1 Uye zvakaitika kuti mumazuva aAhazi mwanakomana waJotami, mwanakomana waUziya, mambo weJuda, kuti Rezini, mambo weSiria, naPeka mwanakomana waRemaria, mambo weIsraeri, vakaenda kuJerusarema vachida kunoirwisa, asi vakatadza kuikunda.

2 Uye zvakataurirwa vemba yaDavidi zvichinzi: Siria yafurirana ^anaEfraimi. Uye mwoyo wake wakazunguzwa, nemwoyo yevanhu vakewo, sekuzunguzwa kunoitwa miti nemhepo musango.

3 Zvino Ishe vakati kuna Isaya: Enda iye zvino unosangana naAhazi, iwe ^anaSheari-jashubi mwanakomana wako, pakaperera mugero unobva muchidziva chekumusoro mumugwagwa wekumunda kwemusuki wenhumbi;

4 Uye woti kwaari: Chenjera, uye unyarare; ^ausatye, zve usarohwe nehana pamusoro pezvitsiga zvemoto zviri kupfungaira, nekushatirwa kunotyisa kwaRezini achishatirirwa Siria, nemwanakomana waRemaria.

5 Nokuti Siria, Efraimi, nemwanakomana waRemaria, vakarangana zvakaipa nezvako, vachiti:

6 Hendei kumaJuda tinovanetsa, ^atigozviitira muganhu wedu imomo, uye tigoisa mambo pakati pavo, hongu, mwanakomana waTabeeri.

7 Ndizvo zvinotaura Ishe Mwari: Hazvimire, zve hazvizoitika.

8 Nokuti musoro weSiria iDamasiko, uye musoro weDamasiko, ndiRezini; uye mukati memakore makumi matanhatu ane makore mashanu vaEfraimi vachatorwa zvekuti vanenge vasisiri vanhu.

9 Uye musoro wevaEfraimi vaSamaria, uye musoro wemaSamaria mwanakomana waRemaria. Kana ^amukasatenda chokwadi hamungasimbiswe.

10 Zvakare, Ishe vakataura zve kuna Ahazi, achiti:

11 Kumbira iwe ^achiratidzo kuna Ishe Mwari vako; chikumbire chero kune zvakadzama pasi, kana kune zviri muchadenga.

12 Asi Ahazi akati: Handikumbire kwete, zve ^ahandiedze Ishe.

13 Uye akati: Inzwai zvino imi vemba yaDavidi; chinhu chiduku here kuti munetse vanhu, asi mungade kunetsa Mwari wanguwo here?

14 Nokudaro, Ishe pachake achakupai chiratidzo—Tarisai, ^amhandara ichabata pamuviri, uye igobereka mwanakomana, achadaidzwa zita rake kunzi ^bImanueri.

15 Ruomba neuchi ndizvo zvaachadya, kuti agoziva kuramba zvakaipa uye achisarudza zvakanaka.

16 Nokuti ^amwana asati asvika pakuramba chakaipa nokusarudza chakanaka, nyika yamakavenga inenge yatosiiwa nemadzimambo ayo ^bmaviri.

17 Ishe ^avachaunza pauri, nekuvanhu vekwako, nemumba mababa vako, mazuva asati ambovako kubvira musi wakabva ^bvaEfraimi muna Juda, mambo weAsiria.

18 Uye zvichaitika kuti muzuva iroro Ishe ^avacharidzira muridzo nhunzi iri kumusoro-soro kweEgipita, nenyuchi iri munyika yeAsiria.

19 Uye dzichauya, uye dzichazorora dzose mumanhika asina chinhu, nemumwena yematombo, nepaminzwa yose, nepamakwenzi ose.

20 Muzuva rakarero Ishe ^avachaveura nechisvo chakumbirwa, navari mhiri kwerwizi, ^bnamambo weAsiria, musoro, nemvere dzemumakumbo; uye chichabvisawo ndebvu.

21 Uye zvichaitika kuti muzuva iroro, murume ^aachapfuya mhou ichiri diki nehwai mbiri;

22 Uye zvichaitika kuti, nenzira yekuwanda kwemukaka wazvichamupa achadya ruomba; nokuti ruomba neuchi ndizvo zvichadyiwa nemunhu wose anosara ari munyika.

23 Uye zvichaitika kuti muzuva iroro, nzvimbo yose ichavepakange paine mizambiringa yange ichikwana chiuru ichikosha chiuru ^achesirivha, pachasara pave nerukato neminzwa.

24 Varume vachauyako nemiseve neuta, nokuti yose nyika inenge yangove rukato neminzwa.

25 Uye zvose zvikomo zvicharimwa nemapadza, hapazove nekutya rukato neminzwa; asi muchave mokusairira madhonza, nokutsikwa-tsikwa nedzimwe mombe ^adiki.