1 Asi tarisai, vachange vakawanda—pazuva iroro randichaita basa ^arakanakisa pakati pavo, kuti ndirangarire ^bzvibvumirano zvandakaita kuvana vavanhu; kuti ndiise ruoko rwangu zvakare ^ckechipiri kuti ndidzore vanhu vangu, vanove veimba yaIsraeri.

2 Uye zvakare, kuti ndirangarire zvivimbiso zvandakaita kwauri Nifai, uye zvakare kuna baba vako, kuti ndicharangarira mbeu yako; kuti ^amazwi embeu yako aende achibva mumuromo mangu achienda kumbeu yako; uye mazwi angu achasvika ^bachishita kumagumo enyika, kuti ave ^crupawo kuvanhu vangu, vanova vemba yaIsraeri;

3 Uye nokuti mazwi angu achashita—MaJentairi akawanda achati: ^aBhaibheri! Bhaibheri! Tine Bhaibheri, hakungave nerimwe Bhaibheri.

4 Asi Ishe Mwari vanoti: Mapenzi, vachava neBhaibheri; richabva ^akumaJuda, vanhu vangu vechibvumirano vakare. Ko vanotendei ^bmaJuda ^cneBhaibheri ravakagamuchira kubva kwavari? Hongu, anorevei maJentairi? Vanoyeuka here matambudziko, namabasa, nokurwadziwa kwamaJuda, nokusimba kwavo mukumira neni, mukuunza ruponeso kumaJentairi?

5 Imi maJentairi, munorangarira here maJuda, vanhu vangu vechibvumirano vakare? Kwete; asi makavatuka, ^amukavavenga, uye mukasatsvaga kuvabatsira. Asi tarisai, ndichakudzorerai zvinhu zvose izvi pamisoro yenyu; nokuti Ini Ishe handina kukanganwa vanhu vangu.

6 Iwe benzi, uchati: ^aBhaibheri! Tine Bhaibheri, zve hatide rimwe Bhaibheri. Mungadai makawana here Bhaibheri dai pasina maJuda?

7 Hamuzive here kuti marudzi akawanda ari munyika? Hamuzive here kuti Ini Ishe Mwari wenyu, ^andakasika vanhu vose, uye kuti ndinoyeuka avo vari ^bpazvitsuwa zvegungwa; nekuti ndinotonga kumusoro kudenga napasi panyika; uye ndinounza shoko rangu kuvana vavanhu, hongu, kana kunyika dzose dzapasi?

8 Nokudaro munotsutsumwei, nokuti muchagamuchira mamwezve emashoko angu akawanda? Hamuzive here kuti ^auchapupu hwemarudzi ^bmaviri hunopupura kwamuri kuti ndini Mwari, kuti ndinoyeuka rudzi rumwe nerumwe? Naizvozvo, ndinotaura mazwi mamwechete kurudzi rumwe nerumwe. Zvino kana ^cmarudzi maviri ofambidzana uchapupu hwemarudzi maviri aya huchapindiranawo.

9 Zve ndinoita izvi kuti ndiratidze vanhu kuti ndini ^amumwecheteyo wazuro, nhasi, nokusingaperi; uye ndinotaura mazwi angu maererano nokuda kwomwoyo wangu. Uye nokuti ndataura ^bizwi rimwe musafunge kuti handikwanise kutaura rimwe; nokuti basa rangu harisati rapera; uye harizopera kudzamara kupera kwevanhu, kana kubvira nguva iyoyo kusvikira nokusingaperi.

10 Nokudaro, nokuti mune Bhaibheri hamufanirwe kufungidzira kuti rine ^amazwi angu ose; kana kufunga kuti handingaite kuti zvimwe zvinyorwe.

11 Nokuti ndinoraira vanhu ^avose, kumabvazuva nekumadokero, kumaodzanyemba, nekuchamhembe, nemuzvitsuwa zvegungwa, kuti ^bvachanyora mazwi andichataura kwavari; nokuti kubva ^ckumabhuku achanyorwa ^dndichatonga pasi rose, vanhu vose maererano namabasa avo, maererano nezvinenge zvakanyorwa.

12 Nokuti tarisai, ndichataura ^akumaJuda vogozvinyora; uye ndichataurawo kumaNifai ^bvogozvinyora; ndichataurawo kuna mamwe marudzi eimba yaIsraeri, avo ndakatungamirira kubvamo, ivowo vogozvinyora; uye ndichataura kumarudzi ^cose dzapasi idzowo dzogozvinyora.

13 Uye zvichaitika kuti ^amaJuda achava namazwi amaNifai, uye maNifai achava namazwi amaJuda; maNifai namaJuda vachava namazwi amarudzi ^bakarasika aIsraeri; marudzi akarasika eIsraeri achava namazwi amaNifai namaJuda.

14 Uye zvichaitika kuti vanhu vangu, vanova ^aveimba yaIsraeri, vachaungana kumusha munyika dzavo; neizwi rangu richabatanidzwa ^bpamwechete. Zve ndicharatidza avo vanorwa nezwi rangu nevanhu vangu, vanova ^cvemba yaIsraeri, kuti ndini Mwari, kuti ^dndakabvumirana naAbrahama kuti ndicharangarira ^embeu yake ^fnarinhi narinhi.