O Le Auauna Lē Loto Faamagalo

Faamoemoega

Ina ia fesoasoani i tamaiti taitasi ia maua atili i le loto faamagalo.

Sauniuniga

Suesue ma le agaga tatalo le Mataio 18:21–35; 6:12, 14–15; ma le Mataupu Faavae ma Feagaiga 58:42. Ona suesue lea o le lesona ma iloilo pe faapefea ona e manao e aoao atu le tala faatusi paia. (Tagai “Saunia O Au Lesona,” i. 0 [vi,] ma le “Aoao Atu Mai Tusitusiga Paia,” i. 0 [vii] ).
Tusi faitau faaopoopo: Efeso 4:32, Mataupu Faavae ma Feagaiga 64:8–10.
Filifili ia fesili e talanoaina ma gaoioiga e faamauoa mai ai lea o le a aafia ai tamaiti o le a sili ona fesoasoani ia i latou ia mauaina le faamoemoega o le lesona.
Mea e manaomia:
1. Se Tusi Paia po o se Feagaiga Fou mo tamaiti taitasi.

Faalautelega Fautuaina o le Lesona

Tofi se tamaitiiti e faia le tatalo amata.

Gaoioiga e Faatosina Mai Ai

Fai i tamaiti e faatele le 70 i le 7.(E mafai ona e tusia le numera i luga o le laupapa.)

Gaoioiga e Faatosina Mai Ai

Pe o le tali ea o se numera tele? O le a le umi e te faitauina ai?

Fai atu i se tamaitiiti e faitau le Mataio 18:21–22

Faamatala atu o lenei numera ua ia aoao mai ia i tatou se lesona taua e uiga i le faamagalo atu. Sa aoao mai Iesu ia i tatou ina ia tatou maua le agaga o le faamagalo atu i le tasi. (Ia tagai foi i le vaega lona 4 o le gaoioiga e faamauoa ai.)

Tala Faatusi Paia

Aoao atu le tala i le auauna le faamaoni mai le Mataio 18:21–35. (Mo ala fautuaina e aoao atu ai le tala faatusi paia, tagai “Aoao Atu Mai Tusitusiga Paia,” i. vii.) Atonu e lelei lenei tala i le faatino. O oe po o se tamaitiiti foi e mafai ona faitauina fuaiupu ao lo o faatino e isi tamaiti vaega a le tupu, o le auauna le faamaoni, o ana auauna, ma isi auauna.

Talanoaga ma Fesili e Faatatau I Ai

Suesue fesili ma mau o lo o taua i lalo a o e saunia lau lesona. Faaaoga fesili e te lagona o le a sili ona fesoasoani ai i tamaiti ia malamalama i mau ma faaaoga ai mataupu faavae i o latou olaga. O le faitauina faatasi ma tamaiti o mau i le vasega o le a fesoasoani latou te mauaina ai malamalamaaga i tusitusiga paia.

Talanoaga ma Fesili e Faatatau I Ai

O le a le mea na manatu le tupu na te faia muamua i le alii ua aitalafau ia te ia i ana taleni e 10,000? (Mataio 18:25.) Faamatala atu o le taleni o se tino i tupe tele.
Aisea na toe suia ai le mafaufau o le tupu? (Mataio 18:26.) O a ni ona lagona i ana auauna? (Mataio 18:27.) O le a sou manatu i le uiga o le alofa mutimutivale?
O le a le mea na faia e le auauna ina ua faamagaloina lana aitalafu? (Mataio 18:28.) O le a le mea na manao ai le auauna na aitalafuina le 100 pene (o se aofaiga laititi) mai le auauna sa aitalafu le 10,000 taleni? (Mataio 18:29.) O a ni uiga o le auauna na faaali atu i le aioi a lona uso auauna? (Mataio 18:30.) O le a le mea na faia e le tupu ina ua ia iloa le mea ua tupu? (Mataio 18:31–34.)
O a ni taimi tatou te faapei ai o le auauna le faamaoni? pei o le tupu? O le a sou lagona pe a e faamagalo atu i isi? pe a e le faamagalo atu?
O le a se aoaoga ua tatou maua mai le eseesega o aitalafu a auauna e toalua?
O le a le mea na taumafai Iesu e aoao atu i tagata i le faataoto i le auauna le faamaoni? O le a le mea na aoao mai e Iesu ia i tatou e tatau ona tatou faia ina ia tatou maua ai le loto faamagalo?

Fesili atu i tamaiti pe o latou manatuaina le fuaiupu o le lauga a Iesu i le Mauga e faatatau i le loto faamagalo? Tuu atu ia i latou e susue a latou Tusi Paia i le Mataio 6:12 ma faitau faalua le fuaiupu lenei. Ia faitau foi le fuaiupu e 14 ma le 15.

