1 Ugbua anyị ga-alaghachị n’ime akụkọ-ndekọta anyị nye Amalakaịa na ndị ahụ sooro ya ^agbaba n’ime ọzara ahụ; n’ihi na lee, ọ kpọrọwọrịị ndị ahụ soro ya gaa, ma galite ^bn’ala nke Nifaị, n’etiti ndị Leman, ma ọ kpasuru ndị Leman iwe megide ndị nke Nifaị, nke mere na eze ndị Leman ahụ zigara ịma-ọkwa n’akụkụ ala ya nile, n’etiti ndị ahụ nile, ka ha kpọkọta kwa onwe ha ọnụ ọzọ ịga ịlụ agha megide ndị Nifaị.

2 Ma o wee ruo na mgbe ịma-ọkwa ahụ gazuworo n’etiti ha egwu tụrụ ha karịa; e, egwu tụrụ ha imejọ eze ahụ, ma egwu tụkwara ha ịga ịlụ-agha megide ndị Nifaị eleghị-anya ha ga-atufu ndụ ha nile. Ma o wee ruo na ha achọghị ịga, ma-ọbụ ndị ka n’ime ha achọghị, irube-isi nye iwu nile nke eze ahụ.

3 Ma ugbua o wee ruo na iwe were eze ahụ nke ukwuu n’ihi erubeghị-isi ha; ya mere o nyere Amalakaịa ịchị akụkụ ndị-agha ya nke ahụ nke ndị na-erubere iwu ya isi, ma nye ya iwu ka ọ gagharịa ma kwagide ha ibu ngwa-agha nile.

4 Ugbua lee, nke a bụ ọchịchọ nke Amalakaịa; n’ihi ya ebe ọ bụ onye dị nnọ aghụghọ n’ime ihe ọjọọ ya mere o buru atụmatụ ahụ n’obi ya ịchụda eze ndị Leman site n’oche-eze ya.

5 Ma ugbua o nwetawo ọchịchị nke akụkụ ndị Leman ahụ nile ndị kwadoro eze ahụ; ma ọ chọrọ irite nkwado nke ndị ahụ na-anaghị erube-isi; ya mere ọ gara n’iru ruo ebe ahụ a na-akpọ ^aOnaịda, n’ihi na n’ebe ahụ ka ndị Leman nile gbagaworo; n’ihi na ha chọpụtara ndị-agha ahụ ka ha na-abịa, ma ebe ha na-eche na ha na-abịa ibibi ha, ya mere ha gbagara Onaịda, ruo n’ebe nke ngwa-ọgụ nile dị.

6 Ma ha ahọpụtawo otu nwoke ịbụ onye-eze na onye-ndu nye ha, ebe ha mesịworo obi ha ike jiri mkpebi ido-anya na-agaghị akwagide ha ịga megide ndị Nifaị.

7 Ma o wee ruo na ha kpọkọtara onwe ha ọnụ n’elu ugwu ahụ nke a na-akpọ Antịpas, na-njikere ịga ịlụ agha.

8 Ugbua ọbụghị nzube nke Amalakaịa inye ha agha dịka iwu nile nke eze ahụ siri dị; mana lee, o bụụrụ nzube ya irite nkwado nke ndị-agha nile nke ndị Leman, ka o wee debe onwe ya n’isi ha ma chụda eze ahụ n’ọchịchị ma were onwunwe nke ala-eze ahụ.

9 Ma lee, o wee ruo na o mere ndị-agha ya ka ha rụnye ụlọ ikwuu ha nile na ndagwụrụgwụ ahụ nke dịịrị na nso ugwu Antịpas ahụ.

10 Ma o wee ruo na mgbe o ruru abalị o zipụrụ onye-ozi nke nzuzo n’elu ugwu Antịpas ahụ, na-achọ ka onye-ndu nke ndị ahụ nọ n’elu ugwu, nke aha ya bụ Lihọntaị, ka ọ gbadata n’ala-ala nke ugwu ahụ n’ihi na ọ chọrọ ka ya na ya kwuo okwu.

11 Ma o wee ruo na mgbe Lihọntaị natara ozi ahụ ọ nwaghị anwa gbada n’ala-ala ugwu ahụ. Ma o wee ruo na Amalakaịa zipụrụ ọzọ nke ugboro abụọ, na-achọ ka ọ gbadata. Ma o wee ruo na Lihọntaị achọghị; ma o zipụrụ ọzọ nke ugbọrọ atọ.

