1 Zvisinei, kudzimaidzwa hakuzoita sekwakange kuri mukutambudzika kwake, apo pakutanga zvaakangonyaikira chete kunetsa ^anyika yaZeburuni, nenyika yeNaftari, uye mushure mezvo akazotambudza zvinorwadza nekuGungwa Dzvuku mhiri kwaJorodani muGarirea yemarudzi.

2 Vanhu vaifamba ^amurima vaona chiedza chikuru; avo vanogara munyika yemumvuri werufu, pavari chiedza chapenya.

3 Imi mawanza rudzi, uye ^amukapamhidzira mufaro—vanofara pamberi penyu maererano nemufaro wepanguva dzekukohwa, uye sekufara kunoita varume kana vachigovana zvinhu zvavapamba.

4 Nokuti matyora joki rekudzvinyirirwa kwake, netsvimbo yairova mapfudzi ake, mubhadha wemudzvinyiriri wake.

5 Nokuti kwose kurwa kwemurwi kune ruzha rwunokanganisa, nezvipfeko zvaumburudzwa muropa; asi izvi zvichave nekubvira nekuve huni dzinobvirisa moto.

6 Nokuti kwatiri ^amwana azvarwa, kwatiri tapiwa mwanakomana, uye ^bkutonga kuchave pamapfudzi ake; uye zita rake richadaidzwa kuti Anoshamisa, Mupiwezano, Mwari ^cSamasimba, Baba ^dVasingaperi, ^eJinda reRunyararo.

7 Uye kupamhidzirwa ^akwekutonga nerunyararo ^bhazvina magumo, pachigaro cheumambo hwaDavidi, nemuumambo hwake, nekuhumisa nekutonga nekururama kubvira iye zvino, kusvika nokusingaperi. Kuda kwaIshe veHondo kuchaita kuti zviitike.

8 Ishe vakatumira shoko ravo kuna Jakobo uye rajekesa kuna ^aIsraeri.

9 Uye vose vanhu vachaziva, kana Efraimi nevanhu veSamaria, vanotaura nekudada nekuzvikudza kwemwoyo:

10 Zvidhinha zvakoromoka, asi tichavaka nematombo akavezwa; mionde yatemwa, asi tichaipindura kuti ive misidha.

11 Nokudaro Ishe vachamutsira ^aRezini vavengi, vagobatanidza vavengi vake pamwechete;

12 VaSiria pamberi uye nevaFiristia shure; uye ^avachamedza Israeri nemuromo wakashama. Nokuti ^bhasha dzavo hadzina kudzoswa, asi ruoko rwavo rwuchakangosimudzwa.

13 Nokuti vanhu ^ahavatendeukire kune uyo anovarova, kana Ishe veHondo havamutsvake.

14 Saka Ishe vachadimura vaIsraeri musoro nemuswe, bazi nenhokwe muzuva rimwechete.

15 Harahwa, ndiyo musoro; uye muporofita anodzidzisa nhema, ndiye muswe.

16 Nokuti vatungamiri vevanhu ava ndivo vanoita kuti vatadze; uye avo vanotungamirwa navo vanoparadzwa.

17 Nokudaro Ishe havachazove nerufaro nemajaya avo, havazove ^anetsitsi kune vasina baba vavo neshirikadzi; nokuti mumwe nomumwe wavo munyengedzi nemuiti wezvakaipa, uye wose muromo unotaura ^bnhema. Nezvose izvi hasha dzavo hadzina kudzoswa, asi ^cruoko rwavo ruchakatambanudzwa.

18 Nokuti huipi hunobvira semoto; uchapisa rukato neminzwa, uye uchabatira mumasango akapfita, ugokwira semhute yeutsi.

19 Nehasha dzaIshe veHondo nyika inoita rima, uye vanhu vachaita sehuni dzaiswa muchoto; ^ahakuna munhu acharegerera hama yake.

20 Achabvuta nekurudyi agoshoshera uye agonzwa nzara; uye ^aachadya neruboshwe uye vagosaguta; wose munhu achadya nyama yeruoko rwake—

21 ^aManase, ^bEfraimi; uye Efraimi, Manase, ivava pamwechete vacharwisa ^cJuda. Nokudaro hasha dzavo hadzina kudzoswa, asi ruoko rwavo rwuchakatambanudzwa.