1 Ma ugbua o wee ruo na mgbe Moronaị nataworo akwụkwọ-ozi a obi ya nwere mgbam-ume, ma o jupụtara n’ọn̄ụ karịrị akarị n’ihi ikwesi-ntụkwasị-obi nke Pehoran, na ọbụghị kwa onye ^anrapụta nye inwere-onwe na ụzọ nke mba ya.

2 Mana o ruru uju karịa n’ihi ajọọ-omume nke ndị chụpụworo Pehoran site n’oche-ikpe ahụ, e, na mkpirisi n’ihi ndị nupuworo isi megide mba ha na kwa Chineke ha.

3 Ma o wee ruo na Moronaị kpọọrọ ntakịrị ọnụ-ọgụgụ ndịkom, dịka Pehoran siri chọọ, ma nye Lihaị na Tiankọm ọchịchị maka ndị fọdụrụ na ndị-agha ya, ma were ọzịzọ-ije ya chee iru n’ala nke Gịdiọn.

4 Ma o welitere ^ausoro nke ^bntọhapụ n’ebe ọbụla ọ bara, ma nweta ụdị ndị-agha ọbụla o nwere ike n’ịzọ-ije ya nile ịga-ala nke Gịdiọn.

5 Ma o wee ruo na ọtụtụ puku gbakọtakwutere usoro ya, ma bulite mma-agha ha nile na nchekwa nke inwere-onwe ha, ka ha ghara ịbịa baa n’ịbụ-oru.

6 Ma otu a, mgbe Moronaị kpọkọtaworo ndịkom nile o nwere ike n’ịzọ-ije ya nile, ọ bịaruru n’ala nke Gịdiọn; ma n’ijikọta ndị-agha ya na ndị nke Pehoran ha siri ike karịa, ọbụna sie ike karịa ndịkom nke Pekọs, onye bụ ^aeze nke ndị nghọtahịe nile ahụ chụpụworo ndị ahụ ^bnwere onwe ha site n’ala nke Zarahemla ma ha ewerewo onwunwe nke ala ahụ.

7 Ma o wee ruo na Moronaị na Pehoran, gbadara ha na ndị-agha ha nile baa n’ime ala nke Zarahemla, ma ga n’iru imegide obodo-ukwu ahụ, ma gakwuru ndịkom nke Pekọs, nke mere na ha bịara ịlụ-agha.

8 Ma lee, Pekọs e gburu ya ma ndịkom ya ka a kpọọrọ ndị-mkpọrọ, ma Pehoran eweghachiri ya n’oche-ikpe ya.

9 Ma ndịkom nke Pekọs natara ikpe ikpe ha, dịka iwu siri dị, na kwa ndị-ọchọ-eze ahụ a kpọrọworo ma tụba n’ụlọ-mkpọrọ; ma e ^agburu ha dịka iwu siri dị; e, ndịkom nke Pekọs ahụ na ndị ọchọ-eze ahụ, onye ọbụla na-agaghị ewelite ngwa-ọgụ na nchekwa nke mba ha, kama ga-alụ ọgụ megide ya, e gburu ha.

10 Ma otu a ọ dị mkpa na iwu nke a a ga-edebesi ya ike maka nchekwa nke mba ha; e, ma onye ọbụla a hụrụ na-agọnarị inwere-onwe ha e gburu ya ọsọ-ọsọ dịka iwu ahụ siri dị.

11 Ma otu a ka iri afọ atọ nke ọchịchị nke ndị-ikpe na-achị ndị nke Nifaị siri gwụchaa; Moronaị na Pehoran ebe ha weghachitaworo udo n’ala nke Zarahemla, n’etiti ndị nke ha, ebe ha kwagideworo ọnwụ n’arụ ndị nile ahụ na-ekwesịghị ntụkwasị-obi n’ụzọ nke inwere-onwe ahụ.

12 Ma o wee ruo na mmalite afọ nke iri atọ na otu nke ọchịchị nke ndị-ikpe na-achị ndị nke Nifaị, Moronaị otu mgbe ahụ mere ka e ziga ihe oriri nile, na kwa ndị-agha nke ndịkom puku isii kwesịrị ka e zigara ha Hilaman, inyere ya aka n’ichekwa akụkụ ala ebe ahụ.

13 Ma o mekwara ka ndị-agha nke ndịkom puku isii, tinyere oke nri ga-ezu, a ga-ezigara ndị-agha nile nke Lihaị na Tiankọm. Ma o wee ruo na e mere nke a ka e wusie ala ahụ ike megide ndị Leman.

