1 Ao ngkanne, aikai ana taeka Amon nakoia tarina, are e bon kangai: Tariu mwaane ao tariu, nooria I taku nakoimi, ai mwaitira bukin ae ti riai ni kimwareirei; bwa ti bon kona ni kantaningaia ngke ti moan ^amwananga man te aba are Taraemera bwa te Atua e na anganiira kakabwaia aika rang korakora?

2 Ao ngkai, I titirakiningkami, Baikara kakabwaia aika a korakora ake e a tia ni katokai i aomi? Kam kona n taekin?

3 Nooria, I kaeka ibukimi; bwa tarira ake Reimwanaite, a mena n te roo, eng, n te bwangabwanga ae rootongitong, ma nooria, ai ^amwaitira mai i buakoia ake a kairaki bwa a na noora ootan te Atua ae kamimi! Ao aio te kakabwaia are e a tia ni katokaki i aora, bwa ti a tia ni karikaki bwa ^bbwaai ni mwakuri ngaira ni bain te Atua bwa ti na kakoroa bukin te mwakuri ae korakora aio.

4 Nooria, ^angaa ma ngaa mai i buakoia ake a kimwareirei, ao a tia ni kairaki nakon ana nanai te Atua.

5 Nooria, e a tai te ^atawaana, ao kam na kakabwaiaki, bwa kam kabongana te ^bbiti ni koro wiita ae kakang, man rikoi uaa ma korakorami ni kabane, eng, e bong ami bong ni mwakuri; ao noora mwaitin ami ^cikota ni wiita! Ao a na ikotaki nakon te auti ni wiita, bwa a na aki bakataeaki.

6 Eng, a na bon aki oreaki n te angibuaka n te kabanea ni bong; eng, ao a na aki naba kamaenakoaki n te ukeukenanti; ma ngkana e roko te ^aangibuaka ao a na ikotaki ni neia, ao te angibuaka e aki kona n rotiia; eng, ao a na aki naba kakibakibaki n aang aika a korakora nakon taabo ake ami kairiribai a uotia nako iai.

7 Ma nooria, a mena i nanon bain Uean te ^atai, ao bon ana bwai; ao e na ^bkateirakeia n te kabanea ni bong.

8 E na kakabwaiaki aran Atuara; ti na ^aanenea neboana, eng, ti na ^bkarabwarabwa nakon arana ae tabu, bwa e mwakuria te raoiroi n taai nako.

9 Bwa ngke ti aki otinako man te aba are Taraemera, tarira aika a tangiraki aikai, are a bon rang tangirira, a na bon korakora aia ^akairiribai nakoira, eng, ao a na riki bwa ianena iroun te Atua.

10 Ao e koro bukina bwa ngke Amon e taekin taeka aikai, tarina are Aaron e boaia, ni kangai, Amon, I raraoma bwa kimwareireim e a uotiko nakon te kamoamoa.

11 Ma Amon e taku nakoina: I aki ^akamoamoa n oin korakorau, ke ni wanawanau; ma nooria, e a onrake au ^bkimwareirei, eng, e a onrake nanou n te kimwareirei, ao N na kimwareirei iroun Atuau.

12 Eng, I ataia bwa bon te akea ngai; ao ni korakorau I bon mamaara: ngaia are N aki ^akamoamoai, man na kamoamoa iroun Atuau, bwa ni ^bkorakorana ao I kona ni karaoi bwaai ni kabane; eng, nooria, a mwaiti kakai aika a mwaiti ake ti a tia ni karaoi n te aba aei, are ti na neboa arana iai n aki toki.

13 Nooria, irangaa mai i buakoia tarira are e a tia ni kabwaraia man marakin ^amoone; ao a kairaki nakon ^banenean kunan ana tangira ni kabomwi, ao aio ibukin mwaakan ana taeka are e mena iroura, ngaia are tiaki bwa e korakora bukin ae ti riai ni kimwareirei?

14 Eng, e riai bwa ti na neboa arana n aki toki, bwa bon ngaia te Kabanea n Rietata n Atua, ao e a tia ni kabwaraia tarira man ana ^ataurekereke moone.

