1 Ma o wee ruo na mmalite afọ nke iri atọ na isii nke ọchịchị nke ndị-ikpe na-achị ndị nke Nifaị, na ^aShịblọn weere onwunwe nke ihe ndị ahụ ^bdị nsọ nke Alma nyefeworo Hilaman.

2 Ma ọ bụụrụ onye ezi-omume, ma ọ na-agazi ije n’iru Chineke; ma ọ na-echeta ime ihe-ọma esepụghị-aka, idebe iwu-nsọ nile nke Onye-nwe Chineke ya; ma otu ahụ ka nwanne ya nwoke na-eme kwa.

3 Ma o wee ruo na Moronaị nwụkwara. Ma otu a ka afọ nke iri atọ na isii nke ọchịchị nke ndị-ikpe siri gwụchaa.

4 Ma o wee ruo na n’ime afọ nke iri atọ na asaa nke ọchịchị nke ndị-ikpe, e nwere nnukwu otu ndịkom, ọbụna ndịkom dị puku ise na narị anọ, ha na ndị nwunye ha na ụmụ ha, pụrụ site n’ala nke Zarahemla baa n’ala nke dị ^an’elu elu.

5 Ma o wee ruo na Hagọt, ebe ọ bu nwoke nwere agụụ ịmata ihe karịa, ya mere ọ gara n’iru ma wuoro onwe ya ụgbọ-mmiri buru-ibu karịchaa, n’oke-ala nile nke ala Uju ahụ, n’akụkụ ala Ọtọgbọrọ N’efu, ma nuba ya n’ime oke osimiri ọdịda-anyanwụ, n’akụkụ ^aọwa-mmiri dị wara wara nke dubara n’ala dị n’elu-elu.

6 Ma lee, e nwere ọtụtụ ndị Nifaị ndị banyere n’ime ya ma nyapụ jiri nnukwu ihe oriri, na kwa ọtụtụ ndịnyom na ụmụ-ntakịrị; Ma ha weere ije ha n’ebe elu-elu. Ma otu a ka afọ nke iri atọ na asaa siri gwụchaa.

7 Ma n’afọ nke iri atọ na asatọ, nwoke a wuru ụgbọ-mmiri ndị ọzọ. Ma ụgbọ-mmiri nke mbụ ahụ laghachịkwara, ma ọtụtụ mmadụ ndị ọzọ bara n’ime ya; ma ha werekwara nnukwu ihe oriri, ma pụọ kwa njem ọzọ gaa n’ala dị n’elu-elu.

8 Ma o wee ruo na anụghị kwa ihe banyere ha ọzọ. Ma anyị chere na ha mikpuru n’omimi nile nke osimiri ahụ. Ma o wee ruo na otu ụgbọ-mmiri ọzọ nyapụrụ; ma ebe ọ gara anyị amataghị.

9 Ma o wee ruo na n’afọ nke a e nwere ọtụtụ ndị gawara n’ala ahụ dị ^an’elu-elu. Ma otu a ka afọ nke iri atọ na asatọ siri gwụchaa.

10 Ma o wee ruo n’afọ nke iri atọ na iteghete nke ọchịchị nke ndị-ikpe, Shịblọn nwụkwara, ma Koriantọn agawala n’ala ahụ dị n’elu-elu n’ime ụgbọ-mmiri, ibụga ihe oriri nye ndị ahụ gawara n’ala ahụ.

11 Ya mere o wee dị mkpa na Shịblọn ga-enyefee ihe ndị ahụ dị nsọ, tutu ọnwụ ya, n’aka nwa nwoke ^aHilaman, onye a kpọrọ Hilaman, ebe a kpọrọ ya aha nna ya.

12 Ugbua lee, ^aihe nkanye nile ndị ahụ ndị dị na onwunwe nke Hilaman e dere ha ma zipuga ha n’etiti ụmụ nke mmadụ gazuo akụkụ ala ahụ nile, ma ọbụghị akụkụ ndị ahụ nke Alma nyere iwu ^bna-agaghị ezipụ.

13 Otu o sila dị, ihe ndị a a ga-edebe ha nsọ, ma ^anyefedata ha site n’otu ọgbọ ruo n’ọzọ; ya mere, n’afọ nke a, e nyefewo ha Hilaman, tutu ọnwụ nke Shịblọn.

14 Ma o wee ruo kwa n’afọ nke a na e nwere ndị nghọtahịe ndị gafekwuworo ndị Leman; ma a kpasukwara ha iwe ọzọ megide ndị Nifaị.

15 Na kwa n’ime afọ nke a ha gbadatara kpọrọ imerime ọnụ-ọgụgụ nke ndị-agha ịlụ-agha megide ndị nke ^aMoronaịha, ma-ọbụ megide ndị-agha Moronaịha, n’ime nke e meriri ha ma chụghachị ha azụ ọzọ n’ala nke aka ha nile, na-ata ahụhụ nnukwu ntufu.

16 Ma otu a ka afọ nke iri atọ na iteghete nke ọchịchị nke ndị-ikpe na-achị ndị nke Nifaị siri gwụchaa.

17 Ma otu a ka nkọwasị nke Alma siri gwụchaa, na Hilaman nwa ya nwoke, na kwa Shịblọn, onye bụ nwa ya nwoke.