Lesona 17

O Faataoto i le Lulu Saito ma le Saito ma le Titania

Faamoemoega

Fesoasoani i tamaiti ina ia malamalama ma iloa ona faatusatusa savali faaleagaga i faataoto e lua na aoao atu e Iesu.

Sauniuniga

1. Ia suesue ma le agaga tatalo le Mataio 13:1–9, 18–30, 37–43; Mareko 4:14–20; Luka 8:11–15; ma le Mataupu Faavae ma Feagaiga 86:1–7. Ona suesue lea o le lesona ma iloilo pe faapefea ona e manao e aoao atu le tala faatusi paia. (Tagai “Saunia o Au Lesona,” i. 0 [vi], ma le “Aoao Atu Mai Tusitusiga Paia,” i. 0 [vii] ).

2. Tusi faitau faaopoopo: Mareko 4:1–9, Luka 8:4–8, ma le Mataupu Faavae ma Feagaiga 101:65–66.

3. Filifili ia fesili e talanoaina ma gaoioiga e faamauoa mai ai lea o le a aafia ai tamaiti ma o le a sili ona fesoasoani ia i latou ia mauaina le faamoemoega o le lesona.

4. Mea e manaomia:

   1. Se Tusi Paia po o se Feagaiga Fou mo tamaiti taitasi.

   2. O se pepa mo tamaiti taitasi o lo o i ai se “Paso O Se Savali Natia” po o se paso lapoa mo le vasega atoa.

      Paso o se Savali Natia

      1	2	3	4	5	6	7	8	9	1	2	3	4	5	6	7
      8	9	T	A	T	O	U	1	2	A	O	A	O	9	3	4
      5	6	7	8	9	1	2	3	4	5	6	7	8	9	1	2
      3	4	M	A	I	5	6	7	8	9	1	2	3	4	5	6
      7	8	9	1	2	3	4	5	6	7	8	9	1	2	3	4
      F	A	A	T	A	O	T	O	5	6	7	8	9	1	2	3
      4	5	6	7	8	9	1	2	3	4	5	6	7	8	9	1

Faalautelega Fautuaina o le Lesona

Tofi se tamaitiiti e faia le tatalo amata.

Gaoioiga e Faatosina Mai Ai

Tuu atu i tamaiti pepa sa e saunia po o le faaali atu foi o le paso lapoa ma fai atu i tamaiti e saili mai le savali o lo o natia i totonu o fuainumera.

Faamatala atu pe a aoao atu Iesu i tagata, o nisi taimi na te aoao atu i faataoto, po o ni tala pupuu o lo o natia ai se savali faaleagaga.

Tala Faatusi Paia ma Talanoaga ma Fesili e Faatatau I Ai

Aoao atu i tamaiti le faataoto e uiga i le lulu saito (o se tagata toto fatu) ma le faataoto i le saito ma le titania. (Mo ala fautuaina e aoao atu ai le tala faatusi paia, tagai “Aoao Atu Mai Tusitusiga Paia,” i. 0 ( vii.) Faamatala atu pe a aoao atu Iesu i faataoto, na te faaaogaina mea e malamalama i ai tagata e aoao atu ai savali faaleagaga. Ao e talanoaina la nei faataoto, ia tuu atu i tamaiti e faalogo mo le savali natia faaleagaga.

Tala Faatusi Paia ma Talanoaga ma Fesili e Faatatau I Ai

1. O le Faataoto i le Lulu Saito (Mataio 13:1–9, 18–23; Mareko 4:14–20; Luka 8:11–15)

   • I le faataoto i le lulu saito, o le a le mea sa talanoaina e Iesu sa malamalama i ai tagata? (Mataio 13:3–8.)

   • Faitau faatasi ma le vasega le Mataio e 13:18–23, Mareko 4:14–20, ma le Luka 8:11–15. O le a sou manatu o le a le fatu? O a mea o loo suitulaga ai manu felelei? O le a le mea papa? O le a le vaotuitui? O le a le eleele lelei? O a aa? O a popolega o le lalolagi?

   • E faapefea ona tatou aoao le upu a le Atua?

   • E faapefea ona tatou mauaina le upu a le Atua? O le a le ituaiga “eleele” e tatau ona i ai tatou? (Mataio 13:23.)

   • O le a le savali faaleagaga natia o lo o i ai i le faataoto i le lulu saito?

2. O le Faataoto i le Saito ma le Titania (Mataio 13:24–30)

   • O a nisi mea na talanoaina e Iesu i le faataoto i le saito ma le titania?