15 Eng, a otabwaniniaki n te roo ae aki toki ma te kamaunaki; ma nooria, e a tia n uotia nakon ^aootana ae aki totoki, eng, nakon ana kamaiu ae aki totoki; ao a otabwaniniaki ni korakoran ana tangira ae akea kabootauana; eng, ao ti a bon tia n riki bwa bwaai ni mwakuri i nanon baina n te mwakuri ae korakora ma ni kamimi aio.

16 Ngaia are, ti na ^akakatonga, eng, ti na ^bkakatonga iroun te Uea; eng, ti na kukurei, bwa e a onrake kimwareireira; eng, ti na neboa Atuara n aki toki. Nooria, bwa antai ae kona n tau aron kakatongana iroun te Uea? Eng, antai ae kona n tau aron ana taeka ibukin korakoran mwaakana, ma ana ^cnanoanga, ma ana taotaonannano i nanon te tai ae maan nakoia natia aomata? Nooria, I taku nakoimi, I aki kona ni kabwarabwara are e uarereke are I namakinna.

17 Antai ae kona ni katautaua bwa Atuara e na nanoangaira n te aro are e na buritiira man arora ni buakaka, n onrake n te bure, ao ni barekareka?

18 Nooria, ti mwananga ma te un, ma arora ni kakamaku ae korakora bwa ti na ^akamauna ana ekaretia.

19 O ngkanne, e aera ngke e aki kataua bwa ti na kamaunaki n te aro ae buakaka, eng, e aera ngke e aki kariaia bwa e na bwakarira ana kabaang ni momotiraoi, ma ni motikia bwa ti na bwaina te nanokawaki ae akea tokina.

20 O, tamneiu, e kuri ni kitanai ibukin iangoana. Nooria, e aki kabongana ana momotiraoi iaora, ma i nanon ana nanoanga ae korakora e uotira riaon ^akamwanokun te mate are aki totoki ma te nanokawaki, nakon kamaiuan tamneira.

21 Ao nooria ngkanne, tariu, antai ^ate aomata ae e kona n atai bwaai aikai? I taku nakoimi, bon akea ae ^batai bwaai aikai, ti ake a nano ni kan rairaki.

22 Eng, ane e ^arairananona ma ni kamwakura ana ^bonimaki, ma ni karaoi mwakuri aika a raraoi, man aki toki n tataro—ao naakai ake a na anganaki te kona n atai ana ^cmwakuri aika a raba te Atua; eng, a na bon anganaki naakai kaotakin bwaai aika a bon tuai ni kaotaki; eng, a na bon anganaki naakai te kona ni kairia ngaa ma ngaa aomata nakon te rairannano, n aron are tia bon ti a n anganaki te kona ni kairia tarira nakon te rairannano.

23 Ao ngkanne kam uringnga, tariu, are ti taku nakoia tarira n te aba are Taraemera, ti na waerake nakon te aba are Nibwaai, ni kabwarabwara nakoia tarira, ake Reimwanaite, ao a ngareakinira ni bwainingareira.

24 Bwa a taku nakoira: Kam katautaua bwa kam kona ni kairia Reimwanaite nakon ataakin te koaua? Kam katautaua bwa kam kona ni kairoroia Reimwanaite bwa a na kakoaua kairuan aia ^akatei tamaia, bwa bon aomata aika a ^bbonotaninga; are e kukurei nanoia ni kawawaean te raraa; ao e babane aia bong i nanon te buakaka ae koro arona; ao aia waaki bon ana waaki te tia bure ma i moana? Ao ngkanne tariu, kam uringnga bwa aio aron aia taetae ni kawai.

25 Ao i rarikin anne ao a bon taku: Ti na anai ara bwai ni buaka ni kaaitaraia, bwa ti na tiringia ma aia buakaka man te aba, bwa mwiina a na taonira nako man tiringira.

26 Ma nooria, tariu aika kam tangiraki, ti roko nakon te rereua tiaki ma te nano ni kan tiringia tarira, ma te nano bwa tao ti na kona ni kamaiuia tamneia tabemwaang.

27 Ao ngkanne ngke a rawawata nanora, ao ti nang moanna n oki, nooria, te Uea e ^akabebetei nanora, man taku: Nako i buakoia tarimi, ake Reimwanaite, ao ^btaotaon nanomi nakon ^ckarawawatakimi, ao N na anganingkami te nakoraoi.

