1 Uye zvino tarisai, hama dzangu, ndataura kwamuri, maererano nokutunhwa kwandange ndichiitwa neMweya; nokudaro, ndinoziva kuti chokwadi zvose izvi zvakafanira kuitika.

2 Uye zvinhu zvichanyorwa kubva ^amubhuku zvichave ^bzvakakosha kwazvo kuvana vevanhu, uye kunyanya kumbeu yedu, inove ndiyo yakasara kumba yaIsraeri.

3 Nokuti zvichaitika kuti nomusi iwoyo ^achechi dzichavakwa, dzisina kuvakirwa Ishe, apo imwe ichataura kune imwe ichiti: Tarisai, ini, ndini yaIshe; uye imwe yoti: Ini, ndini yaIshe; ndizvo zvichaita vose vakazvivakira chechi ivo pachavo, vasingavakire Ishe—

4 Uye vachanetsana pachavo; uye kana vafundisi vavo vachanetsana, uye vachadzidzisa neruzivo ^arwedzidzo dzavo, uye vagoramba Mweya Mutsvene, uyo unoita kuti vanhu vagone kutaura.

5 Uye ^avanoramba ^bsimba raMwari, Mutsvene waIsraeri; uye voti kuvanhu: Teererai kwatiri, uye munzwe kuraira kwedu; nokuti tarisai ^chakuna Mwari nhasi; nokuti Ishe neMununuri vaita basa ravo, uye vakapa simba rake kuvanhu.

6 Tarisai, teererai imi kuraira kwangu; kana vakati pane chishamiso chaitwa neruoko rwaIshe, musazvitende; nokuti zuva ranhasi havasi Mwari ^avezvishamiso; vakaita basa rake.

7 Hongu, uye kuchaita vazhinji vachati: ^aIdyai, munwe, uye mufare, nokuti mangwana tinofa; uye zvinozotinakira.

8 Uye kuchave nevazhinjiwo vachati: Idyai, munwe, uye mufare; zvisinei, ityai Mwari—anozoti ^ahamuna-mhosva mukuita kachitema kadiki; hongu, ^bnyepai zvishoma, ngwarira mumwe nenzira yemazwi ake, teyai muvakidzani wenyu nekumucherera ^cgomba; hakuna chakaipa mazviri; uye muite zvose izvi, nokuti mangwana tinofa; uye kana zviri zvekuti tine mhosva, Mwari achatiranga neshamhu shoma, uye pekupedzisira tichaponeswa muumambo hwaMwari.

9 Hongu, uye kuchange kune vazhinji vachadzidzisa netsika iyi, ^adzidziso dzenhema dzisipo ^bnedzeurema, uye vachazvikudza mumwoyo yavo, uye vachatsvaka kuvanza mazano avo zvakadzama kuna Ishe; uye mabasa avo achave murima.

10 Uye ^aropa ravatendi richavachemera richibva pasi.

11 Hongu, vose vabuda ^amunzira, vave vanhu ^bvakaipa.

12 Nenzira ^ayekuzvida, nenzira yevadzidzisi venhema, nedzidziso dzenhema, chechi dzavo dzaipa, uye chechi dzavo dzinozvikudza; nenzira yerudado vanozvitutumadza.

13 ^aVanobira ^bvarombo nokuda kwenzvimbo dzavo dzakanaka; vanobira varombo nenzira yekunaka kwezvipfeko zvavo; uye vanotambudza vakapfava nevarombo mumwoyo, nokuti ^cmukudada kwavo vanozvitutumadza.

14 ^aVanoomesa mitsipa nemisoro ine kuzvida; hongu, nenzira yekudada, nekuipa, neruvengo, neupfambi, vose ^bvatsauka kunze kwevashoma-shoma, avo vakazvirereka vateveri vaKristu; zvisinei, vanotungamirwa, zvekuti nguva zhinji vanokanganisa nenzira yekuti vanodzidziswa maererano nepfungwa dzevanhu.

15 Imi ^avachenjeri, nevakadzidza, nevapfumi, vanozvitutumadza ^bmukudada kwemwoyo yavo, neavo vose vanoparidza manyepo, neavo vose vanoita ufeve, uye vachikanganisa nzira yakanaka yaIshe, ^cnhamo, nhamo nedambudziko kwavari, ndiko kutaura kwaIshe Mwari Samasimba, nokuti vachakandwa mugehena!

