tamaitiiti e faia le tatalo faaiu.