Talanoaga ma Fesili e Faatatau I Ai

Fesili i tamaiti e mafaufau i se taimi na faia ai se uiga agaleaga e se tasi ia i latou. Na faapefea ni o latou lagona ona o lena uiga agaleaga? O le a le mea na latou fai? O le a le mea na aoao mai e Iesu tatou te faia i na tulaga? Pe na faigofie ea ona faamagalo atu? E mafai faapefea ona tele atu lo tatou faamagalo atu? Faamatala atu e le tatau lava i soo se tasi ona faatiga i se isi, ma afai e faatiga e se tasi tamaiti, e tatau ona latou ta’u i o latou matua, pe ta’u i se isi tagata matua latou te talitonuina, po o le epikopo foi.
O a ni ou lagona pe a e faia se mea leaga i sau uo po o se tasi o le tou aiga, ae ua e fiu e faamalie lena tagata ae na te lē faamagaloina lava oe?
Afai tatou te faia se mea sese ona tatou salamo lea ma fesili atu i le Alii mo se faamagaloga, o le a le mea na ia tauina mai o le a ia faia? (MFF 58:42.)
O le a le fetalaiga a Iesu ina ua fesili Peteru ia te ia pe faafia ona ia faamagalo atu i se tasi ua agaleaga mai ia te ia? (Mataio 18:21–22.) O le a le mea na taumafai Iesu e aoao atu ia Peteru? (E le faatapulaaina taimi tatou te faamagalo atu ai i isi.)

Gaoioiga e Faamauoa Ai

E mafai ona e faaaogaina se tasi pe sili atu foi o nei gaoioiga i soo se taimi o le lesona pe faaaoga foi o se toe iloiloga, otootoga, po o se lu’i.

Tuu atu i tamaiti taitasi se pepa ma se penitala. Fai atu i ai e tusi le a, e, i, o, u, f, ma le g agai i lalo i le isi itu o le pepa ona tali lea o fesili nei e faatatau i le loto faamagalo. O fesili uma e mafai ona tali i le ioe po o le leai.
1. Pe ua e faamagalo atu ea pe a e fai atu, “Ou te faamagaloina oe, ae ou te le faagaloina lau mea na fai?”
2. Pe ua e faamagalo atu ea pe a e fiafia ina ua tupu se mea leaga i se tasi sa agaleaga mai ia te oe”?
3. Pe ua e faamagalo atu ea pe a fasi oe e lou tuagane po o lou uso ae e te le ita”?
4. Pe ua e faamagalo atu ea pe a e manao e taui atu i se tasi sa agaleaga mai ia te oe”?
5. Pe ua e faamagalo atu ea pe a e le toe talanoa atu i se tasi sa agaleaga mai ia te oe”?
6. Pe ua e faamagalo atu ea pe a e tu mo se tasi sa agaleaga mai ia te oe”?
7. Pe ua e faamagalo atu ea pe a faia ni upu le alofa i se tasi sa e iloa sa agaleaga mai ia te oe”?
Talanoaina le taua o le uiga o le faamagalo atu a o outou talanoa i tali o lenei suega.
Tuu atu i se tamaitiiti e faitau le Mataupu Faavae ma Feagaiga 64:8–10. Vaevae fuaiupu nei i ni vaega ona tuu atu lea i tamaiti e faamatala mai se vaega i le vasega. E mafai foi ona e vaevaeina le vasega i vaega ona tuu atu lea i vaega taitasi e talanoaina le uiga o lenei mau. Tuu atu e fetufaai o latou manatu, ma fesoasoani ia i latou ina ia malamalama ua faatonuina i tatou e faamagalo atu i isi.
Uunai tamaiti e tauloto le Mataupu Faavae ma Feagaiga 64:10 po o le Mataio 6:14–15.
Tuu atu i tamaiti pepa ma penitala po o maka. Fai atu ia i latou e tusia ni sikuea po o ni faatafafa se fitu i luga o a latou pepa. Ona toe fai atu lea i ai e tusi nisi seti se fitu o sikuea taifitu.Tau atu i tamaiti o le sefulu faatele i le aofaiga o sikuea o lo o i luga o a latou pepa, o le aofaiga lena o taimi na fetalai ai Iesu tatou te faamagalo atu ai i le isi. Sa ia aoaoina tagata ina ia latou faamagalo atu i isi.
Usu pe faitau upu o le “Fesoasoani Mai Le Tama Pele” (Tusipese a Tamaiti, i.—).

Faaiuga

Molimau

Tuuina atu lau molimau i le taua o le faamagalo atu e pei ona aoao mai e Iesu. Fesoasoani atu i tamaiti ina ia latou malamalama, afai latou te faamagalo atu, ua latou agavaa i le faamagaloga a le Tama Faalelagi.

Tusi Fautuaina e Faitau i le Fale

Fautua atu i tamaiti e suesue le Mataio 18:21–35 i le fale e fai ma toe faamanatu o lenei lesona.

Tofi se tamaitiiti e faia le tatalo faaiu.