Akwụkwọ nke Alma
Nwa nke Alma

1 Ugbua o wee ruo na n’afọ mbụ nke ọchịchị nke ndị-ikpe nile nye ndị nke Nifaị, site n’oge a gaa n’iru, eze Mosaịa ebe ọ ^agaworo n’ụzọ nke ụwa nile, ebe ọ lụworo ezigbo agha, na-eje ije zịrị-ezi n’iru Chineke, na-ahapụghị onye ọbụla ka ọ chịa n’ọnọdụ ya; otu o sila dị o hiwere ^biwu nile, ma ndị ahụ nakwere ha, ya mere ọ bụụrụ ihe ha na-aghaghị ime bụ idebe iwu nile nke o meworo.

2 Ma o wee ruo na n’ime afọ mbụ nke ọchịchị nke Alma n’ime oche-ikpe ahụ, o nwere ^aotu nwoke a kpọtara n’iru ya ka e kpee ya ikpe, otu nwoke buru ibu, ma a ma ya ama maka nnukwu inwe ume.

3 Ma ọ gagharịworịị n’etiti ndị ahụ, na-ekwu ozi-ọma nye ha ihe nke o ^aweere ka ọ bụrụ okwu nke Chineke, na-eme omume mweda ^bmegide nzukọ-nsọ ahụ; na-ekwupụta nye ndị ahụ na onye nchụ-aja ọbụla na onye nkuzi ^ckwesịrị ịghọ onye a ma ama; na ha ^dekwesịghị ịrụ ọrụ n’aka ha, kama ha kwesịrị inwe nkwado nke ndị ahụ.

4 Ma ọ gbakwara ama nye ndị ahụ na mmadụ nile ga-enwe nzọpụta n’ụbọchị ikpe-azụ, ma na ha ekwesịghị ịtụ egwu ma-ọbụ ma jijiji, kama na ha ga-ewelite isi ha nile elu ma n̄ụrịa, n’ihi na Onye-nwe e kewọ mmadụ nile, ma gbapụtawo kwa mmadụ nile; ma, n’ikpeazụ, mmadụ nile ga-enwe ndụ-ebighi-ebi.

5 Ma o wee ruo na ọ kuziri ihe ndị a nke ukwuu nke mere na ọtụtụ kwenyere n’okwu ya nile, ọbụna ọtụtụ nke mere na ha malitere na-akwado ya ma nye ya ego.

6 Ma ọ malitere inwe mbụli-elu n’ime mpako nke obi ya, na iyi uwe oke-ọnụ-ahịa, e, na ọbụna ọ malitere ihiwe otu ^anzukọ n’ụdị nke ikwusa ozi-ọma ya.

7 Ma o wee ruo ka ọ na-aga, ikwu ozi-ọma nye ndị kwenyere n’okwu ya, o zutere otu nwoke bụ onye nke nzukọ-nsọ nke Chineke, e, ọbụna otu n’ime ndị nkuzi ha, ma o wee malite ịdọso ya ndọrọ-ndọrọ ọnụ nkọ, ka o wee dufuo ndị nke nzukọ-nsọ ahụ; ma na nwoke ahụ guzogidere ya, na-adọ ya aka na ntị site ^an’okwu nke Chineke.

8 Ugbua aha nwoke ahụ bụ ^aGịdiọn; ma-ọbụ ya bụ onye bụ ngwa-ọrụ n’aka nile nke Chineke n’ịnapụta ndị nke Lịmhaị site n’ịbụ-oru.

9 Ugbua, n’ihi na Gịdiọn guzogidere ya n’okwu nile nke Chineke o wesara Gịdiọn oke iwe, ma sere mma agha ya ma malite ịku ya ihe. Ugbua Gịdiọn ebe ọ gbaworo ọtụtụ afọ, ya mere o nweghị ike ịnagide ọkụkụ ihe ya nile, ya mere e ^agburu ya site na mma agha ahụ.

10 Ma nwoke ahụ nke gburu ya ka ndị nzukọ-nsọ ahụ kpọọrọ, ma a kpọtara ya n’iru Alma, ka e ^akpee ya ikpe dịka mmebi iwu nile nke o mebiworo siri dị.

11 Ma o wee ruo na o guzoro n’iru Alma ma rịọ maka onwe ya jiri nnukwu atụghị egwu.

12 Ma na Alma sịrị ya: Lee, nke a bụ oge mbụ nke a na-ewebata ^anchụ-aja aghụghọ n’etiti ndị a. Ma lee, ikpe amaghị gị nanị maka nchụ-aja aghụghọ, kama ịgbawo mbọ ịmanye ya site na mma agha; ma ọ bụrụ na enwere ike imanye nchụ-aja aghụghọ n’etiti ndị a ọ ga-apụta mbibi ha kpam kpam.