14 Ma o wee ruo na Moronaị na Pehoran, ebe ha hapụrụ nnukwu otu ndịkom n’ala nke Zarahemla, were ịzọ-ije ha kpọrọ nnukwu otu ndịkom chee iru n’ala nke Nifaịha, ebe ha kpebiworo ịkwatu ndị Leman n’obodo-ukwu ahụ.

15 Ma o wee ruo na dịka ha na-azọ-ije chee iru n’ala ahụ, ha kpọọrọ nnukwu otu nke ndịkom nke ndị Leman, ma gbuo ọtụtụ n’ime ha, ma were ihe oriri ha nile na ngwa-ọgụ ha nile nke agha.

16 Ma o wee ruo mgbe ha weresịworo ha, ha mere ka ha baa n’ime ọgbụgba-ndụ na ha agaghị ewelite kwa ngwa-ọgụ ha nile nke agha ọzọ imegide ndị Nifaị.

17 Ma mgbe ha baworo n’ime ọgbụgba-ndụ nke a ha zigara ha ibinyere ndị nke Amọn, ma ha dị n’ọnụ-ọgụgụ ihe dịka puku anọ ndị a na-egbubeghị.

18 Ma o wee ruo na mgbe ha zipụworo ha, ha chụụrụ ịzọ-ije ha chee iru n’ala nke Nifaịha. Ma o wee ruo na mgbe ha bịaruworo obodo-ukwu nke Nifaịha, ha rụnyere ụlọ ikwuu ha nile n’ala larịị nile nke Nifaịha, nke dị nso n’obodo-ukwu nke Nifaịha.

19 Ugbua Moronaị chọrọ na ndị Leman ga-apụta n’ịlụ-agha megide ha, n’ala larịị nile ahụ; mana ndị Leman, ebe ha matara nnukwu ngbamume ha karịrị akarị, ma na-ele nnukwu nke ọnụ-ọgụgụ ha nile, ya mere ha anwaghị-anwa ịpụta imegide ha; ya mere ha abịaghị n’ịlụ-agha n’ụbọchị ahụ.

20 Ma mgbe abalị bịara, Moronaị gara n’iru n’ọchịchịrị nke abalị, ma bịakwasị elu mgbidi ahụ inyopụta n’akụkụ obodo-ukwu nke ndị Leman na-ezu ike ha na ndị-agha ha.

21 Ma o wee ruo na ha nọ n’akụkụ ọwụwa-anyanwụ, n’akụkụ mbata; ma ha nile na-arahụ ụra. Ma ugbua Moronaị laghachịkwutere ndị-agha ya, ma mee ka ha kwado ọsọ-ọsọ ụdọ nile siri ike na ubube nile, a ga-atụda site n’elu mgbidi ahụ baa n’ime akụkụ mgbidi ahụ.

22 Ma o wee ruo na Moronaị mere na ndịkom ya ga-azọga ije ma bịakwasị elu mgbidi ahụ, ma tụda onwe ha n’ime akụkụ nke obodo-ukwu ahụ, e, ọbụna n’akụkụ ọdịda-anyanwụ, ebe ndị Leman na-anọghị na-ezu ike ha na ndị-agha ha nile.

23 Ma o wee ruo na ha rịdachara ha nile n’ime obodo-ukwu ahụ n’abalị, jiri ụdọ ha nile siri ike na ubube ha nile; otu a mgbe ụtụtụ bịara ha nile nọ n’ime mgbidi nke obodo-ukwu ahụ.

24 Ma ugbua, mgbe ndị Leman tetara n’ụra ma hụ na ndị-agha nile nke Moronaị nọ n’ime mgbidi ahụ nile egwu tụrụ ha karịa, nke mere na ha gbafuru site n’ọnụ-ụzọ.

25 Ma ugbua mgbe Moronaị hụrụ na ha na-agbafu n’iru ya, o mere na ndịkom ya ga-azọga ije imegide ha, ma gbuo ọtụtụ, ma gbaa ọtụtụ ndị ọzọ gburu-gburu, ma kpọrọ ha ndị-mkpọrọ; ma ndị fọdụrụ n’ime ha gbabara n’ala nke Moronaị, nke dị n’oke-ala nile n’akụkụ osimiri.

26 Otu a ka Moronaị na Pehoran sịworo nweta onwunwe nke obodo-ukwu nke Nifaịha ahụ n’enweghị ntufu nke otu mkpụrụ-obi; ma e nwere ọtụtụ nke ndị Leman e gburu.