28 Ao ngkanne nooria, ti a roko, man tia ni waaki i buakoia; ao ti a tia n taotaon nanora ni kainnanora, ao ti a tia ni kainnano n akean arora; eng, ti a tia ni mwananga man te mwenga teuana nakon te mwenga teuana, n onimakina ana nanoanga te aba—tiaki ti ana nanoanga te aba n ti ngaia ma ana nanoanga naba te Atua.

29 Ao ti a tia n rin ni mwengaia man reireinia, ao ti a tia n reireinia n te kawai; eng, ao ti a tia n reireinia iaon aia tabuki; ao ti a tia naba n rin n aia tembora ma aia auti n nebo man reireinia; ao ti a a tia n teweaki nako, ma ni bwainingareaki, ma ni bawareaki, man oreaki tabara; ao ti a tia ni kabakaaki n te atibu, man uotaki ni kabaeaki ma kabaebae aika a matoatoa, man teweaki nakon te nne ni kaikain; ao ma ni mwaakan ma wanawanan te Atua ao ti a manga kamaiuaki riki.

30 Ao ti a tia ni kainnanoaki n aekan karawawata nako, ao a riki aikai bwa tao ti na riki ngaira bwa te anga are a na kamaiuaki iai tabeman aomata; ao ti katautaua bwa ara ^akimwareirei e na onrake ngkana ti kona n riki bwa kawain kamaiuaia tabemwaang.

31 Ao ngkanne nooria, ti kona n taratara ma n taraa uaan ara mwakuri; ao tao ti tabeua? I kangai nakoimi, Tiaki, a bon ^amwaiti; eng, ao ti kona ni kakoaua nanoia ni koaua, ibukin aia tangira nakoia tariia ao nakoira naba.

32 Bwa nooria, a bon kukurei riki ni ^akarean maiuia nakon ae a na anaa maiuin aia kairiribai; ao a tia n ^btauni aia bwai ni buaka inano i an tano, ibukin tangiraia tariia.

33 Ao ngkanne nooria I taku nakoimi, iai riki te tangira ae korakora riki ni kabuta te aba? Nooria, I taku nakoimi, Tiaki, bon akea, akea naba i buakoia Nibwaite.

34 Bwa nooria, a bon tangiria n anai aia bwain ni buaka ni kaaitaraia tariia; bwa a rawa bwa ana tiringaki. Ma nooria mwaitira mai i buakoia naakai ake a tia ni kawenei maiuia; ao ti ataia bwa a nako ni kawara Atuaia, ibukin aia tangira ao ribakin te bure.

35 Ao ngkanne tiaki bwa iai bukina bwa ti riai ni kukurei? Eng, I taku nakoimi, bon akea riki aomata ae a riai riki ni kukurei n ai arora, ma ngke e karikaki te aonaba; eng, ao e uotaki nako kimwareireiu, n te aro are I a kamoamoa iroun Atuau; bwa iai irouna te ^amwaaka ni kabane, te wanawana, ma te atatai ni kabane; e ^batai bwaai ni kabane, ao bon te aomata ae ^cnanoanga, nakon te kamaiuaki, nakoia ake a rairinanoia ma ni kakoaua arana.

36 Ao ngkanne ngkana aio te kamoamoa, ao N na bon kamoamoa; bwa aio maiu ao ootau, kimwareireiu ao kamaiuakiu, ao kaboakiu man te nanokawaki ae aki totoki. Eng, e na kakabwaiaki aran Atuau, are e a bon tia ni mwannanoia ana aomata, ake kaain ^amwangan te kai are Iteraera, are e a tia ni bua man rabwatana n te aba ae ianena nakoia; eng, I taku, e na kakabwaiaki aran Atuau, are e a bon tia ni mwannanoira, ^btaan mwamwananga n te aba ae e ianena.

37 Ao ngkanne tariu, ti nooria bwa te Atua e mwannanoia ^aaomata nako, n aba ake a mena iai; eng, e atai mwaitia ana aomata, ao nanona e onrake n te nanoanga ae kabuta te aba. Ao ngkanne aio kimwareireiu, ao au kakarabwarabwa ae korakora; eng, ao N na anga au kaitau nakon Atuau n aki toki. Amen.