12 Ma o wee ruo na mgbe Amalakaịa chọpụtara na ya enweghị ike inweta Lihọntaị ka ọ gbadata site n’ugwu ahụ, ọ rigoro n’elu ugwu ahụ, ọfọdụrụ-ntakịrị iru ebe izu-ike Lihọntaị; ma o zipuru ọzọ nke ugboro anọ ozi ya nye Lihọntaị, na-achọ ka ọ gbadata, na ka ọ kpọrọ ndị nche ya bịa.

13 Ma o wee ruo na mgbe Lihọntaị gbadatakwuruworo Amalakaịa ya na ndị nche ya nile, na Amalakaịa chọrọ ka ọ gbadata ya na ndị-agha ya n’oge abalị, ma gbaa ndị nwoke ahụ ndị eze ahụ nyeworo ya iwu ịchịkọta gburu-gburu n’ebe izu-ike ha nile ma na ya ga-enyefe ha n’aka Lihọntaị, ma ọbụrụ na ọ ga-eme ya (Amalakaịa) onye-ndu nke abụọ n’ebe ndị-agha nile ahụ nọ.

14 Ma o wee ruo na Lihọntaị gbadatara ya na ndị nwoke ya ma gbaa ndị nwoke nke Amalakaịa gburu-gburu, otu ọ ga-abụ na tutu ha eteta n’ụtụtụ ụbọchị ahụ ndị-agha nile nke Lihọntaị agbaala ha gburu-gburu.

15 Ma o wee ruo mgbe ha hụrụ na a gbara ha gburu-gburu, ha rịọrọ Amalakaịa ka o kwere ka ha sonye ha na ụmụnne ha nwoke, ka a ghara ibibi ha. Ugbua nke a bụ nnọ ihe nke Amalakaịa chọrọ.

16 Ma o wee ruo na o nyefere ndị nwoke ya, ^ana-mmegide nye iwu nile nke eze ahụ. Ugbua nke a bụ ihe nke Amalakaịa chọrọ, ka o wee mezuo ọchịchọ ya nile n’ịchụda eze ahụ n’ọchịchị.

17 Ugbua ọ bụụrụ omenala n’etiti ndị Leman, ọbụrụ na e gbuo onye-isi ndu ha, ịhọpụta onye-ndu nke abụọ ịbụ onye-isi ndu ha.

18 Ma o wee ruo na Amalakaịa mere ka otu n’ime ụmụ-oru ya tinyere Lihọntaị nsi ntakịrị ntakịrị, nke mere ka ọ nwụọ.

19 Ugbua, mgbe Lihọntaị nwụrụ, ndị Leman họpụtara Amalakaịa ka ọ bụrụ onye-ndu ha na onye-isi-agha ha.

20 Ma o wee ruo na Amalakaịa zọọrọ ije ya na ndị-agha ya nile (n’ihi na o nwetawo ọchịchọ ya nile) ruo n’ala nke Nifaị, ruo n’obodo-ukwu nke Nifaị, nke bụ isi obodo-ukwu.

21 Ma eze ahụ gapụtara izute ya, ya na ndị nche ya nile, n’ihi na o chere na Amalakaịa emejupụtawo iwu ya nile, ma na Amalakaịa akpọkọtawo nnukwu ndị-agha ịga megide ndị Nifaị n’ịlụ agha.

22 Mana lee, dịka eze ahụ pụtara izute ya Amalakaịa mere ka ụmụ-oru ya nile garuo izute eze ahụ. Ma ha gara ma kpọọ isi ala n’iru eze ahụ, dịka n’ịsọpụrụ ya n’ihi ịdị ukwuu ya.

23 Ma o wee ruo na eze ahụ wepụtara aka ya ikulite ha, dịka omenala ndị Leman siri dị, dịka ihe aka-ebe nke udo, bụ omenala nke ha wetara site n’aka ndị Nifaị.

24 Ma o wee ruo na mgbe o kuliteworo onye nke mbụ site n’ala, lee ọ mara eze ahụ mma n’obi; ma ọ dara n’ala.

25 Ugbua ụmụ-oru nile nke eze ahụ gbafuru; ma ụmụ-oru nke Amalakaịa weliri iti mkpu, na-asị:

26 Lee, ụmụ-oru nile nke eze ahụ amawo ya mma n’obi, ma ọ dawo ma ha agbafuwo; lee, bịa ma hụ.

27 Ma o wee ruo na Amalakaịa nyere iwu na ndị-agha ya nile ga-azọrọ ije gaa ma hụ ihe meworo eze ahụ; ma mgbe ha bịaworo n’ebe ahụ, ma chọta eze ahụ ka ọ dịna n’ime ọbara ya, Amalakaịa mere dịka iwe ọ na-ewe ya, ma sị: Onye ọbụla hụrụ eze ahụ n’anya, ya gaa n’iru, ma chụọ ụmụ-oru ya nile ọsọ ka e nwe-ike gbuo ha.