27 Ugbua o wee ruo na ọtụtụ nke ndị Leman ndị bụ ndị-mkpọrọ chọrọ isonye ^andị nke Amọn ma ghọọ ndị nwere-onwe ha.

28 Ma o wee ruo na ka ha ra bụ ndị chọrọ, dịka ha siri chọọ e kwenyere dịka ọchịchọ ha nile siri dị.

29 Ya mere, ndị-mkpọrọ nile nke ndị Leman sonyere ndị nke Amọn, ma malite ịlụsi ọlụ ike karịa, ịkọ ala, na-azụlite ụdị akụkụ-ubi nile, ma igwe-anụ nile ma igwe anụmanụ nile n’ụdị ọbụla dị iche iche; ma otu a ka e siri belatara ndị nke Nifaị nnukwu ibu-arọ ha; e, nke mere na e belatara ha n’ilekọta ndị-mkpọrọ nile nke ndị Leman.

30 Ugbua o wee ruo na Moronaị, mgbe o nwetaworo onwunwe nke obodo-ukwu nke Nifaịha ahụ, ebe ọ kpọrọworo ọtụtụ ndị-mkpọrọ, nke wedatara ndị-agha nile nke ndị Leman karịa, ma ebe o nwetaghachịworo ọtụtụ n’ime ndị nke Nifaị ndị a kpọrọworo ndị-mkpọrọ, nke mere ka ndị-agha nke Moronaị sie ike karịa; ya mere Moronaị gara n’iru site n’ala nke Nifaịha ruo n’ala nke Lihaị.

31 Ma o wee ruo na mgbe ndị Leman hụrụ na Moronaị na-abịa imegide ha, egwu tụkwara ha ọzọ ma ha gbafuru n’iru ndị-agha nke Moronaị.

32 Ma o wee ruo na Moronaị na ndị-agha ya chụrụ ha ọsọ site n’obodo-ukwu ruo n’obodo-ukwu, ruo mgbe Lihaị na Tiankọm zutere ha; ma ndị Leman ahụ gbafuru site n’ebe Lihaị na Tiankọm nọ, ọbụna gbada n’elu oke-ala nile dị n’akụkụ oke osimiri, ruo mgbe ha bịaruru n’ala nke Moronaị.

33 Ma ndị-agha nke ndị Leman nile gbakọtara, nke mere na ha nile nọ n’otu òtù n’ala nke Moronaị. Ugbua, Amorọn, eze nke ndị Leman, nọnyekwaara ha.

34 Ma o wee ruo na Moronaị na Lihaị na Tiankọm gara n’ebe izu-ike ha na ndị-agha ha nile gburu-gburu n’oke-ala nile nke Moronaị, nke mere na a gbara ndị Leman gburu-gburu n’oke-ala nile n’akụkụ ọzara ahụ dị na ndịda-ndịda, na n’oke-ala nile n’akụkụ ọzara di n’ọwụwa-anyanwụ.

35 Ma otu a ha no n’ebe izu-ike n’abalị ahụ. N’ihi na lee, ndị Nifaị na ndị Leman kwa ike gwụrụ ha n’ihi oke nnukwu nke ịzọ-ije ahụ; ya mere ha ekpebịghị n’ụzọ aghụghọ ọbụla n’oge abalị ahụ, ma ọbụghị Tiankọm; n’ihi na iwe were ya karịa n’ebe Amorọn nọ, nke mere na ọ tulere na Amorọn, na Amalakaịa nwanne ya nwoke, abụrụwọrịị ^andị kpatara nnukwu na agha ịnọ-ọdụ nke a dị n’etiti ha na ndị Leman, nke bụworo ihe kpatara oke nnukwu agha na nkwafu-ọbara, e, na oke nnukwu ụnwụ.

36 Ma o wee ruo na Tiankọm n’iwe ya gabara n’ime ebe izu-ike nke ndị Leman ahụ, ma rịda n’ofe mgbidi nke obodo-ukwu ahụ. Ma o jiri ụdọ gaba, site n’otu ebe ruo ebe ọzọ, nke mere na ọ hụrụ eze ahụ; ma ọ tụrụ ya ^aube dị mfe, nke tụpuru ya n’akụkụ obi. Mana lee, eze ahụ kpọtere ụmụ-oru ya nile tutu ya a nwụọ, nke mere na ha chụrụ Tiankọm ọsọ, ma gbuo ya.

37 Ugbua o wee ruo na mgbe Lihaị na Moronaị matara na Tiankọm anwụwo o wutere ha karịa; n’ihi na lee, ọ bụụrụ nwoke lụwooro mba ya ọgụ dịka dike, e, ezigbo enyi nke ntọhapụ; ma ọ hụsịwo anya ezigbo ọtụtụ mkpagbu siri ike. Mana lee, o nwụwo, ma ọ gawo ụzọ nke ụwa nile.

