1 Nokuti tarisai Ishe, Ishe veHondo, vanotorera Jerusarema, naJuda, musimboti nemudonzvo, musimboti wose wezvekudya, newose wemvura—

2 Gamba, nemurume wehondo, mutongi, nemuporofita, nevakachenjera, nevakuru;

3 Mutungamiri wemakumi mashanu, nemurume anokudzwa, nemakurukota, newemapipi, uye anogona kutaura.

4 Uye ndichavapa vana kuti vave machinda avo, uye vacheche vachavatonga.

5 Uye vanhu vachadzvinyirirwa, wose nomumwe, uye wose newaakavakidzana naye; mwana achizvikudza kuna vakuru, uye akazvidzwa achazvikudza pane vanokudzwa.

6 Apo munhu achabata hama yake yemumba mababa vake, uye agoti: Iwe une zvipfeko, iva mutongi wedu, uye usabvumire ^akuparara uku kuti kuuye iwe uripo—

7 Muzuva iroro achapika, achiti: Handiite kuve ^amurapi; nokuti mumba mangu hamuna chingwa kana zvipfeko; regai kundiita mutongi wavanhu.

8 Nokuti Jerusarema ^araparadzwa, uye Juda ^byapunzika, nokuti miromo yavo nemabasa avo airwisana naIshe, kutsamwisa meso okubwinya kwavo.

9 Kuratidzika kweusu hwavo kunoreva zvavari, uye kuchireva kuti chitema chavo chakafanana ^anecheSodoma, uye havangachivige. Nhamo kumweya yavo, nokuti vazvipa vega mubairo wechakaipa!

10 Itai kune vakarurama ^azvakanaka kwavari; nokuti vachadya muchero wemabasa avo.

11 Nhamo kune vakaipa, nokuti vachafa; nokuti mubairo wemabasa avo uchave pavari!

12 Uye vanhu vangu, vana vadiki ndivo vadzvinyiriri vavo, uye vanotongwa nemadzimai. Imi vanhu vangu, avo ^avanokutungamirirai vanoita kuti mutadze uye vopaza nzira yamunofamba nayo.

13 Ishe vanosimuka ^akuvakumbirira, uye agosimukira kutonga vanhu.

14 Ishe achapinda mukutonga nevekare vevanhu vake ^anemachinda acho; nokuti ^bmakadya michero ^cyemunda wemizambiringa uye ^dmukadya ^ezvevarombo mudzimba dzenyu zvamakavatorera.

15 Munorevei imi? Makarova vanhu vangu mukavaita marengenya, uye mukakuya uso hwevarombo, vanodaro Ishe Mwari weHondo.

16 Zvakare, Ishe vanoti: Nenzira yekuti vanasikana veZioni vanozvikakanyadza, uye vachifamba vakazvuva mitsipa nemaziso eruchiva, vachifamba ^avachikunyungudza, uye vachirovanisa zvitsitsinho zvavo—

17 Saka Ishe vacharova nechirwere chegwembe panhongonya yemisoro yevanasikana veZioni, uye Ishe ^avachafugura nzvimbo dzemiviri yavo dzekutsi.

18 Muzuva iroro Ishe vachabvisa kusatya kwezvishongo zvavo zvavaifamba zvichirira, ^anenguwani, nemakoza ^bakatenderera semwedzi.

19 Tungetani nemangwerengwa, ^anezvinomonerwa mumutsipa;

20 Tunguwani, nezvishongo zvemumakumbo, nezvinosungiswa mumisoro, nezvinonhuwira, nemhete dzemunzeve;

21 Mhete dzeminwe, nezvekuisa pamhuno;

22 Nguwo ^adzakawanda, nemadhuku, nezvipeneti zvevhudzi;

23 ^aZvioni-oni, nemachira anoyevedza, neemumusoro, nemambure.

24 Uye zvichaitika kuti, kunze kwekunhuwirira kwakanaka pachanhuwa kuora; uye kunze kwebhanire, kuchava ^anemundya; uye kunze kwevhudzi rakakamwa zvakanaka, kuchave ^bnemhanza, uye kunze ^ckwemudimuraura, kuchave nemundya wesaga; kutsva kunze kwerunako.

25 Varume venyu vachafa nokubaiwa uye ugamba hwavo huchapedzwa muhondo.

26 Uye masuwo ake achachema nokuhungudzika; uye achaita segwenga, uye agogara pasi muvhu.