1 Uye mushure ^amekumuka kwaKristu kuvakafa ^bachazviratidza kwamuri, vana vangu, nemi hama dzangu dzinodiwa; uye mazwi aachataura kwamuri ndiwo ^cmutemo wamuchatevedza.

2 Nokuti tarisai, ndinoti kwamuri ndaona kuti kuchaita zvizvarwa zvizhinji zvichapfuura, uye kuchave nehondo nokupopotedzana pakati pevanhu vekwangu.

3 Uye mushure mekunge Mesia auya vanhu vekwangu vachapiwa ^azviratidzo ^bzvekuzvarwa kwake, nezvekufa nekumuka kwake; uye zuva iroro richave zuva guru rakaipa rinotyisa kune vakaipa, nokuti vachafa; uye vanofa nokuti vakadzinga maporofita, nevatendi, uye vakavatema nematombo, vakavauraya; nokudaro kuchema ^ckweropa ravatendi kuchakwira kudenga kuchibva pasi kuchivaroverera.

4 Nokudaro, vose avo vanozvida, neavo vane mabasa akaipa, zuva riri kuuya iri ^arichavapisa, ndizvo zvinotaura Ishe weHondo, nokuti vachaita semashanga.

5 Uye vachauraya maporofita, nevatendi, ^avachamedzwa neudzamu hwenyika, ndizvo zvinotaurwa naIshe veHondo; uye vachafukidzwa ^bnemakomo, zvinyamupupuri zvichavatakura, uye dzimba dzichavapunzikira dzigovadzvinyirira nokuvaita kanyama-kanyama nekuvakuya kusara vaita seupfu.

6 Uye vachavingwa nemabhanan’ana, nemheni, nekundengendeka kwenyika, nezvinhu zvose zvinoparadza, nokuti moto wekushatirwa kwaIshe unenge wabatidzwa wovarwisa, uye vachaita semashanga, uye zuva rinouya richavadya, ndiko kutaura kwaIshe veHondo.

7 Iko kurwadza kwacho, nokutambudzika kwemweya wangu pamusoro pekurasikirwa neavo vakauraiwa vevanhu vekwangu! Nokuti ini Nifai, ndakazviona, uye zvikange zvichandidya ndiri pamberi paIshe; asi ndakafanira kuchema kuna Mwari vangu: Nzira dzenyu ^adzakarurama.

8 Asi tarisai, avo vatsvene vanoteerera mazwi emaporofita, vasingaaparadze, asi vachitarisa kuna Kristu nekushinga kuti vaone zviratidzo zvinopiwa, vasinei ^anekunetswa kwose—tarisai, ivavo ndivo ^bvasingafe.

9 Asi Mwanakomana weKururama ^aachazviratidza kwavari; uye ^bachavarapa, uye vachawana ^crunyararo naye, kudakara kupfuura kwezvizvarwa ^dzvitatu, uye kana vazhinji vechizvarwa ^echechina vanenge vapfuura vari mukururama.

10 Uye kana zvinhu izvi zvaitika ^akuparadzwa nokukurumidza kuchauya kuvanhu vekwangu; nokuti, kana dai mweya wangu uchirwadziwa, ndakazviona; nokudaro, ndinoziva kuti zvichaitika; uye vanozvitengesa pasina mubairo; nokuti, semubairo wekudada kwavo nekupusa kwavo vachakohwa kuparadzwa; nokuti vanokundwa nadhiabhorosi uye vosarudza mabasa erima vachisiya echiedza, saka vakafanira kuenda ^bkugehena.

11 Nokuti Mweya waIshe ^ahauzogare nguva dzose uchishanda nevanhu. Uye kana Mweya warega kushanda nevanhu panobva pauya kuparadzwa kukuru nokukurumidza, uye izvi zvinosuwisa mwoyo wangu.

12 Uye sekutaura kwandakaita maererano ^anezvekupwiswa ^bkwemaJuda, kuti Jesu uyu ndiye Kristu ^cchaiye, zvinofanira kuti maJentairi apwiswewo kuti Jesu ndiye Kristu, Mwari Vokusingaperi.

13 Uye nokuti anozviratidza pachake kune avo vose vanotenda maari, nesimba ^areMweya Mutsvene; hongu, kumarudzi ose, ndimi, nevanhu, achiita zvishamiso zvikuru, zviratidzo, neminana, mukati mevana vevanhu maererano nerutendo rwavo.

14 Asi tarisai, ndinoporofita kwamuri maererano nemazuva ^aekupedzisira; maererano nemazuva Ishe Mwari ^bavachaunza zvinhu izvi kuvana vevanhu.

15 Mushure mekunge mbeu yangu nembeu yehama dzangu yaderera mukusatenda, uye varohwa nemaJentairi; hongu, mushure mekunge Ishe Mwari vavakomberedza, uye vavamanikidzira pakati pemakomo, uye vamisa misasa yekuvarwisa; uye mushure mekunge vatururwa vave muguruva, kana dai vasina, asika mazwi evakarurama achanyorwa, uye miteuro yevanotenda ichanzwikwa, uye avo vose vaderera mukusatenda havazokanganwikwa.

16 Nokuti avo vachaparadzwa ^avachataura kwavari vave muvhu, uye kutaura kwavo kuchave pasi-pasi kuchibva muguruva, uye mazwi avo achaita seevanosvikirwa; nokuti Ishe Mwari achamupa simba, kuti agoita kazeve-zeve pamusoro pavo, kunge zviri kubva pasi; uye kutaura kwavo kuchaita sezeve-zeve riri kubva muguruva.