16 Nhamo kune avo ^avanosiya zvakanaka vachida zvakaipa uye vachituka izvo zvakanaka, vachiti chinhu chisina maturo! Nokuti zuva richasvika rokuti Ishe Mwari vachashanyira vanhu venyika nokukurumidza; uye muzuva iroro vakomba ^bzvizere muzvitema vachafa.

17 Asi tarisai, kana vanhu vemunyika vakatendeuka muzvitema zvavo neruvengo rwavo havazoparadzwa, ndiko kutaura kunoita Ishe veHondo.

18 Asi tarisai, chechi iya huru inonyangadza, ^apfambi yepasi pose rakafanirwa, ^bkuwira pasi, uye kuwa kwaro kuchave kukuru chaizvo.

19 Nokuti umambo hwadhiabhorosi hwakafanira ^akuzunzwa, uye avo vari mahuri vakafanira kumutswa kuti vatendeuke, nokuti vakasamuka ^bdhiabhorosi achavasunga ^cnengetani dzisingaperi, uye zvoita kuti vamuke nehasha, vobva vafa.

20 Nokuti tarisai, nezuva iroro achange ^aari mumwoyo yevana vevanhu, uye agovaita kuti vashatirirwe chakanaka.

21 Vamwe ^aachavanyaradza, uye ovanyengedza kuti vafunge kuti vakasimba mune zvenyama, zvekuti vobva vati: zvose zvakanaka muZioni; hongu, Zioni irikubudirira, zvose zvakanaka—uye ndiko kunyengedzwa kwavanoitwa mumweya ^bnadhiabhorosi, ovatungamira zvakanakawo kugehena.

22 Uye tarisai, vamwe anovabata kumeso, ovaudza kuti hakuna ^agehena; uye oti kwavari: Handisi dhiabhorosi, nokuti hakuna chinhu chakadaro—uye anoita kazeve-zeve munzeve dzavo, kudakara avasunga ^bnengetani dzake dzinotyisa, avasunga kudaro hakuna ruponeso.

23 Hongu, vanosungwa nerufu, negehena; uye rufu, negehena, uye dhiabhorosi, nevose vakasungwa navo vakafanira kumira pamberi pechigaro chekutonga chaMwari, uye ^avagotongwa maererano nemabasa avo, vobva ipapo vanofanira kuenda kunzvimbo yavakagadzirirwa, kana suriferi yemoto ^bnedziva rinova kurwadziwa kusina magumo.

24 Naizvozvo, nhamo kune uyo ari muZioni asina hanyn’a!

25 Nhamo kune anotaura kuti: zvose zvakanaka!

26 Hongu, nhamo kune uyo ^aanoteerera kuraira kwevanhu, zve achiramba simba raMwari, nechipo cheMweya Mutsvene.

27 Hongu, nhamo kune uyo anoti: Takagashira, uye hakuna chimwe ^achatichada zvakare!

28 Uye muchidimbu, nhamo kwavari vose vanodedera, uye ^avakashatirwa pamusana pechokwadi chaMwari! Nokuti tarisai, uyo akavakira ^bpadombo anozvitambira nokufara; uye uyo akavakira mujecha anotya nokuti zvingangokoromoka.

29 Nhamo kune uyo anoti: Takagashira shoko raMwari, uye ^ahatichada zve shoko raMwari, nokuti ratinaro rakakwana!

30 Nokuti tarisai, ndiko kutaura kunoita Ishe Mwari: Ndichapa kuvana vevanhu mutsara pamusoro pemutsara, murairo pamusoro ^apemurairo, pano zvishoma, apo zvishoma; uye vakakomborerwa ivavo vanoteerera kumirairo yangu, uye vachipa nzeve mukuraira kwangu, nokuti vachadzidza ^buchenjeri; nokuti kune uyo ^canogashira ndichapa ^dzvakawanda; kune avo vanoti, Isu tine zvakakwana, ivavo vachatorerwa kana zvavange vainazvo.

31 Akatukwa uyu anoisa ^aruvimbo rwake kumunhu, kana kuita kuti munhu wenyama ave simba rake, kana kuteerera kumirairo yemunhu, kunze kwekunge mirairo yavo yapiwa nesimba reMweya Mutsvene.

32 ^aNhamo kumaJentairi, vanodaro Ishe Mwari weHondo! Nokuti hazvinei kuti ndichatambanudzira ruoko rwangu kwavari zuva nezuva, vachandiramba; zvakadaro, ndichavanzwira tsitsi, vanodaro Ishe Mwari, kana vakatendeuka vakauya kwandiri; nokuti ^bruoko rwangu rwakatambanudzwa muswere wose, Ishe vanodaro Mwari veHondo.