   • O ai e te manatu o le lulu saito i lenei faataoto? O le a le mea o lo o suitulaga ai le saito? O ai o lo o sau i le po ma lulu le titania? O le a le mea o lo o suitulaga ai le seleselega? Faitau faatasi ma tamaiti le Mataio 13:37–43 ma le Mataupu Faavae ma Feagaiga 86:1–7 ma toe fai i ai fesili nei.

   • E te manao e avea oe faapei o le saito pe faapei o le titania? Aisea?

   • O le a le savali faaleagaga natia o lo o i lenei faataoto?

Gaoioiga e Faamauoa Ai

E mafai ona e faaaogaina se tasi pe sili atu foi o nei gaoioiga i soo se taimi o le lesona pe faaaoga foi o se toe iloiloga, otootoga, po o se lu’i.

1. Ia faia se siata e talitutusa ma le siata o lo o i lalo e fesoasoani ai i tamaiti ina ia malamalama i le uiga o nei faataoto e lua, po o le tusia foi o faamatalaga i luga o le laupapa ao talanoaina faataoto. A maea uma loa ona e tusia faamatalaga, ona toe talanoaina lea e toe faamanatu. Atonu e te manao i tamaiti e faia ni a latou lava kopi o siata.

   Faataoto i le Lulu Saito

   Fatu	Talalelei a Iesu Keriso po o le upu a le Atua
   Eleele	Loto o i latou o lo o faalogo i le upu
   I le auala	Lē malamalama
   Mea papa	Faalogo ae leai ni aa; vave ona faaleaogaina
   Vao tuitui	Fememea’i ona o popolega ma ‘oa o le lalolagi
   Eleele lelei	Faalogo ma malamalama
   Manu felelei	Satani
   Fua	Galuega lelei

   Faataoto i le Saito ma le Titania

   Lulu Saito	Iesu Keriso ma ona Aposetolo
   Fatu lelei (saito)	O ē mulimuli ia Iesu
   Faatoaga	Lalolagi
   Titania (vao)	Satani
   Sele saito	O ē mulimuli ia Satani
   Seleselega	Agelu
   	O le afio faalua mai o Iesu

2. Ia aumai se fatu o soo se ituaiga (fualaau, fualaau aina, araisa, saito, pi). Talanoaina mea e manaomia e fatu ina ia ola ma aumaia ai ni fua lelei. Fesili atu i tamaiti pe o a mea e tutupu i fatu e toto i tafatafã ala, mea papa, po o totonu o vao tuitui. Ia faatusatusa lea tulaga i le totoina o le upu a le Atua i lou loto. Tuu atu i tamaiti e talanoaina po o a ituaiga fatu o lo o suitulaga ai ituaiga eleele pe o le a foi le mea e mafai ai e le talalelei ona ola ma aumaia ni fua lelei i o tatou olaga.

3. Tusi i lalo upu nei taliga, mata ma le fatu i luga o le laupapa.

   • O a au mea e fai i ou taliga? mata? fatu? Tuu atu i tamaiti e faitau le Mataio 13:15. O le a le mea na fetalai mai ai Iesu e tatau ona tatou faia i ia vaega o o tatou tino? Faataitai lenei fuaiupu i faataoto ma le talalelei. Afai ua tatou faalogo i afioga a le Atua, ma tatou vaavaai i le moni o loo i ai, ma faia mea ua finagalo Iesu tatou te faia, o le a avea i tatou faapei o ai i nei faataoto?

4. Tuu atu i tamaiti e lolomi, valivali, po o le vasevase foi o mataitusi o loo i le paso o le savali natia po o le paso lapoa foi ina ia iloa gofie ai na o upu. Tuu atu i tamaiti taitoatasi e tau mai se mea ua latou aoaoina mai i nei faataoto.

5. Faitau faatasi ma tamaiti nisi o faataoto o loo i le Mataio 13 ma fesoasoani ia i latou e filifili po o a o latou uiga. Mo se fesoasoani ina ia malamalama i nei faataoto, tagai i le James E. Talmage, Iesu le Keriso, mataupu 19 po o “Faataoto” i le Taiala i Tusitusiga Paia.

Faaiuga

Molimau

Molimau atu o Iesu Keriso o lo tatou Faaola ma afai tatou te aoao i ana afioga ma tausia ana tulafono, o le a avea i tatou faapei o le Tama Faalelagi ma tatou toe mafuta faatasi ma ia.

Tusi Fautauina e Faitau i le Fale

Ia fautuaina tamaiti e suesue i le Mataio 13:1–9 i le fale e fai ma toe faamanatu o lenei lesona.

Tofi se tamaitiiti e faia le tatalo faaiu.