Ny Fihaonamben’ny Fiangonana maneran-tany tao anatin’ireo taona maro nifandimby
Amin’izao faha-190 taonany izao, dia fomba fanao hatry ny ela isaky ny aprily sy ôktôbra ny fihaonamben’ny Fiangonana maneran-tany, saingy nisy fiovana vitsivitsy mahaliana rehefa nandeha teny ny taona:
-
1830
Roa volana taorian’ny nanorenana ny Fiangonana dia i Joseph Smith no niahy ny fihaonamben’ny Fiangonana voalohany tao Fayette, New York. Mpikambana teo amin’ny 30 teo sy olona hafa maro no nanatrika izany.
-
1850
Namoaka ny tatitra feno voalohany momba ny fihaonambe ny Deseret News satria afaka nandika ireo lahateny tamin’ny sorapohy i George D. Watt, izay mpanao gazety tanora iray.
-
1867
Natao nandritra ny efatra andro ny Fihaonamben’ny Fiangonana fa tsy telo andro toy ilay nahazatra satria nisafidy ny mbola hijanona iray andro ankoatra izay ny mpiangona.
-
1924
Izay no fotoana voalohany nampiasana mikrao teny amin’ny polipitra tao amin’ny Tabernakely. Teo aloha dia niantehitra tamin’ny hamafin’ny feony ireo mpandaha-teny mba handrenesan’ny olona azy ireo.
-
1949
Noho ny fampiasana fakan-tsarimihetsika tao amin’ny Tabernakely dia nampitaina voalohany tamin’ny fahitalavitra ny fihaonambe.
-
1962
Nadika voalohany tamin’ny fiteny hafa tao amin’ny Tabernakely ireo lahateny, dia ny Alema, ny Danoa, ary ny Espaniôla izany. Ankehitriny dia adika amin’ny fiteny mihoatra ny 90 ireo lahateny.
-
1967
Nampitaina tamin’ny fahitalavitra tamin’ny sary maro loko ny Fihaonamben’ny Fiangonana maneran-tany. Nisalotra palitao manga tanora ireo lehilahy tao amin’ny Amboaram-peon’ny Tabernakely, ary nanao lobaka miloko saumon ireo vehivavy.
-
1977
Ny fihaonambe izay naharitra telo andro ary nahitana fivoriana maneran-tany miisa enina dia lasa niova ho nandritra ny roa andro ary nahitana fivoriana maneran-tany miisa dimy.
-
2000
Nampiantrano ny fihaonamben’ny Fiangonana maneran-tany voalohany tao aminy ny Ivon-toeran’ny Fihaonambe vaovao ao Salt Lake City, izay nahazaka olona 21,000.
Sary fanehoana fitoerana mitohatohatra nataon’i David Green; sarina fahitalavitra avy amin’ny Getty Images