28 Ma o wee ruo na ndị nile hụrụ eze ahụ n’anya, mgbe ha nụrụ okwu ndị a, bịara ma chụọ ụmụ-oru nke eze ahụ ọsọ n’azụ.

29 Ugbua mgbe ụmụ-oru nile nke eze ahụ hụrụ ndị-agha na-achụ ha, egwu mberede tụrụ ha ọzọ, ma ha gbabara n’ime ọzara ahụ, ma bịafeta n’ala nke Zarahemla ma sonye ^andị nke Amọn.

30 Ma ndị-agha ahụ chụrụ ha n’azụ laghachịrị, ebe ha chụworo ha n’azụ n’efu; ma otu a Amalakaịa, site n’aghụghọ ya, nwetara obi nile nke ndị ahụ.

31 Ma o wee ruo echi ya ọ bara obodo-ukwu Nifaị ya na ndị-agha ya nile, ma were onwunwe nke obodo-ukwu ahụ.

32 Ma ugbua o wee ruo na nwunye-eze ahụ, mgbe ọ nụworo na e gburu eze ahụ—n’ihi na Amalakaịa ezipụworịị onye-ozi zigara nwunye-eze na-agwa ya na eze ahụ ụmụ-oru ya egbuwo ya, na ọ chụrụ ha ya na ndị-agha ya, mana ọ bụ n’efu, ma ha emewọrịị mgbapụ ha—

33 Ya mere, mgbe nwunye-eze nwetara ozi nke a o zigaara Amalakaịa ozi, na-achọ ya ka o debe ndụ ndị obodo-ukwu ahụ; ma ọ chọkwara ya ka ọ batakwute ya; ma ọ chọkwara ya ka ọ kpọrọ ndị aka-ebe ga-eso ya ịgba-ama gbasara ọnwụ nke eze ahụ.

34 Ma o wee ruo na Amalakaịa kpọọrọ otu nwa-oru ahụ nke gburu eze ahụ, na ndị nile ha na ya nọọrọ, ma bakwuru nwunye-eze ahụ, ruo n’ebe nke ọ nọdụrụ-ala; ma ha nile gbaara ya ama na eze ahụ ụmụ-oru nke ya gburu ya; ma ha sịkwara: Ha agbafuwo; ọ bụ na nke a ọ gbaghị ama megide ha? Ma otu a ha doro nwunye-eze ahụ anya gbasara ọnwụ nke eze ahụ.

35 Ma o wee ruo na Amalakaịa chọrọ nkwado nke nwunye-eze ahụ, ma kpọrọ ya nye onwe ya ka ọ bụrụ nwunye ya; ma otu a site n’aghụghọ ya, na site n’enyem-aka nke ụmụ-oru aghụghọ ya nile, o nwetara ala-eze ahụ; e, a nakweere n’ezi-okwu na ọ bụ eze n’akụkụ n’ala ahụ nile, n’etiti ndị nke ndị Leman nile, ndị nke ihe ^amejupụtara ha bụ ndị Leman na ndị Lemuel na ndị Ịshmel, ndị nghọtahịe nile nke ndị Nifaị, site n’ọchịchị nke Nifaị gbada ruo oge ugbua.

36 Ugbua ndị ^anghọtahịe nile a, ebe ha nwere otu ụdị nkuzi na otu mmụta dịka ndị Nifaị, e, ebe a kuziworo ha n’otu ^bọmụma-ihe nke Onye-nwe, otu o sila dị, ọ dị iche ịkọwa, na-adịghị-anya ka ha mesiworo nghotahie nile ha mesizie obi ike karịa na ^cachọghị nchegharị, na ndị a na-azụghị-azụ karịa, ajọọ-omume na ịdị egwu karịa ndị Leman—na-an̄ụbazi omenala nile nke ndị Leman; na-enye umengwụ ohere, na ụdị ọchịchọ nke anụ-arụ nile dị iche iche; e, ichefu kpam-kpam Onye-nwe Chineke ha.