13 Ma ị kwafuwo ọbara nke onye ezi-omume, e, nwoke nke meworo nnukwu ihe ọma n’etiti ndị a; ma asị na anyị debe gị ọbara ya ga-abịakwasị anyị maka ^aibọ-ọbọ.

14 Ya mere a mawo gị ikpe ọnwụ, dịka iwu e nyeworo anyị site n’aka Mosaịa, onye-eze ikpe-azụ anyị siri dị; ma ndị a anakwerewo ya; ya mere ndị a ^aga-anọgiderịrị n’iwu ahụ.

15 Ma o wee ruo na ha kpọọrọ ya; ma aha ya bụ ^aNihọ; ma ha bugoro ya n’elu elu nke ugwu-nta Mantaị, ma n’ebe ahụ a manyere ya, ma-ọbụ ọ nakweere, n’etiti elu-igwe nile na ụwa, na ihe ọ kụziiri ndị ahụ megidere okwu nke Chineke; ma n’ebe ahụ ọ tara ahụhụ ^bọnwụ ihere.

16 Otu o sila dị, nke a ewetaghị n’isi njedebe mgbasa nke nchụ-aja aghụghọ n’ala ahụ nile; n’ihi na e nwere ọtụtụ ndị hụrụ ihe efu nile nke ụwa n’anya, ma ha gara n’iru na-ekwusa ozizi ụgha nile; ma nke a ka ha mere n’ihi inweta ^aụba nile na nkwanye ugwu.

17 Otu o sila dị, ha anwaghị anwa ^aikwu okwu ụgha, ọbụrụ na a matara ya, n’ịtụ egwu nke iwu ahụ, n’ihi na ndị okwu ụgha nile ka e nyere ntaram-ahụhụ; ya mere ha mere dịka ha na-ekwusa ozi-ọma n’ụdị ha kwenyere; ma ugbua iwu ahụ agaghị enwe ike n’arụ onye ọbụla nʼihi ^bokwukwe ya.

18 Ma ha anwaghị anwa ^aizu ori, nʼihi ịtụ egwụ nke iwu ahụ, nʼihi na ụdị ahụ nwere ntaram-ahụhụ, ọbụghị ma ha nwara anwa ịpụnara mmadụ ihe, ma-ọbụ igbu mmadụ, n’ihi na onye ọbụla nke ^bgburu mmadụ ka e nyere ntaram-ahụhụ ruo ^cọnwụ.

19 Ma na o wee ruo na onye ọbụla na-abụghị nke nzukọ-nsọ nke Chineke malitere ịkpagbu ndị nke nọ n’otu nzukọ-nsọ nke Chineke, ma bukwasịwọrịị onwe ha aha nke Kraịst.

20 E, ha sogburu ha, ma kpagbuo n’ụdị okwu nile dị iche iche ma nke a n’ihi ịdị umeala ha; n’ihi na ha enweghị mpako n’anya nke onwe ha, na n’ihi na ha kuziri okwu Chineke, otu na ibe ya, na-ejighi ^aego na ahụghị ọnụ ahịa.

21 Ugbua e nwere iwu siri ike n’etiti ndị nke nzukọ-nsọ ahụ, na agaghị enwe onye ọbụla, bụ nke nzukọ-nsọ ahụ, ga-ebili ma ^akpagbuo ndị nke na-abụghị nke nzukọ-nsọ ahụ, ma na agaghị enwe mkpagbu n’etiti onwe ha.

22 Otu o sila dị, e nwere ọtụtụ n’etiti ha ndị malitere inwe mpako, ma malite ịdọ ndọrọ ndọrọ dị ọkụ ha na ndị iro ha nile, ọbụna ruo n’ịkụ ọkpọ; e, ha ga-akụ otu na ibe ya jiri aka-ọkpọ ha nile.

23 Ugbua nke a bụ n’ime afọ nke abụọ nke ọchịchị nke Alma, ma-ọbụ ihe kpatara nnukwu nsogbu nye nzukọ-nsọ ahụ; e, ọ bụ ihe kpatara nnukwu ọnwụnwa nye nzukọ-nsọ ahụ.

24 N’ihi na obi nke ọtụtụ ka e mesịrị ike, ma aha ha nile ka ^aehichapụrụ, na echetaghị ha ọzọ n’etiti ndị nke Chineke. Na kwa ọtụtụ ^bsepụrụ onwe ha site n’etiti ha.

25 Ugbua nke a bụụrụ nnukwu ọnwụnwa nye ndị nke guzosiri ike n’okwukwe ahụ; otu o sila dị, ha bụ ndị kwụsịrị ike na akwa akwụrụ n’idebe iwu-nsọ nile nke Chineke, ma ha buru ya jiri ^andidi buo mkpagbu ahụ nke a kwakọtara n’elu ha.