38 Ugbua o wee ruo na Moronaị zọọrọ-ije gaa n’echi ya, ma bịakwasị ndị Leman, nke mere na ha gburu ha na nnukwu ọgbụgbu; ma ha chụpụrụ ha site n’ala ahụ; ma ha gbafuru, ọbụna na ha alaghachịghị n’oge ahụ imegide ndị Nifaị.

39 Ma otụa ka afọ nke iri atọ na otu nke ọchịchị nke ndị-ikpe na-achị ndị nke Nifaị siri gwụchaa; ma otu a ha enwewo ọtụtụ agha, na nkwafu-ọbara, na ụnwụ, na mkpagbu, nke weere ohere nke ọtụtụ afọ.

40 Ma e nwewo ọtụtụ igbu-mmadụ, na ndọrọ-ndọrọ nile, na nghọtahịe nile, na ụdị ajọọ-omume nile n’ụdị ọbụla n’etiti ndị nke Nifaị; otu o sila dị n’ihi ^andị ezi-omume, e, n’ihi ekpere nile nke ndị ezi-omume, e debere ha.

41 Mana lee, n’ihi nnukwu ogologo agha karịrị-akarị dị n’etiti ndị Nifaị na ndị Leman ọtụtụ enwekwaghị mmetụta, n’ihi nnukwu ogologo oge nke agha ahụ karịrị akarị; ma ọtụtụ adịwo nro n’ihi ^amkpagbu ha nile, nke mere na ha nwere umeala n’onwe ha n’iru Chineke, ọbụna n’omimi nke obi umeala.

42 Ma o wee ruo na mgbe Moronaị wusichaworo akụkụ ala ebe ahụ nile ike ndị nke e ghewere oghe nye ndị Leman, ruo mgbe ha siri ike, otu okwesịrị, o laghachịrị n’obodo-ukwu nke Zarahemla; na kwa Hilaman laghachịrị n’ebe nke nketa ya; ma e nwere udo otu ugbọrọ ọzọ ehiwere n’etiti ndị nke Nifaị.

43 Ma Moronaị nyefere ọchịchị nke ndị-agha ya nile n’aka nke nwa ya nwoke, nke aha ya bụ Moronaịha, ma ọ laghachịrị n’ụlọ nke ya ka o wee nọ ụbọchị ya nile fọdụrụ n’udo.

44 Ma Pehoran laghachịrị n’oche-ikpe ya; ma Hilaman wekwasịrị onwe ya ọzọ ikwusara ndị ahụ okwu nke Chineke; ma n’ihi ọtụtụ agha nile na ndọrọ-ndọrọ nile ọ dịwo kwa mkpa ọzọ na a ga-eme iwu ọzọ na nzukọ-nsọ ahụ.

45 Ya mere, Hilaman na nwanne ya nwoke gara n’iru, ma kwupụta okwu nke Chineke jiri nnukwu ike ga-eme ka ọtụtụ mmadụ ^akwenye maka ajọọ-omume ha, nke mere ka ha chegharịa site na mmehie ha nile na ime baptism n’ime Onye-nwe Chineke ha.

46 Ma o wee ruo na ha hiwekwara nzukọ-nsọ nke Chineke ọzọ, gazuo akụkụ ala ahụ nile.

47 E, ma nhazi nile ka e mere gbasara iwu ahụ. Ma ^andị-ikpe ha nile, na ndị-isi-ikpe nile a họpụtara ha.

48 Ma ndị nke Nifaị malitekwara ^aime nke ọma ọzọ n’ala ahụ, ma malite ịmụba na ịgbasịkwa ike ọzọ karịa n’ala ahụ. Ma ha malitere ịba ụba karịa.

49 Mana na-agbanyeghị ụba ha nile, ma-ọbụ ume ha, ma-ọbụ ime nke ọma ha, ha ebulighị onwe ha elu na mpako n’anya nke onwe ha nile; ọbụghị ma ha na-egbu oge n’icheta Onye-nwe Chineke ha; mana ha mere onwe ha umeala karịa n’iru ya.

50 E, ha chetara ụdị nnukwu ihe nile Onye-nwe meworo ha, na ọ napụtawo ha site n’ọnwụ, na site n’enweghị onwe nile, na site n’ụlọ mkpọrọ nile, na site n’ụdị mkpagbu nile dị iche iche, ma o napụtara ha site n’aka nile nke ndị iro ha.

51 Ma ha kpere ekpere nye Onye-nwe Chineke ha esepụghị-aka, nke mere na Onye-nwe gọziri ha, dịka okwu ya siri dị, nke mere na ha gbasiri ike ma mee nke ọma n’ala ahụ.

52 Ma o wee ruo na e mere ihe ndị a nile. Ma Hilaman nwụrụ, n’afọ nke iri atọ na ise nke ọchịchị nke ndị-ikpe na-achị ndị nke Nifaị.