1 Uye zvino ini Nifai, handingakwanisi kunyora zvinhu zvose zvakadzidziswa vanhu vangu; zve handizi ^amukuru pakunyora, sepakutaura; nokuti kana munhu ^bachitaura nesimba roMweya Mutsvene simba roMweya Mutsvene rinotakura mazwi iwayo kumwoyo yavana vavanhu.

2 Asi tarisai, kune vakawanda ^avakaomesa mwoyo yavo kuMweya Mutsvene, zvekuti hauna nzvimbo mavari; naizvozvo, vanorasira kunze zvinhu zvizhinji zvakanyorwa vachizviita sezvinhu zvisina maturo.

3 Asi ini Nifai, ndakanyora zvandakanyora, ndinozviti zvinhu ^azvinokosha, kunyanya kuvanhu vangu. Nokuti ^bndinovanamatira nguva dzose, maziso angu anototesa mutsago wangu usiku, nokuda kwavo; ndinochema kuna Mwari vangu mukutenda, uye ndinoziva kuti vachanzwa kuchema kwangu.

4 Uye ndinoziva kuti Ishe Mwari vanoropafadza minamato yangu inoponesa vanhu vangu. Namazwi andakanyora ndisina kusimba ^aachasimbiswa kwavari; nokuti ^banovatunhidza kuti vaite zvakanaka; anoita kuti vazive zvemadzibaba avo; anotaura pamusana paJesu, achivatunhidza kuti vatende maari, nokuti vashingirire kusvikira kumagumo, unova ndiwo upenyu ^chwokusingaperi.

5 Uye unotaura ^anehasha kuchivi, maererano nechokwadi chiri ^bpachena; nokudaro, hapana munhu achashatirwa nemazwi andakanyora, kunze kwokunge ari wemweya wadhiabhorosi.

6 Ndinofara kuisa zvinhu pachena, ndinofara nechokwadi; ndinofara munaJesu wangu, nokuti ^aakadzikinura mweya wangu kubva mugehena.

7 Ndine ^arudo rwakadzama kuvanhu vangu, nokutenda kukuru munaKristu kuti ndichasangana nemweya yakawanda isina tsvina pachigaro chake chokutonga.

8 Ndine rudo rwakadzama ^akumaJuda—ndinoti maJuda, nokuti ndinoreva vekwandakabva.

9 Uye ndine rudo rwakadzama ^anamaJentairi. Asi tarisai, hapana wandinotarisira kunze kwokuti ^bvatendeukire kunaKristu, nokupinda napasuo ^crakamanika, ^dnokufamba panzira ^eyakamanikana nhete inotungamirira kuupenyu, voramba vari munzira kusvikira kumagumo ezuva rokuedzwa.

10 Uye zvino, hama dzangu dzinodiwa, uye namaJuda, namativi ose enyika, teererai mazwi aya ^amugotenda munaKristu; kana musingatendi mazwi aya tendai munaKristu. Mukatenda munaKristu muchatenda ^bkumazwi aya, nokuti ^cmazwi aKristu, uye akaapa kwandiri; uye ^danodzidzisa munhu wose kuti aitezvakanaka.

11 Uye kana asiri mazwi aKristu, tongai—nokuti Kristu achakuratidzai, ^anesimba nokubwinya kukuru, kuti mazwi ake, pazuva rokupedzisira; iwe neni tichamira chiso nechiso pamberi ^bpake; muchazoziva kuti ndakarairwa naye kuti ndinyore zvinhu izvi, zvisingatadziswe nekuneta kwangu.

12 Uye ndinonamata Baba muzita raKristu kuti vazhinji vedu, kana kuti vose, vaponeswe ^amuumambo hwake pazuva iro guru rokupedzisira.

13 Uye zvino, hama dzangu dzinodiwa, avo vose veimba yaIsraeri, namativi ose enyika, ndinotaura kwamuri seizwi reuyo ari kuchema ari ^amuvhu: Sarai zvakanaka kusvikira zuva guru rasvika.

14 Uye newe usingapinde mukunaka kwaMwari, nokukudza ^amazwi amaJuda, uye ^bnamazwi angu, namazwi achabuda mumuromo weGwayana raMwari, tarisai, ndinokuti usare zvakanaka zvisingaperi, nokuti mazwi iwaya ^cachakurasa pazuva rokupedzisira.

15 Nokuti zvandinobatanidza panyika, zvichaunzwa kwamuri ^apakutongwa; nokuti ndizvo zvandarairwa naIshe, zve ndinofanira kuteerera. Ameni.