17 Nokuti Ishe Mwari vanotaura vachiti: ^aVachanyora zvinhu zvichaitwa pakati pavo, uye zvichanyorwa zvigonamirwa mubhuku, uye avo vaderera mukusatenda havazviwane, nokuti ^bvanotsvaka kuparadza zvinhu zvaMwari.

18 Nokudaro, sezvo avo vakaparadzwa vakaparadzwa nokukurumidza; uye mhomho dzevanhu vavo vakaipa dzichave ^asemarara anokukurwa—hongu, ndiko kutaura kunoita Ishe: Zvichaitika nechinguvana, chinongoerekana—

19 Uye zvichaitika, kuti avo vakaderera mukusatenda ^avacharohwa neruoko rwemaJentairi.

20 Uye maJentairi vanozvida ^anokudada kana vakazvitarisa, uye ^bvanopingaidzwa, nenzira ^cyezimhinga-mupinyi guru, nokuvaka ^dmachechi akawanda; zvisinei, vanokanda pasi simba nezvishamiso zvaMwari, uye vagozviparidzira zvavo zveungwaru hwavo ^enedzidziso yavo, kuti vagowana upfumi ^fhwavanotora kuvarombo.

21 Uye kune machechi mazhinji akavakwa anokonzera ^aruchiva, nekunetsana, nepfini.

22 Uye kune zvikwata ^azvemuruvande, sezvaiitwa kare, maererano nezvikwata zvadhiabhorosi, nokuti ndiye akatanga zvose zvinhu izvi; hongu, ndiye akatanga neumhondi, nemabasa erima; hongu, anovatungamira akavaisa chishwe muhuro, kusvika avaita mbira dzakondo zvachose.

23 Nokuti tarisai hama dzinodiwa, ndinoti kwamuri Ishe Mwari havashande murima.

24 Hapana chavanoita kunze kwekunge chiri chinozoyamura pasi rose; nokuti ^avanoda nyika, zvekuti vanopa upenyu hwavo kuti vakwezve vanhu ^bvose vauye kwavari. Nokudaro, hapana vavanoti havafanire kudya nhaka yeruponeso rwavo.

25 Tarisai, vanodaidzira here, vachiti: Ibvai kwandiri? Tarisai, ndinoti kwamuri, Kwete; asi vanotaura vachiti: ^aUyai kwandiri mose muri kumativi ose enyika, ^btengai mukaka neuchi, pasina mari uye pasina mutengo.

26 Tarisai, pane vavakamboudza here kuti abve mumasinagogo, kana mudzimba dzekunamatira? Tarisai, ndinoti kwamuri, Kwete.

27 Pane vaakarambidza here kudya nhaka yake ^ayeruponeso? Tarisai ndinoti kwamuri, Kwete; asi ^bvakaipa kuvanhu vose pachena; uye vakataurira vanhu vake kuti vanyengetedze vanhu kuti ^cvatendeuke.

28 Tarisai, ko Ishe vakamborambidza vanhu here kuti vasadye nhaka yekunaka kwavo? Tarisai, ndinoti kwamuri, Kwete; asi ^avose vanepundutso umwe neumwe, uye hakuna kana mumwechete anosarudzwa kana kurambidzwa.

29 Anoti iye hakufanire kuve ^anehufundisi-husakarurama; nokuti tarisai, hufundisi husakarurama kuti vanhu vanoparidza vachizvimisa sechiedza chenyika, vachiitira izvi kuti vawane upfumi ^bnerukudzo rwenyika; asi havatsvake magariro akanaka eZioni.

30 Tarisai, Ishe vakarambidza zvinhu izvi; nokudaro, Ishe Mwari vakapa murairo wekuti vose vanhu vakafanira kuve ^anerudo rwakadzama, irwo rudo rwakadzama urwu ndirwo rwunova ^brudo rwechokwadi. Uye kunze kwekunge vaine rudo rwakadzama havana chavari. Nokudaro, kana vaine rudo rwakadzama havangabvumire kuti mushandi muZioni afe.

31 Asi mushandi ^amuZioni achashandira Zioni; nokuti kana vakashandira ^bmari vachafa.

32 Uye zvakare, Ishe Mwari ^avakaraira vanhu havafanire kuponda; kuti havafanire kunyepa; kuti havafanire kuba; vakati havafanire kupika nezita raIshe Mwari vavo ^bvachinyepa; vakati havafanire kuchiva; vakati havafanire kuve nepfini; vakati havafanire kuvengana; vakati havafanire kuita upombwe; uye vakati havafanire kuita kana chimwechete chezvinhu izvi; nokuti uyo achazviita achafa.

33 Nokuti zvitadzo zvose hapana zvinobva kuna Ishe; nokuti vanoita izvo zvakanaka mukati mevana vevanhu; uye hapana chavanoita kunze kwekunge chiri pachena kuvana vevanhu; uye vanovakoka vose kuti vazodya nhaka yekunaka kwavo; hapana ^avavanoramba anouya kwavari, mutema nemuchena, musungwa neasiri musungwa, murume nemukadzi; uye vanorangarira ^bmuhedeni; uye ^cvose vakafanana kuna Mwari, vose muJuda nemuJentairi.