26 Ma mgbe ndị nchụ-aja nile hapụrụ ^aọrụ ha ikuzi okwu nke Chineke nye ndị ahụ, ndị ahụ hapụkwara ọrụ ha nile ịnụrụ okwu nke Chineke. Ma mgbe onye nchụ-aja kụziwooro ha okwu nke Chineke ha nile laghachịrị ọzọ na mgbalị n’ọrụ ha nile; ma onye nchụ-aja ahụ, n’ebulighị onwe ya elu karịa ndị na-ege ya ntị, n’ihi na onye-nkwusa okwu akaghị onye na-anụ anụ mma, ọbụghị ma onye-nkuzi ọ ka onye-na-amụ amụ mma, ma otu a ha nile ha n’otu, ma ha nile rụrụ ọrụ, onye ọbụla ^bdịka ume ya ha.

27 Ma ha ^akere ihe ha nwere, onye ọbụla dịka ihe nke o nwere siri dị, nye ^bndị ogbenye, na ndị nọ na mkpa, na ndị ọrịa, na ndị a na-akpagbụ; ma ha eyighị uwe oke ọnụ ahịa, ma na ha dị ọcha maa mma ile anya.

28 Ma otu a ha hiwere ihe nile nke nzukọ-nsọ ahụ; ma otu a ha malitere inwe udo esepụghị aka ọzọ, na-agbanyeghị mkpagbu ha nile.

29 Ma ugbua, n’ihi iguzosi ike nke nzukọ-nsọ ahụ ha malitere ^aịba ụba karịa, na-enwe ihe nile n’ujụ ihe ọbụla ha chọrọ—igwe anụ n’ujụ na igwe anụmanụ, na anụ nile gbara abụba nʼụdị dị iche iche, na kwa uju mkpụrụ-akụkụ-ubi, na nke ọla-edo, na nke ọla-ọcha, na nke ihe ndị dị oke-ọnụ-ahịa, na uju nke ^bakwa silk na ọmarịcha akwa linen agbakọrọ agbakọ, na ụdị akwa ọma nile dị iche iche kwesịrị ekwesị.

30 Ma otu a ^an’ọnọdụ ime nke ọma ha nile, ha achụpụghị ndị ọbụla ^bgba ọtọ, ma-ọbụ ndị agụụ na-agụ, ma-ọbụ ndị akpịrị na-akpọ nkụ, ma-ọbụ ndị na-arịa ọrịa, ma-ọbụ ndị a na-azụbeghị azụ; ma ha etinyeghị obi ha nile n’akụ na ụba; ya mere ha na emepụ aka nye mmadụ nile, ma okenye ma nwata, ma oru ma ndị nwere onwe ha, ma nwoke ma nwanyị, ma ha anọghị n’ime nzukọ-nsọ ahụ ma-ọbụ ha nọ n’ime nzukọ-nsọ ahụ, na ^cenweghị ịkpa-oke n’ebe ndị nọ na mkpa nọ.

31 Ma otu a ha mere nke ọma ma bụrụ ndị nwere akụ na ụba dị ukwuu karịa ndị na-abụghị nke nzukọ-nsọ ha.

32 N’ihi na ndị ahụ na-abụghị nke nzukọ-nsọ ha tinyere onwe ha n’ime mgbaasị nile, na n’ime ^aikpere arụsị ma-ọbụ ^benweghị aka-ọrụ, na n’ime ^cokwu na-abaghị uru, na n’ime ^dinwe anya ukwu nile na esem-okwu nile, na-iyi uwe oke-ọnụ-ahịa; ^ena-ebuli onwe ha elu n’ime mpako nke anya onwe ha; na-akpagbu, ikwu okwu ụgha, na-ezu ori, na-apụnara ihe, ịgba akwụnakwụna nile, na igbu mmadụ nile, na ụdị ajọọ-omume nile dị iche iche; otu o sila dị iwu ahụ ka e tinyere na mmanye n’arụ ndị nile nke jehiere ya, otu nile o siri kwe mee.

33 Ma o wee ruo na site n’isi otu a na-etinye iwu ahụ n’arụ ha, onye ọbụla na-ata ahụhụ dịka ihe ahụ nke o meworo siri dị, ha wee dịrị juu karịa, ma ha anwaghị anwa ime ajọọ-omume ọbụla ma ọbụrụ na a matara ya; ya mere, e nwere nnukwu udo n’etiti ndị nke Nifaị ruo n’afọ nke ise nke ọchịchị nke ndị-ikpe nile.